កាលពីថ្ងៃទី១៩ ខែមីនា ២០២២ ក្រុមហ៊ុន Smart Axiata បានប្រារព្ភធ្វើកម្មវិធី Pleng Music Awards2022។ វាគឺជាកម្មវិធីប្រគល់ពានរង្វាន់តន្រ្តីដំបូងគេដ៏ធំបំផុតប្រចាំឆ្នាំនៅក្នុងប្រទេសកម្ពុជា ដែលទើបតែត្រូវបានបង្កើតឡើងដោយ Smart Music ក្នុងឆ្នាំ ២០២២នេះ។ សូមរំលឹកផងដែរថា កម្មវីធីនេះត្រូវបានបង្កើតឡើង ដើម្បីជួយគាំទ្រ ជំរុញលើកទឹកចិត្ត និងអបអរសាទរដល់ការងារ និងស្នាដៃរបស់តារាចំរៀងនិងអ្នកនិពន្ធខ្មែរទាំងអស់ដែលបទចំរៀងរបស់ពួកគេមាននៅក្នុង App Pleng។ជាក់ស្តែងកាលពីយប់ថ្ងៃទី ១៩ ខែមីនា គេឃើញមានតារានិងសិល្បៈករជាច្រើនដួងបានចូលរួម ហើយនៅក្នុងចំណោមនោះក៏មានដែរវត្តមាន តារាទាំងប្រុសទាំងស្រី ដែលនឹងត្រូវទទួលបាន ពានរង្វាន់តន្រ្តីនេះ  តែឥឡូវ Admin សូមលើកយកតែតារាស្រីឆ្នើមរបស់យើងមកបង្ហាញសិន។ ដូច្នេះដើម្បីឲ្យដឹងច្បាស់ថា មានតារាស្រីណាខ្លះ សូមទស្សនាវីដេអូនេះឲ្យដល់ចប់។

តារាទីមួយដែល Admin សូមលើកយកមកនិយាយគឺ កញ្ញា ទេពបូព្រឹក។ នៅក្នុងវិស័យសិល្បៈកញ្ញាទេពបូព្រឹកគឺជាតារាចំរៀងស្រីម្នាក់ក្នុងចំណោមតារាស្រីជាច្រើនដួងផ្សេងទៀតដែលមានភាពលេចធ្លោជាងគេទាំងបទចំរៀងក៏ដូចជាការសម្តែង ហើយបទចំរៀងចុងក្រោយរបស់នាងសម្រាប់ឆ្នាំ ២០២១ គឺ បទ “វីរនារី” ដែលជាបទល្បីប្រចាំឆ្នាំ ហើយមកទល់នឹងពេលនេះ វាមានអ្នកចូលទស្សនាជាងបួនលានដង។ ជាក់ស្តែងតាមរយៈបទនេះ  កញ្ញាទេព បូព្រឹក បានក្លាយជាម្ចាស់ពានរង្វាន់ដល់ទៅបីគឺ ពានសម្រាប់ "បទចម្រៀងប្រចាំឆ្នាំ", “វីដេអូចម្រៀងប្រចាំឆ្នាំ”, និង “វីដេអូចម្រៀងដែលមានបច្ចេកទេសថតលេចធ្លោប្រចាំឆ្នាំ”
ក្នុងកម្មវិធី Pleng Music Awards 2022។

ចំណែកឯតារាស្រីឆ្នើមទីពីររបស់យើងគឺ កញ្ញា តន់ ចន្ទសីម៉ា ដែលជាតារាស្រីថ្មីក្មេងខ្ចីសម្លេងស្អកតែពិរោះមកពីផលិតកម្ម Galaxy Navatra។  តាមរយៈបទ “Are You Ok?”  កញ្ញាបានក្លាយជាតារាស្រីដែលទទួលបានការគាំទ្រ និងមានប្រជាប្រិយភាពខ្លាំងជាងគេនៅក្នុងឆ្នាំ ២០២១ ហើយឥឡូវនេះនៅក្នុងកម្មវិធី Pleng Music Awards 2022 កញ្ញាបានទទួលពានរង្វាន់ដល់ទៅបីដោយមិនឲ្យចាញ់កញ្ញាទេព បូព្រឹកឡើយរួមមាន៖ ពានសម្រាប់ “សិល្បៈការិនីប្រចាំឆ្នាំ”, “វីដេអូចម្រៀងដំបូងគេដែលមានការចូលទស្សនាច្រើនជាង ១០០លានដង”, និង “សិល្បៈការិនីដែលមានអ្នកស្តាប់ច្រើនជាងគេ”។

តារាស្រីដ៏ស្រស់សោភា ចុងក្រោយគេរបស់យើងគឺ អ្នកចម្រៀងក្មេងថ្មី សំដីផ្អែម អ៊ុក សុវណ្ណារី។  ជាតារាស្រីក្មេងមកពីផលិតកម្ម ហ្គាឡាក់ស៊ី លេងណាវាត់ត្រា អ៊ុក សុវណ្ណារី បានក្លាយជាម្ចាស់ពានរង្វាន់  “សិល្បៈករ ឬ សិល្បៈការិនីថ្មីប្រចាំឆ្នាំ” នៅក្នុងកម្មវិធី Pleng Music Awards 2022។ 

សរុបសេចក្តីមក តារាស្រីទាំងបីដួងគឺពិតជាតារាស្រីឆ្នើមដែលពោរពេញទៅដោយទេពកោសល្យ និងមានកេរ្តិ៍ឈ្មោះបោះសម្លេងខ្លាំងទៅគ្រប់ស្រទាប់នៃអ្នកគាំទ្រ ហើយសមត្ថភាពរបស់ពួកគាត់គឺពិតជាសាកសមនឹងទទួលបាននូវពានរង្វាន់ទាំងអស់នេះមែន។ ជាចុងក្រោយAdminជំនួសមុខឲ្យពួកគាត់សូមថ្លែងអំណរគុណដល់ហ្វេនៗទាំងអស់ដែលបានបោះឆ្នោតគាំទ្រដល់ពួកគាត់។ 
រៀបរៀងដោយ៖ ម៉ៅ គុយដង់