សួស្តីទស្សនិកជន! ថ្ងៃនេះសូមជួបជាមួយនឹងភ្ញៀវកិត្តិយសពិសេសមួយរូបដែលមានពហុជំនាញជាច្រើនទាំងជាអ្នកនិពន្ធបទភ្លេង ទំនុកច្រៀង និងជាតារាចំរៀងម្នាក់ផងដែរ នោះគឺលោក Morm Picherith ។ លោកត្រូវបានមហាជនដាក់រហ័សនាមថាជាសិល្បករឆ្នើមម្នាក់ក្នុងប្រទេសកម្ពុជា មានរូបស្រស់សង្ហាទឹកមុខប្រកបទៅដោយមន្តស្នេហ៍ សម្លេងផ្អែមស្រទន់ក្រអួនក្រអៅ។ មហាជនជាច្រើនបានស្គាល់រូបលោកតាមរយៈបទចម្រៀងល្បីៗដែលបានដក់ជាប់នៅក្នុងបេះបូងគ្រប់ៗគ្នានោះដែលមានដូចជាចង់ក្បែរ ស្នាមថើបដំបូង និងបាត់គោចូបស្នេហ៏ជាដើម។ ចង់ដឹងថាថ្ងៃនេះ​លោកមានដំណឹងដ៏ភ្ញាក់ផ្អើលអ្វីខ្លះមកកាន់អ្នកគាំទ្រជាមួយនឹង RED Entertainment! សូមទស្សនាដូចតទៅ!!

កម្រងសម្តីរបស់ ម៉ម ពេជ្ជរិទ្ធ​ (Pjrith)

បាទ សូមគោរពជំរាបសួរបងប្អូនទាំងអស់គ្នាពីសារពត៌មាន Red Entertainment។ ខ្ញុំបាទសូមអរគុណបងប្អូនទាំងអស់គ្នាសំរាប់ការស្រលាញ់ គាំទ្ររបស់បងប្អូនទាំងអស់គ្នាមកកាន់ខ្ញុំបាទកន្លងមក ហើយដើម្បីជាកាដូជូនបងប្អូនទាំងអស់គ្នា ខ្ញុំបាទក៏មានជាចំរៀងជាច្រើនបទត្រៀមចេញជូនបងប្អូនទាំងអស់គ្នាជាពិសេសគឺបទមិនអាចឃាត់ទេក៏ត្រៀមចេញជាផ្លូវការក្នុងពេលខាងមុខនេះដែរ។ នៅពេលនេះខ្ញុំបាទមានតែម្រាមដៃដប់អរគុណបងប្អូនទាំងអស់គ្នាម្តងទៀតបានស្រលាញ់គាំទ្រ ហើយក៏អរគុណសារពត៌មានRed Entertainmentផងដែរ សូមបងប្អូនទាំងអស់គ្នាជួបសុខភាពល្អ សុភមង្គលក្នុងគ្រួសារ ជួបតែរឿងសប្បាយៗក្នុងជីវិត ដូច្នេះជំរាបលាបងប្អូនទាំងអស់គ្នា! អរគុណច្រើន។​​​