Lil Nas X ដែលមានឈ្មោះពិត Montero Lamar Hill មានដើមកំណើតជាជនជាតិអាមេរិក នៅរដ្ឋGeorgia កើតនៅថ្ងៃទី៩ ខែមេសា ឆ្នាំ១៩៩៩ បច្ចុប្បន្នជាតារាចម្រៀង រេប និងអ្នកនិពន្ធបទចម្រៀង ផងដែរ។ គាត់បានទទួលកេរ្តិ៍ឈ្មោះល្បីភ្លាមៗបន្ទាប់ពីគាត់ចេញបទចម្រៀងបែប country rap ដែលមាន ចំណងជើងថា “Old Town Road” នៅដើមឆ្នាំ2019 និងទទួលបានការពេញនិយមខ្លាំង រហូតមាន ចំណាត់ថ្នាក់ជាលំដាប់តារាចម្រៀងអន្តរជាតិ Diamond Certificationនៅចុងឆ្នាំ2019នេះដដែល។

បទ “Old Town Road” ចេញបា19សប្តាហ៍ប៉ុណ្ណោះអាចឈជើងជាបទដែលជាប់ចំណាត់ថ្នាក់លេខ1 ក្នុងតារាង US Billboard hot 100 និងបានពានជាច្រើនដូចជា Best Music Video and Best Pop Duo/Group Performance នៅកម្មវិធី 62nd Anuall Grammy Awards ពានSong of the year ពីកម្មវិធី MTV Video Music Awards ព្រមទាំងពាន  Favorite Rap/Hip Hop Song ពីកម្មវិធី American Music Awardsថែមទៀតផង។

Lil Nas X ជាតារាចម្រៀងតែម្នាក់គត់ដែលហ៊ានចេញមុខប្រកាសជាសាធារណៈថាគាត់ជាភេទទី៣(gay) នៅថ្ងៃដែលគាត់ទទួលបានពាន និងជាតារាស្បែកខ្មៅទីមួយដែលប្រកាសថាគាត់ស្រឡាញ់ភេទដូចគ្នា (LGBTQ)បានទទួលពាន Country Music Association។ ទស្សនាវដ្តីអាមេរិកមួយឈ្មោះថា Time បានដាក់ងារឲ្យគាត់ថា”មនុស្សមានឥទ្ធិពលម្នាក់ក្នុងចំណោមមនុស្សមានឥទ្ធិពលទាំង25នៅលើបណ្តាញអុីនធឺនេតក្នុងឆ្នាំ2019” ហើយគាត់ក៏មានឈ្មោះក្នុងទស្សនារដ្តីជំនួញដ៏ល្បី Forbes 30 under 30 នៅឆ្នាំ2020នេះផងដែរ។

បទចម្រៀងល្បីៗរបស់គាត់បានចេញជាបន្តបន្ទាប់មានដូចជា  បទPanini បទRodeo បទMontero (call me by your name) បទ Sun goes down និងបទ Industry Baby៕