នៅព្រឹកថ្ងៃទី ២៣ ខែវិច្ឆិកា តារាសម្ដែងស្រី Park Shin Hye បានធ្វើការប្រកាសដ៏សំខាន់មួយ ដោយនាងបានសរសេរថា៖
"សួស្តីខ្ញុំ Park Shin Hye ។
រាល់ថ្ងៃនេះ អាកាសធាតុចាប់ផ្តើមចុះត្រជាក់ហើយ។ ខ្ញុំឆ្ងល់ថា តើអ្នកទាំងអស់គ្នាបានមើលថែខ្លួនឯងឬអត់?
ប៉ុន្មានថ្ងៃមុន ខ្ញុំបានរកឃើញកិច្ចសន្យាដំបូងមួយ ដែលខ្ញុំបានចុះហត្ថលេខាជាមួយភ្នាក់ងារដំបូងរបស់ខ្ញុំកាលពី 20 ឆ្នាំមុន។ កាលនោះ ខ្ញុំនៅរៀនថ្នាក់ទី៦ ហើយនៅឆ្នាំទី២នៃថ្នាក់មធ្យមសិក្សា ខ្ញុំបានចាប់អាជីពជាតារាសម្ដែង។ អស់រយៈពេល 18 ឆ្នាំហើយបានកន្លងផុតទៅចាប់តាំងពីពេលនោះមក។ ពេលវេលាពិតជាដើរលឿនណាស់។
មនុស្សជាច្រើនដែលនៅជាមួយខ្ញុំតាំងពីក្មេង ខ្ញុំសូមអរគុណចំពោះការស្រលាញ់ និងការលើកទឹកចិត្តរបស់អ្នកទាំងអស់គ្នា ខ្ញុំបានក្លាយជាតារាសម្តែងដែលបង្ហាញអ្នកទាំងអស់គ្នាពីចរិកលក្ខណៈរបស់ខ្ញុំជាច្រើន តាមរយៈការសម្តែងជាច្រើនកន្លងមកនេះ។
មានពេលរាប់មិនអស់ដែលខ្ញុំសប្បាយចិត្ត នៅពេលបាននៅមុខកាមេរ៉ា ប៉ុន្តែក៏មានពេលខ្លះដែលខ្ញុំបានជួបការលំបាក មានអ្នកគាំទ្រជាច្រើនដែលបានផ្តល់កម្លាំងចិត្ត និងភាពក្លាហានដល់ខ្ញុំ។ ពាក្យដែលអ្នកទាំងអស់គ្នានិយាយត្រឹមតែមួយ ឬពីរម៉ាត់ ដែលប្រាប់ខ្ញុំឱ្យរឹងមាំ គឺគ្រប់គ្រាន់ដើម្បីធ្វើឱ្យខ្ញុំងើបឡើងវិញបាន។
មានហេតុផលច្រើនជាងនេះ ដែលធ្វើអោយខ្ញុំមានការបារម្ភ ក្នុងការនាំយកព័ត៌មាននេះមកជូនអ្នកទាំងអស់គ្នានៅថ្ងៃនេះ ព្រោះអ្នកទាំងអស់គ្នានឹងមានការភ្ញាក់ផ្អើលជាខ្លាំង។ ប៉ុន្តែខ្ញុំចង់ឱ្យអ្នកទាំងអស់គ្នាក្លាយជាមនុស្សដំបូងគេ ដែលបានដឹងពីព័ត៌មាននេះ។
ខ្ញុំនឹងរៀបការជាមួយនឹងមនុស្សដែលខ្ញុំបានទាក់ទងអស់រយៈពេលជាយូរមកហើយ។ គាត់ គឺជាអ្នកដែលជួយជ្រោមជ្រែងខ្ញុំកន្លងមក ហើយគាត់បានទទួលយករូបខ្ញុំ Park Shin Hye ទោះបីជាមានគុណសម្បត្តិខ្វះខាតស្ទើរតែទាំងអស់ក៏ដោយ ហើយដូច្នេះ ខ្ញុំគ្រោងនឹងចាប់ផ្តើមជីវិតអាពាហ៍ពិពាហ៍ជាមនុស្សម្នាក់នោះ។
លើសពីនេះទៅទៀត ទោះបីជាខ្ញុំបានស្ទាក់ស្ទើរក្នុងការពិភាក្សាអំពីរឿងនេះ ប៉ុន្តែខណៈពេលដែលយើងបានចាប់ផ្តើមរៀបចំពិធីរៀបអាពាហ៍ពិពាហ៍របស់យើង មានជីវិតថ្មីដ៏មានតម្លៃមួយបានមករកពួកយើង។ ខ្ញុំពិតជាចង់ប្រាប់អ្នកទាំងអស់គ្នាខ្លាំងណាស់។ ខ្ញុំសូមសន្យាថា ខ្ញុំនឹងនៅតែបន្តខិតខំប្រឹងប្រែងបន្ថែមទៀត សូម្បីតែបន្ទាប់ពីខ្ញុំបានក្លាយជាសមាជិកនៃគ្រួសាររបស់ខ្ញុំផ្ទាល់ក៏ដោយ។
ជាចុងក្រោយ ខ្ញុំចង់អរគុណអ្នកដែលបានស្រលាញ់ខ្ញុំ និងគាំទ្រខ្ញុំ ទោះបីជាខ្ញុំមានការខ្វះខាតជាច្រើនយ៉ាងណាក៏ដោយ។ ប្រហែលជាត្រូវការពេលបន្តិច ប៉ុន្តែខ្ញុំនឹងប្រឹងប្រែងឱ្យអស់ពីសមត្ថភាពដើម្បីត្រលប់មកវិញក្នុងនាមជាតារាសម្តែងឱ្យបានឆាប់តាមដែលអាចធ្វើទៅបាន ដោយមិនធ្វើឱ្យអ្នករង់ចាំយូរពេកនោះទេ។
រហូតដល់ពេលនោះ សូមរក្សាសុខភាពឲ្យបានល្អ ហើយខ្ញុំនឹងលាអ្នកទាំងអស់គ្នាពីពេលនេះទៅ។”
គួរបញ្ជាក់ផងដែរថា តារាសម្ដែងស្រី Park Shin Hye បានសារភាពជាសាធារណៈថា នាងមានទំនាក់ទំនងជាមួយតារាសម្ដែងប្រុស Choi Tae Joon កាលពីឆ្នាំ 2017 ។ ឥឡូវនេះ បើយោងតាមភ្នាក់ងាររបស់ Salt Entertainment បានឱ្យដឹងថា Park Shin Hye និង Choi Tae Joon នឹងរៀបចំពិធីមង្គលការឯកជនមួយនៅថ្ងៃទី22 ខែមករា ឆ្នាំ2022 ។
សូមអបអរសាទរដល់គូស្នេហ៍ថ្មីមួយនេះ!
អត្តបទដកស្រង់ពី Susan-Han
បកប្រែនិងកែសម្រួលដោយ Mr. Blue