កាលពីថ្ងៃទី១៩ ខែមីនា ២០២២ ក្រុមហ៊ុន Smart Axiata បានប្រារព្ធនូវកម្មវិធី Pleng Music Awards 2022។ វាគឺជាកម្មវិធីប្រគល់ពានរង្វាន់តន្រ្តីដំបូងគេដ៏ធំបំផុតប្រចាំឆ្នាំនៅក្នុងប្រទេសកម្ពុជា ដែលទើបតែត្រូវបានបង្កើតឡើងដោយ Smart Music ក្នុងឆ្នាំ២០២២នេះ។ ជាក់ស្តែងយើងសង្កេតឃើញថាមានតារាសិល្បៈករជាច្រើនដួងបានចូលរួម ហើយនៅក្នុងចំណោមនោះក៏មានដែរវត្តមាន តារាទាំងប្រុសទាំងស្រី ដែលនឹងត្រូវទទួលបាន ពានរង្វាន់តន្រ្តីនេះ តែឥឡូវ Admin សូមនិយាយអំពីក្រុមតារាចំរៀងឆ្នើម និងអ្នកបង្កើតមាតិកាឆ្នើមដែលត្រូវទទួលបានពានវិញម្តង។
ក្រុមទីមួយគឺ ក្រុមតូច ឬ SWSB ដែលមានតារាបួនដួងច្រៀងរួមគ្នាហើយ ក្រុមរបស់ពួកគាត់បានទទួលការគាំទ្រយ៉ាងខ្លាំងមែនទែនពីស្រទាប់យុរវ័យនៅក្នុងរយៈពេលប៉ុន្មានឆ្នាំចុងក្រោយនេះ ជាពិសេសតាមរយៈបទ “ស្នាមថើបដំបូង”។ ជាក់ស្តែងនៅក្នុងកម្មវីធី Pleng Music Awards 2022 តាមរយៈការសហការណ៍ក្រុមបានល្អ និងការខិតខំប្រឹងប្រែងរួមគ្នា ក្រុមរបស់ពួកគាត់បានទទួលពានរង្វាន់ “ក្រុមចម្រៀងប្រចាំឆ្នាំ”។
សម្រាប់ក្រុមទីពីរដែល Admin នឹងលើកយកមក Review គឺ ក្រុមលោក ហេង និង រែន វាស់ហ្គូត ដែលជាម្ចាស់បទ “ទេពធីតា”។
បទ “ទេពធីតា” ត្រូវបានចេញផ្សាយជាផ្លូវការនៅថ្ងៃទី៩ ខែកញ្ញា ឆ្នាំ ២០២១នៅក្នុងបណ្តាញយូធូបផ្ទាល់របស់លោក ហេង។ តាមរយៈការច្រៀងរួមគ្នា ជាមួយនឹងអត្ថន័យបទចំរៀងចាក់ដោត និងពិរោះរណ្តំផង ជាហេតុធ្វើឲ្យបទនេះមានភាពល្បីរន្ទឺរខ្លាំង ហើយពួកគាត់ទាំងពីរ បានទទួលពានរង្វាន់ “បទចម្រៀងច្រៀងរួមគ្នាប្រចាំឆ្នាំ” នៅក្នុងកម្មវិធី Pleng Music Awards 2022។ ក្រៅពីនេះ ក៏សង្កេតឃើញថាក៏មានពានរង្វាន់មួយសម្រាប់ លោក ខេមរា ផងដែរ ដោយផ្អែកលើជំនាញខាងបង្កើតមាតិកា និងមានអ្នកចូលចិត្តច្រើន ដែលលោកទទួលបានពានរង្វាន់ “អ្នកបង្កើតមាតិការប្រចាំឆ្នាំ២០២២” នេះ។
រៀបរៀងដោយ៖ ម៉ៅ គុយដង់