ឯកសាររបស់តុលាការបង្ហាញថា មន្ត្រីប៉ូលីសនៅទីក្រុង Los Angeles ពីរនាក់ត្រូវបានបណ្តេញចេញ សម្រាប់ការដេញតាម Pokémon ជាជាងការដេញចាប់ចោរដែលរត់គេចខ្លួន។ មន្ត្រីប៉ូលីសទាំងពីរបានចតឡាននៅក្បែរកន្លែងកើតហេតុ នៅពេលមានវិទ្យុទាក់ទងឲ្យសមត្ថកិច្ចឆ្លើយតបនឹងករណីចោរប្លន់ហាងមួយកន្លែង។ ប៉ុន្តែការពិនិត្យឡើងវិញនៃវីដេអូកាមេរ៉ានៅក្នុងរថយន្តរបស់ពួកគេបានបង្ហាញថា ពួកគេបានលេងហ្គេម Pokémon Go ហើយបានជ្រើសរើសបន្តស្វែងរកសត្វសិប្បនិម្មិតនៅក្នុងហ្គេមនៅក្បែរនោះ ដែលជាការចាប់សត្វដ៏កម្រមួយ ជំនួសឱ្យការផ្តល់ជំនួយសម្រាប់ករណីចោរប្លន់។

អ្នកទាំងពីរបានបដិសេធពីការលេងហ្គេម ប៉ុន្តែត្រូវបានបណ្តេញចេញបន្ទាប់ពីមានការស៊ើបអង្កេត។ សត្វសិប្បនិម្មិត ព័ត៌មានលម្អិតនៃករណីនេះបានលេចចេញ នៅពេលដែលឯកសារថ្មីៗបំផុតអំពីការប្តឹងឧទ្ធរណ៍របស់ពួកគេ ត្រូវបានប្រទះឃើញដោយ Axios ។ ឯកសារបាននិយាយថា បន្ទាប់ពីមិនអើពើនឹងការហៅតាមវិទ្យុសម្រាប់ការផ្តល់ជំនួយ "ក្នុងរយៈពេលប្រហែល 20 នាទីបន្ទាប់ [វីដេអូ] បានចាប់យកប៉ូលីសទាំងពីរកំពុងពិភាក្សាអំពី Pokémon នៅពេលពួកគេបើកឡានទៅទីតាំងផ្សេងៗគ្នា ដែលសត្វសិប្បនិម្មិតបានបង្ហាញខ្លួននៅលើទូរស័ព្ទដៃរបស់ពួកគេ" ។

Louis Lozano និង Eric Mitchell បានដើរល្បាតនៅពេលដែលហាងទំនិញរបស់ Macy ដែលត្រូវបានចោរប្លន់នៅថ្ងៃទី 15 ខែមេសា ឆ្នាំ 2017។ ឯកសារតុលាការបង្ហាញថា មន្ត្រីម្នាក់ទៀតឈ្មោះ Capt Davenport ដែលបានឮការហៅនោះ អាចមើលឃើញហាងដែលមានចោរប្លន់នោះ ហើយរថយន្តប៉ូលីសមួយគ្រឿងទៀតចតនៅផ្លូវដើរក្បែរនោះ។ ដោយឃើញមន្ត្រីដែលនៅក្បែរនោះមិនបានឆ្លើយតបនឹងការហៅទូរស័ព្ទនោះទេ ដូច្នេះលោក Capt Davenport បានធ្វើសកម្មភាពដោយខ្លួនឯង ហើយបន្ទាប់មកបានឃើញរថយន្តប៉ូលីសមួយគ្រឿងនោះបើកបញ្ច្រាស់ផ្លូវ ហើយចាកចេញពីតំបន់នោះ។

ក្រោយមកមន្ត្រីទាំងពីររូបបានប្រាប់ពលទាហានម្នាក់ ដែលព្យាយាមទាក់ទងពួកគេដើម្បីផ្តល់ជំនួយថាពួកគេមិនបានឮវិទ្យុនោះទេ។ ប៉ុន្តែវីដេអូកាមេរ៉ាក្នុង រថយន្តបានបង្ហាញ ថាពួកគេបានពិភាក្សាអំពីការហៅទូរសព្ទនេះហើយបានសម្រេចចិត្តមិនឆ្លើយតប។ ផ្ទុយទៅវិញ ប្រាំនាទីក្រោយមក ពួកគេត្រូវបានលឺថា បាននិយាយគ្នាអំពីការចាប់ Pokémon។ ឯកសារបាននិយាយថា "មន្រ្តី Mitchell បានដាស់តឿន Lozano ថា "Snorlax ... ទើបតែលេចឡើង [នៅ] ប្លុកទី46 និង Leimert" ។ បន្ទាប់មក អ្នកទាំងពីរបានចាកចេញទៅទិសដៅនោះ ដើម្បីចាប់ផ្តើមវគ្គលេងហ្គេម និងការពិភាក្សាអស់រយៈពេល 20 នាទី។ ពួកគេអាចត្រូវបានគេឮនិយាយអំពីការចាប់យកសត្វ Snorlax ដោយជោគជ័យ និងការប្រយុទ្ធជាមួយសត្វ Togetic ដែលជា Pokémon មួយផ្សេងទៀត។
មន្រ្តី Mitchell បាននិយាយថា "ប៉ូលីសដទៃទៀតនឹងមានការច្រណែនជាខ្លាំងមកលើពួកគេ" ។

ការល្បាតបន្ថែម ក្រោយមកបន្ទាប់ពីក្រុមប្រឹក្សាជំនុំជម្រះលើការប្រព្រឹត្តខុសបានរកឃើញថា អ្នកទាំងពីរមានទោសដូចជាៈ
- បរាជ័យ ក្នុង ការ ឆ្លើយ តប នឹង ការ ហៅ ទូរស័ព្ទករណីចោរ ប្លន់
- ធ្វើសេចក្តីថ្លែងការណ៍មិនពិត
- បរាជ័យក្នុងការឆ្លើយតបទៅនឹងវិទ្យុនៅពេលទាក់ទង
- លេងហ្គេម Pokémon Go កំឡុងពេលបំពេញកាតព្វកិច្ច
- ធ្វើសេចក្តីថ្លែងការណ៍មិនពិត ដែលកំពុងស្ថិតក្រោមការស៊ើបអង្កេត

យោងតាមតុលាការបានឱ្យដឹងថា "ប៉ូលីសទាំងពីរបានសារភាពថា បានចាកចេញពីតំបន់កើតហេតុរបស់ពួកគេ ដើម្បីស្វែងរក Snorlax ប៉ុន្តែពួកគេបានទទូចថា ពួកគេបានធ្វើដូច្នេះ ជាផ្នែកមួយនៃ "ការល្បាតបន្ថែម" និង "ដេញតាមសត្វទេវកថានេះ" ។ អ្នកតំណាងរបស់ពួកគេបានប្រកែកថា ការថតសំឡេងនៅក្នុងរថយន្តមិនត្រូវបានគេសន្មត់ថា ត្រូវបានប្រើដើម្បីកត់ត្រាការសន្ទនាឯកជនឡើយ ហើយមិនគួរត្រូវបានប្រើជាភស្តុតាងនោះទេ ប៉ុន្តែវាត្រូវគេបានបដិសេធ។ បន្ទាប់មកអ្នកទាំងពីរបានទៅកាន់តុលាការ  ដែលករណីរបស់ពួកគេត្រូវបានបដិសេធ។ នៅសាលាឧទ្ធរណ៍ក៏បានច្រានចោលករណីនេះផងដែរ ដោយលើក ឡើងថាសិទ្ធិរបស់អតីតមន្ត្រីទាំងពីរនាក់មិនត្រូវបានរំលោភបំពានឡើយ។

អត្ថបទដកស្រង់ពី BBC
បកប្រែនិងកែសម្រួលដោយ Mr. Blue