កញ្ញា Paris Hilton បានរៀបការជាមួយ លោក Carter Reum ដែលជាសហគ្រិន តារាទូរទស្សន៍ និងអ្នកវិនិយោគទុន នៅតំបន់អតីតអចលនទ្រព្យ Bel Air របស់ជីតារបស់កូនក្រមុំ Barron Hilton ដែលជាអ្នកស្នងតំណែងរបស់សណ្ឋាគារ Conrad Hilton ។

ពួកគេទាំងពីរបានក្លាយជា​មិត្ត​នឹង​គ្នា​ជាង ១៥ ឆ្នាំ​មក​ហើយ ហើយពួកគេចាប់ផ្តើមមានចិត្តនឹងគ្នានៅពិធីជប់លៀង Thanksgiving ក្នុងឆ្នាំ 2019។

អ្នកទាំងពីរបានភ្ជាប់ពាក្យ នៅពេលដែល Carter បានធ្វើពិធីខួបកំណើតនៅទីក្រុងប៉ារីសកាលពីខែកុម្ភៈ ក្នុងឆ្នាំនេះ។ លោក Carter បានសុំនាងរៀបការជាមួយនឹងចិញ្ចៀនដែលរចនាដោយ Jean Dousset ដែលជាចៅទួតរបស់ Louis Cartier ។ ត្បូងពេជ្រកាត់ត្បូងមរកត ត្រូវបានរចនាឡើងតាមបែប Art Nouveau បុរាណ និងពិដានកញ្ចក់នៃ Grand Palais ។

Paris និង Carter បានជ្រើសរើសអ្នករៀបចំផែនការអាពាហ៍ពិពាហ៍កំពូល Mindy Weiss និងក្រុមការងាររបស់នាង ដើម្បីដោះស្រាយអ្វីៗគ្រប់យ៉ាងចាប់ពីសោភ័ណភាព រហូតដល់ផ្នែកដឹកជញ្ជូន។

ជាមួយគ្នានឹងការរៀបចំផែនការអាពាហ៍ពិពាហ៍ កញ្ញា Paris បើកដំណើរការក្រុមហ៊ុនប្រព័ន្ធផ្សព្វផ្សាយថ្មីឈ្មោះ 11:11 Media។ ឈ្មោះ​ក្រុមហ៊ុន និង​កាលបរិច្ឆេទ​នៃ​ពិធី​មង្គលការ​របស់​នាង ​ត្រូវ​បានកំណត់ដោយ​ម៉ោងសំណព្វចិត្តរបស់​កូនក្រមុំ​៖ "ម៉ោង ១១:១១ តែងតែ​ជា​ពេល​វេលា​ដែល​ខ្ញុំ​ចូលចិត្ត" តាមការពន្យល់របស់កូនក្រមុំ។

នៅថ្ងៃទី 11 ខែវិច្ឆិកា ឆ្នាំ 2021 កូនក្រមុំបានដើរចូលទៅក្នុងពិធីរៀបការ ដោយស្លៀកឈុត Oscar de la Renta ខណៈពេលដែល Kim Petras ច្រៀងបទ "Can't Help Falling in Love"។ កញ្ញា Paris បាននិយាយថា "យើងបានចំណាយពេលជាច្រើនខែ ដើម្បីរចនាម៉ូដសំលៀកបំពាក់របស់ខ្ញុំឱ្យល្អឥតខ្ចោះជាមួយនឹងអ្នករចនាម៉ូត Oscar de la Renta ដ៏អស្ចារ្យ លោក Fernando Garcia និងកញ្ញា Laura Kim"។

អ្នករចនាម៉ូដរបស់នាង Sammy K ក៏បានជួយនាងក្នុងការជ្រើសរើសគ្រឿងបន្សំ ខណៈដែលក្រុម glam មានលោក Eduardo Ponce ជាអ្នកធ្វើសក់ និងលោក Steven Tabimba ជាអ្នកតុបតែងមុខ។

Tessa Hilton, Halle Reum, Brooke Brinson, Whitney Davis, និង Farrah Aldjufrie សុទ្ធតែបានធ្វើជាអ្នកកំដររបស់កូនក្រមុំ ដោយស្លៀករ៉ូបពណ៌ផ្កាឈូក Alice + Olivia ចំណែកបងស្រីរបស់កូនក្រមុំ Nicky ក៏ស្លៀករ៉ូបពណ៌ផ្កាឈូក​ Alice + Olivia ដែលដើរតួជាអ្នកកំដរកិត្តិយសផងដែរ។

ទន្ទឹមនឹងនេះដែរ លោក Carter បានស្លៀកក្នុងឈុតសំលៀកបំពាក់ Ermenegildo Zegna ដែលធ្វើពីសូត្រ Navy។ អ្នកកំដរកូនកំលោះ ស្លៀកក្នុងឈុតសំលៀកបំពាក់ Nigel Curtiss ជាមួយនឹងស្បែកជើងពី Scarosso ប៊ូពី Shawn Christopher ស្រោមជើងដោយ Dead Soxy និងខ្សែដៃដោយ Cartier ។

បន្ទាប់ពីគូស្នេហ៍មួយគូនេះ ត្រូវបានគេប្រកាសថាជាប្តី-ប្រពន្ធ ភ្ញៀវបានប្រមូលផ្តុំគ្នាសម្រាប់អង្គុយញ៉ាំអាហារពេលល្ងាច គឺជាពេលដែលតារាចម្រៀងស្រី Demi Lovato បានច្រៀងចម្រៀង "I Will Always Love You" ។ ហើយការរាំដំបូងរបស់គូស្វាមីភរិយាថ្មីនេះ គឺបទ "Just the Way You Are" របស់លោក Bruno Mars ។

១. Paris Hilton បានពាក់រ៉ូប និងស្បៃមុខ Oscar de la Renta

២. ចិញ្ចៀនដែលរចនាដោយ Jean Dousset ដែលជាចៅទួតរបស់ Louis Cartier

៣. ឈុតដែលអ្នករចនាម៉ូដរបស់នាង Sammy K បានជួយក្នុងការជ្រើសរើសគ្រឿងបន្សំផ្សេងៗ ដើម្បីឲ្យសមនឹងរូបរាងរបស់នាង។

៤. ក្រុម glam រួមមានលោក Eduardo Ponce សម្រាប់ធ្វើសក់ និងលោក Steven Tabimba សម្រាប់ការតុបតែងមុខ។

៥. Mark's Garden បានបង្កើតភួងផ្កាកុលាបពណ៌សរបស់កូនក្រមុំ។

៦. នាយកច្នៃប្រឌិត Oscar de la Renta លោក Fernando Garcia និង Laura Kim បានធ្វើការកែសម្រួលចុងក្រោយចំពោះសម្លៀកបំពាក់ និងស្បៃមុខ មុនពេលកូនក្រមុំដើរទៅពិធីរៀបការ។

៧. កូនក្រមុំថតរូបជាមួយគ្រួសាររបស់នាង។

៨. កូនក្រមុំ​ និង​កូនកំលោះ​ថតមុន​ចូលក្នុង​ពិធី​។

៩. កូនក្រមុំ និងអ្នកកំដររបស់កូនក្រមុំ

១០. កូនក្រមុំ និងអ្នកកំដររបស់កូនកំលោះ។

១១. រូបថតពីក្រោយរបស់កូនក្រមុំ។

១២. នំអាពាហ៍ពិពាហ៍ប្រាំជាន់ ត្រូវបានបង្កើតឡើងដោយ Joanie និង Leigh's Cakes ។

១៣. សម្រាប់ការទទួលភ្ញៀវ Paris បានផ្លាស់ប្តូរទៅជាឈុតសម្លៀកបំពាក់ទីពីរ ដែលជាឈុតខ្លី ឆ្នៃម៉ូតដោយ Oscar de la Renta ដូច្នេះនាងអាចរាំពេញមួយយប់បាន។

អត្តបទដកស្រង់ពី Alexandra Macon

បកប្រែនិងកែសម្រួលដោយ Mr. Blue