NBCNews

Nicaragua កាលពីថ្ងៃព្រហស្បត៍បានផ្លាស់ប្តូរទំនាក់ទំនងការទូតដ៏យូរលង់ពីតៃវ៉ាន់ហើយបានងាកទៅរកទីក្រុងប៉េកាំងក្នុងការទទួលស្គាល់នយោបាយចិនតែមួយនិងបន្ថយបន្តិចម្តងៗនៃសម្ព័ន្ធមិត្តអន្តរជាតិជាមួយតៃវ៉ាន់។ “រដ្ឋាភិបាលនៃសាធារណរដ្ឋ Nicaragua ថ្ងៃនេះបានផ្តាច់ទំនាក់ទំនងការទូតជាមួយតៃវ៉ាន់និងបញ្ឍប់លែងមានឲ្យមានទំនាក់ទំនងជាផ្លូវការ ” ក្រសួងការបរទេសបាននិយាយនៅក្នុងសេចក្តីថ្លែងការណ៍ដែលធ្វើជាភាសារអង់គ្លេសនិងអេស៉្បាញ។

“សាធារណរដ្ឋប្រជាមានិតុចិន គឺជារដ្ឋាភិបាលស្របច្បាប់តែមួយដែលតំណាងឲ្យចិនទាំងអស់រួមទាំងតៃវ៉ាន់ផងដែរដែលជាផ្នែកមួយពុំអាចកាត់ផ្តាច់ចេញបានពីអធិបតេយ្យភាពរបស់ចិន ”សេចក្តីថ្លែងការណ៍បានបន្ថែម។ ប្រព័ន្ធផ្សព្វផ្សាយរដ្ឋចិនបាននិយាយថា តំណាងរដ្ឋាភិបាល ចិននិងNicaragua នឹងជជែកគ្នានៅទីក្រុងភាគខាងជើងនៃប្រទេសចិន Tinjian នៅថ្ងៃសុក្រ។ តៃវ៉ាន់បានឆ្លើយតបភ្លាមៗ ដោយសំដែងនូវការឈឺចាប់និងស្តាយក្រោយក្នុងការសំរេចចិត្តនេះ ព្រមទាំងបាននិយាយថាលោកប្រធានាធិបតីនៃប្រទេសអាមេរិកកណ្តាល Daniel Ortega មិនបានគោរពនូវចំណងមិត្តភាពរវាងប្រជាជនតៃវ៉ាន់និង Nicaragua ។

“ ក្នុងនាមជាសមាជិកមួយនៅក្នុងសហគមន៍អន្តរជាតិ តៃវ៉ាន់មានសិទ្ធនឹងផ្លាស់ប្តូរគ្នាទៅវិញទៅមកនិងអភិវឌ្ឍន៍ទំនាក់ទំនងការទូតជាមួយនឹងប្រទេសដ៏ទៃទៀត “ក្រសួងការបរទេសតៃវ៉ាន់បាននិយាយ។ តៃវ៉ាន់នឹងបន្តរដើម្បីជំរុញនូវទំនាក់ទំនងការទូតជាក់ស្តែងដើម្បីពង្រីកលំហរអន្តរជាតិរបស់ខ្លួននិងព្យាយាមធ្វើឲ្យតៃវ៉ាន់ទទួលបានជោគជ័យនៅក្នុងក្របខ័ណ្ឌអន្តរជាតិ។ ចិនបាននិយាយថា តៃវ៉ាន់គឺជាខេត្តមួយរបស់ខ្លួនដែលគ្មានសិទ្ធនឹងក្លាយទៅជារដ្ឋមួយទេ ហើយបានដាក់សម្ពាធនិងខិតខំប្រឺងប្រែងដើម្បីអូសទាញសម្ព័ន្ធមិត្តតៃវ៉ាន់ដែលនៅសេសសល់។ ជាពិសេសនៅអាមេរិកកណ្តាល និង អាមេរិកខាងត្បូង ដែលមាន El Salvador និងសាធារណរដ្ឋ Dominican ដែលបានផ្លាស់ប្តូទំនាក់ទំនងការទូតទៅជាមួយចិននៅឆ្នាំ២០១៨និង Panama មួយឆ្នាំមុន

ឯកអគ្គរដ្ឋទូតចិននៅអ.ស.ប. លោក Zhang Jun អបអរសាទរ Nicaragua។ “ការផ្តាច់ទំនាក់ទំនងការទូតជាមួយតែវ៉ាន់ វាជាបរាជ័យរបស់សហរដ្ឋអាមេរិក វាបានកើតឡើងជាច្រើនខែបន្ទាប់ពីមានទំនាក់ទំនងមិនសូវល្អជាមួយទីក្រុងវ៉ាស៊ិនតុននិងលោក Ortega និងបានលេចចេញមកនៅពេលដែលក្រសួងការបរទេសអាមេរិកបាននិយាយថា គេបានដាក់ទណ្ឌកម្មលើរូបលោក Nestor Moncada Lau ដែលជាទីប្រឹក្សារសន្តិសុខរបស់លោក Ortega ដែលរងការចោទប្រកាន់ថាលោកបាន ធ្វើប្រតិបត្តិការនាំចូលនិងបានបន្លំពន្ធគយដើម្បីធ្វើឲ្យសមាជិករដ្ឋាភិបាលលោក Ortega មានបាន។