រាជធានីភ្នំពេញ៖ នារសៀលថ្ងៃសុក្រ ១១រោច ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២១ ខែតុលា ឆ្នាំ២០២២ ឯកឧត្តម ប្រាក់ សំអឿន អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ  បានដឹកនាំកិច្ចប្រជុំពិនិត្យមើលវឌ្ឍនភាព​ និង​បញ្ហាប្រឈមនៃការប្រើប្រាស់ប្រព័ន្ធទូទាត់វិក្កយបត្រ(Payment Hub) នៅអង្គភាពច្រកចេញចូលតែមួយរាជធានី ខេត្ត ដោយមានការចូលរួមពី​នាយករដ្ឋបាល ប្រធានអង្គភាពច្រកចេញចូលតែមួយ រជ្ជទេយ្យករចំណូល បុគ្គលិកផ្នែក​ជួរមុខទទួលបន្ទុកការងារបេឡា នៃរាជធានីភ្នំពេញ ខេត្តកំពង់ចាម ខេត្តសៀមរាប ខេត្តកណ្តាល ខេត្តបាត់ដំបង ខេត្តបន្ទាយមានជ័យ ខេត្តកំពង់ស្ពឺ និងខេត្តកំពត ព្រមទាំងមន្ត្រីជំនាញនៃនាយកដ្ឋានមុខងារ និងធនធាន នៅសណ្ឋាគារ Raffles Hotel Le Royal៕