កងកំលាំង NATO នៅ Kosovo បានប្រកាសកាលពីថ្ងៃច័ន្ទថា កងកំលាំងរក្សាសន្តិភាពបានបង្កើនការយាមល្បាតខណៈដែលពួក Serbia បានដាក់ពង្រាយរថពាសដែកនៅតាមព្រំប្រទល់ជាមួយនឹងទឹកដីដែលបានបំបែកខ្លួន នៅចំពេលដែលសភាពការណ៍ក្នុងតំបន់កាន់តែតានតឹងអស់រយៈពេល១ទសវត្សរ៍មកហើយនោះ។

សហគមន៍អន្តរជាតិ ដែលដឹកនាំសហគមន៍អឺរ៉ុប, បានអំពាវនាវឲ្យមានការជជែកគ្នាដើម្បីបន្ធូរបន្ថយនូវភាពតានតឹងរវាង Serbia ជាមួយនឹងខេត្តដែលមានជនជាតិភាគតិចអាល់បានីរស់នៅ ដែលបានប្រកាសឯករាជ្យនៅក្នុងឆ្នាំ២០០៨ ដែលទីក្រុង Belgrade មិនព្រមទទួលស្គាល់។

ទំនាក់ទំនងបានធ្លាក់ចុះទៅរកភាពទំនាស់កាលពីសប្តាហ៍មុន នៅពេលដែលរដ្ឋាភិបាល Kosovo បានបញ្ជូនអង្គភាពប៉ូលីសទៅកាន់ភាគខាងជើង ដែលជាកន្លែងកកកុញទៅដោយជនជាតិភាគតិច Serbia ដែលបដិសេធមិនទទួលស្គាល់អាជ្ញាធរ Pristina ។ ជនជាតិភាគតិច Serbia ជាច្រើនរយនាក់ ដែលភាគច្រើនមានស្លាកលេខឡាន បានធ្វើការតវ៉ាប្រឆាំងជារៀងរាល់ថ្ងៃ ហើយបានបិទចរាចរណ៍នៅក្នុងខេត្ត២នៃ Kosovo ប៉ែកខាងជើងដែលជាមាត់ច្រកឆ្លងចូល Serbia ។

ទោះបីជាមានការប្រឈមមុខរវាងយោធានៅក្បែរនោះក៏ដោយ ស្ថានភាពហាក់ដូចជាមានភាពស្ងប់ស្ងាត់បន្តិច នៅថ្ងៃច័ន្ទនេះ បើតាមកាសែត AFP ហើយក៏មានឧទ្ធម្ភាគចក្ររបស់ ពួក NATO បានហោះហើររំលងនៅក្នុងតំបន់នោះជាប្រចាំជាច្រើនថ្ងៃដែរ។ កងកំលាំងរក្សាសន្តិភាព NATO ដែលគេស្គាល់ថាជា KFOR បាននិយាយថា ពួកគេបានឃ្លាំមើលយ៉ាងយកចិត្តទុកដាក់ស្ថានភាពក្នុង Kosovo ដើម្បីធានានូវសន្តិសុខនិងសុវត្តិភាព សេរីភាព របស់សហគមន៏ទាំងឡាយដែលរស់នៅក្នុងទឹកដីដែលបំបែកខ្លួននោះ។

KFOR បានបង្កើនចំនួនកងកំលាំងនិងរយៈពេលក្នុងកាយាមល្បាតនៅពាសពេញ Kosovo និងផ្នែកខាងជើងផងដែរ ដោយសារកាលពីថ្ងៃច័ន្ទ កងទ័ព Serbia បានដាក់ពង្រាយរថពាសដែកចំនួន៤គ្រឿង មានចម្ងាយប្រហែល២គីឡូម៉ែត្រពីច្រកចេញចូល Jarinje ។ ការបិទផ្លូវត្រូវបានបើកឡើងវិញ ក្នងរយៈពេលយ៉ាងខ្លី បន្ទាប់ពីមានអន្តរាគមន៍ពីកងកំលាំង NATO បានធ្វើការចរចារជាមួយ ក្រុងPristina និង Belgrade។

សហគមន៍អឺរ៉ុបក៏ធ្វើការអំពាវនាវផងដែរឲ្យមានការស្ងប់ស្ងាត់៕