ក្រុម The Rapper បានប៉ះជាមួយនឹងកញ្ញា Inflencer កំពូលវោហារ PichSourly ហើយកាលពីពេលថ្មីៗនេះ! ដោយកាលពីក្នុងដើមខែកុម្ភៈនេះផងដែរ នៅក្នុងថ្ងៃទី3 និងទី4 គឺមានព្រឹត្តិការណ៍ប្រគំតន្រ្តី Mini Concert សប្បុរសធម៌ដ៏អស្ចារ្យមួយដែលធ្វើឡើងនៅ Heritage Walkនៃខេត្តសៀមរាបក្នុងគោលបំណងគាំទ្រដល់ការបរិច្ចាកឈាម ដោយមានការចូលរួមពីវត្តមានក្រុមសិល្បករល្បីៗដូចជាThe Rapper Cambodia និង Model ជាច្រើននាក់។ គួរអោយចាប់អារម្មណ៍ផងដែរថា ក្នុងអំឡុងពេលចូលរួមជាមួយនឹងព្រឹត្តិការណ៍នេះ កញ្ញា PichSourly ក៏បានធ្វើការបង្ហោះឡើងវិដេអូមួយចំនួនបង្ហាញពីសកម្មភាពនៅពេលដែលក្រុមសិល្បកររបស់ពួកគេជួបជុំគ្នាក្នុងដំណើរកំសាន្ត ក៏ដូចជាពេលហាត់សមឆាកជាដើម។ នៅក្នុងវិដេអូមួយនោះផងដែរ ក៏ឃើញថា Sourly បានសរសេរខេបសិនមួយទៅកាន់អ្នកគាំទ្រលើផេករបស់នាងថា ចង់ប្ដឹងមហាជនឲ្យជួយរកយុត្តិធម៍ឲ្យ Sourly ផង😢 ក្រុម The Rapper មួយក្រុម ជាងពិសេសលោក Goofy នាំគ្នា bulu នាងខ្ញុំជាខ្លាំង🥲 ជួយរកយុត្តិធម៍ផង🙏🏻។

សកម្មភាពនៅក្នុងវិដេអូនេះ ហាក់ដូចជាពួកគេទាំងអស់គ្នាលេងសើចជាមួយគ្នាដោយភាពសប្បាយរីករាយ និង Bulu រឿងកំពស់របស់ Sourly លេងតែប៉ុណ្ណោះ។ ខណៈដែលអ្នកដែលស្ថិតនៅក្នុងហេតុការណ៍នោះគឺមានដូចជាលោក Harayuth, ភរិយារបស់លោក, លោកGwin, លោក Goofy,លោកGmengz និង The Rapper ហើយ Influencer ជាច្រើននាក់ទៀត។

នៅក្នុងពេលបន្ទាប់មក Sourly ក៏បានបង្ហោះវិដេអូមួយទៀត ដែលបង្ហាញថាគូសត្រូវហុតឈាមរវាងពួកគេទាំងពីរ គឺSourly និងលោក Goofy នៅតែបន្តបាញ់គ្នាដោយមិនចុះចាញ់ការប្រកួត។ ដោយ Sourly បានធ្វើជាសុំទោស Goofy និងប្រគល់កែវទឹកកូកាកូឡាដែលនាងលួចដាក់អំបិលចូលអោយ Goofy ផឹក ធ្វើអោយ Goofy ទីបំផុតរត់ទៅខ្ជះស្ទើរតែមិនចង់ទាន់។ Goofy ក៏លេងមួយក្បាច់ប្រាប់Sourlyវិញថាគេ អាឡាក់ហ្ស៊ីនឹងប្រៃ ធ្វើអោយ Sourlyខំភ័យ ទីបំផុតទើបដឹងថានាងត្រូវចាញ់បោក Goofyតែប៉ុណ្ណោះ។ សកម្មភាពទាំងអស់នេះហើយធ្វើអោយបណ្តាអ្នកគាំទ្ររបស់ពួកគេចាប់ផ្តើម Ship អ្នកទាំងពីរហើយ។ ក៏ប៉ុន្តែ…ក៏ប៉ុន្តែ Goofy ក៏មាន Girlfriend របស់ Him ដែរ ទើបនោះហើយអ្នកគាំទ្រត្រូវឈានជើងថយវិញ និងនៅតែគាំទ្រសកម្មភាពសម្តែងរបស់ពួកគេទាំងពីរនាក់ ជាពិសេសសង្កេតឃើញថាទាំង Goofy និង Sourly សុទ្ធតែជាអ្នកពូកែបាញ់ដូចគ្នា និងជាពិសេសពួកគេសុទ្ធតែចូលចិត្តធ្វើអោយអ្នកដទៃសប្បាយចិត្តដូចគ្នា។ ចុះទស្សនិកជនយល់ឃើញយ៉ាងម៉េចដែរ?