Topic ទាក់ទងពីលោកខ្មែរមួយជីវិត និងលោកឧកញ៉ាខេមរៈសិរីមន្តកំពុងតែក្តៅគគុកនៅលើបណ្តាញសង្គមដោយហ្វេនរៀងៗខ្លួនរបស់ពួកគេបានបន្តបើកសឹកបង្ហាញមតិការពារអាយដលរបស់ខ្លួនយ៉ាងឈ្មុសឈ្មុល..។ ដោយជម្លោះបានចាប់ផ្តើមពីលោកខ្មែរមួយជីវិតបានចូលរួមផ្តល់បទសម្ភាសន៍នៅក្នុងកម្មវិធី«រៀនថត Podcast» របស់ពូជ្រួញ រួមជាមួយនឹងលោក Ravenblaze។ បន្ទាប់មកលោកក៏បានបង្ហាញគំនិតត្រង់ៗទាក់ទងនឹងវិស័យចំរៀងរ៉េបនៅក្នុងប្រទេសកម្ពុជា។ នៅក្នុងបទសម្ភាសន៍នោះ លោកបាននិយាយពីតារាចំរៀងឧកញ៉ាដូចលោកព្រាបសុវត្ថិ និងលោកខេមរៈសិរីមន្ត ដែលមិនគួរណាបន្ទាបខ្លួនមកច្រៀងចំរៀបរ៉េបដូចជាពួកលោកនោះទេ ព្រោះបើមើលតាមឋានៈពួកគេគឺសក្តិសមជាសិល្បកររៀមច្បងនៅក្នុងកំរិតខ្ពស់មួយដែលមិនគួរណាត្រឹមតែ Follow Trend នោះទេ។ យ៉ាងទៀតលោកបានសង្កត់ធ្ងន់ថាក្នុងនាមជាតារារ៉េបម្នាក់គួរតែមានការនិពន្ធឡើងដោយខ្លួនឯង ដើម្បីបង្ហាញអ្វីដែលជាខ្លួនឯង។
បន្ទាប់ពីរងការ Mention ឈ្មោះចំៗរួចមក លោកឧកញ៉ាខេមរៈសិរីមន្តក៏មិននៅស្ងៀមយូរ ក៏បានបង្ហោះស្តេធឹសបកទៅវិញការពារគោលគំនិតរបស់ខ្លួនឯងថា"ទីផ្សារសេរីអ្នកណាធ្វើអីបានធ្វើទៅតាមសមត្ថភាពនឹងលទ្ធភាពរៀងៗខ្លួន"។ ក្រោយមកទៀតផលិតកម្ម Galaxy Navatra ក៏បានប្រតិកម្មឡើងថា ស្នើសុំអោយលោកខ្មែរមួយជីវិតពិចារណាឡើងវិញពីពាក្យសំដីប្រមាថមកកាន់កំពូលតារាចំរៀងទាំងពីររូប។ ខណៈដែលលោកផែងវណ្ណៈក៏បានបង្ហោះសារគាំទ្រអាយដលរបស់ខ្លួន និងបង្អាប់លោកខ្មែរមួយជីវិតវិញផងដែរថា «បទរេបមិនមែនជាកម្មសិទ្ធិផ្ដាច់មុខរបស់លោកតែម្នាក់ទេ និយាយស្ដីអោយចេះគោរពតារាចម្រៀងរាមច្បងផង!” ដែលធ្វើអោយលោកខ្មែរមួយជីវិតបង្ហោះស្តេធឹសបង្ហាញការខកចិត្តជាខ្លាំងចំពោះលោកផែងវណ្ណៈ។
លុះកាលពីពេលយប់មិញនេះ អ្នកគាំទ្រក៏បានផ្ទុះដំណឹងឡើងថាផេកផ្លូវការរបស់លោកខ្មែរមួយជីវិតត្រូវបាន MMO report បាត់និងរកលែងឃើញទៀតហើយ។ ស្របពេលដែលកាលពីព្រឹកមិញនេះ លោកព្រាបសុវត្ថិក៏បានបង្ហោះសារចុងក្រោយថា “មហាជនគឺជាកញ្ចក់សម្រាប់ឆ្លុះបង្ហាញទាំងចំនុចល្អ ទាំងចំណុចមិនល្អដែលយើងត្រូវកែលំអ សំរាប់យើងជាអ្នកសិល្បៈករវិញត្រូវធ្វើជាគម្រូល្អ ចេះរួបរួមគ្នា។” ចុះទស្សនិកជនវិញយល់ឃើញយ៉ាងណាដែរ?