តារាប្រុសទីមួយដែល Admin សូមលើកមកនិយាយ គឺលោក ព្រាប សុវត្ថិ ដែលជាតារាជើងចាស់ និងមានកេរ្តិ៍ឈ្មោះបោះសម្លេងតាំងពីយូរមកហើយនៅក្នុងវិស័យសិល្បៈ។ ដូច្នេះហើយតាមរយៈបទពិសោធន៍ការងាររបស់គាត់ច្រើនជាង ២០ឆ្នាំនៅក្នុងវិស័យនេះ ជាហេតុធ្វើឲ្យគាត់ទទួលបានពានរង្វាន់ “សមិទ្ធិផលដ៏អស្ចារ្យនៃជីវិត” នៅក្នុងកម្មវិធី Pleng Music Awards 2022 នេះ។

តារាប្រុសបន្ទាប់គឺលោក ខេម ដែលជាអ្នកចំរៀងឈានមុខគេម្នាក់ក្នុងចំណោមតារាផ្សេងៗទៀតនៃផលិតកម្មហ្គាឡាក់ស៊ីលេងណាវាត់ត្រា។ តាមរយៈសម្លេងស្អកដែលពោរពេញទៅដោយទឹកដម ហើយដែលធ្វើឲ្យអ្នកស្តាប់មិនចេះជិញណាយ លោកខេមបានទទួលពានរង្វាន់ “សិល្បៈករដែលមានអ្នកស្តាប់ច្រើនជាងគេ” នៅក្នុងកម្មវិធី Pleng Music Awards 2022។

ចំណែកឯតារាប្រុសទីបីគឺលោក សូ៊លី ផេង ដែលជាតារាពោរពេញទៅដោយសមត្ថភាពក្នុងការតែងតែនិពន្ធ និងឆក់យកបេះដូងយុវវ័យឲ្យលង់តាមរយៈទឹកដមសម្លេងដ៏ស្រទន់របស់លោក។នៅក្នុងកម្មវិធី Pleng Music Awards 2022។ លោក ស៊ូលី ផេង បានទទួលពានដល់ទៅពីរផងដែរ គឺពានរង្វាន់សម្រាប់បទចម្រៀងស្តាប់ច្រើនជាងគេ គឺបទ “ខកខាន” និង ពានរង្វាន់សិល្បៈករប្រចាំឆ្នាំ ជាមួយនឹងបទ “អចេតនា”៕ 

រៀបរៀងដោយ៖ ម៉ៅ  គុយដង់