កាលពីថ្ងៃសៅរ៍ទី១៨ ខែមីនាសប្តាហ៍កន្លងទៅនេះ កម្មវិធី Pleng Music Awards ទីបំផុតបានប្រព្រឹត្តឡើងជាស្ថាពរហើយនៅឯបុរីប៉េងហួត ហ្គ្រេ​​​នស្តាផ្លាទីនីម PH Grand Hall ក្រោមការចូលរួមពីសិល្បករជាច្រើនជំនាន់មកពីគ្រប់មជ្ឈដ្ឋានដោយមានការបង្ហាញម៉ូតសំលៀកបំពាក់ប្លែកៗទៅតាម Concept រៀងខ្លួនដើរនៅលើកំរាលព្រំក្រហម។ សង្កេតឃើញផងដែរលោកជីដេវីតគឺជាសិល្បករតែមួយគត់ដែលត្រលប់ទៅផ្ទះវិញជាមួយនឹងពានរង្វាន់ច្រើនជាងគេបង្អស់ដែលមានដល់ទៅ៦ ចំណែកអ្នកនាងទេពបូព្រឹក្សក៏បានពានរង្វាន់មួយត្រលប់ទៅផ្ទះវិញជាមួយស្វាមីផងដែរថ្វីបើអ្នកនាងអាក់ខាននៅក្នុងការងារសិល្បៈរយៈពេលមួយឆ្នាំ។ សរុបមកលោកជីដេវីតបានទទួលពានរង្វាន់លើផ្នែកសិល្បករប្រចាំឆ្នាំ វិដេអូចម្រៀងប្រចាំឆ្នាំ បទចម្រៀងប្រចាំឆ្នាំ ចម្រៀងស្តាប់ច្រើនជាងគេ សិល្បករទទួលបានការផ្ញើសារគាំទ្រច្រើនជាងគេ និងអាល់ប៊ុមចម្រៀងប្រចាំឆ្នាំ។ ដោយឡែកអ្នកនាងទេពបូព្រឹក្សបានទទួលពានរង្វាន់ផ្នែកសិល្បការិនីប្រចាំឆ្នាំ និងបានឡើងសម្តែងផ្តល់ជាកិត្តិយសក្នុងនាមជាម្ចាស់ពានរង្វាន់រហូតដល់ទៅ៣កាលពីឆ្នាំទៅនូវបទ«Goddess»។ គួរបញ្ជាក់ផងដែរឃើញបទចម្រៀងទាំង៣បទរបស់លោកជីដេវីតដែលបានជាប់ឆ្នោតនៅក្នុងពានរង្វាន់ទាំងនោះរួមមានកំពូលចម្រៀង I’m Bored, Goblin និង How about now?។ លោកជីដេវីតក៏បានផ្ញើសារអរគុណទៅកាន់អ្នកមានចំណែកធ្វើអោយបទចម្រៀងរបស់លោកទទួលបានជោគជ័យទាំងអស់ដែលក្នុងនោះមានដូចជា បទ How about now? អកកេស Version ក្រុមហ៊ុនសហការនៅពីក្រោយលោក បណ្តាអ្នកគាំទ្រ និងមិត្តភក្តិរួមការងាររបស់លោកជាដើម។ តើទស្សនិកជនយល់ឃើញយ៉ាងណាដែរចំពោះកម្មវិធីប្រគល់ពានរង្វាន់នេះ Let me know in your comment below!