រដ្ឋមន្ត្រីក្រសួងការពារជាតិ Christine Lambrech បាននិយាយថារុស្សីមិនអាចបង្គាប់បញ្ជាពាក្យសំដីទៅកាន់ NATO បានទេ បន្ទាប់ពី មូស្គូបានបង្ហាញនូវបញ្ជីមួយទាមទារទៅកាន់សម្ព័ន្ធមិត្ត។ លោកស្រីកំពុងស្ថិតនៅក្នុង Lithuania ដើម្បីពិនិត្យមើលកងទ័ពអាល្លឺម៉ង់នៅក្នុងទស្សនកិច្ចជាលើកដំបូងទៅកាន់បរទេស។ ក្នុងអម្លុងពេលដែលពិនិត្យមើលកងទ័ពអាល្លឺម៉ង់នៅក្នុង Lithuania កាលពីថ្ងៃអាទិត្យ រដ្ឋមន្ត្រីក្រសួងការពារជាតិអាល្លឺម៉ង់ លោកស្រី Christine Lambrech បាននិយាយថា NATO នឹងជជែកអំពីសេចក្តីស្នើររបស់រុស្សីនៅក្នុងកិច្ចការរបស់សម្ព័ន្ធមិត្តនៃព្រំប្រទល់អឺរ៉ុបខាងកើត ប៉ុន្តែនឹងមិនអនុញ្ញាតិឲ្យរុស្សីមកបង្គាប់បញ្ជាការងារសន្តិសុខរបស់ខ្លួននោះទេ។

ពាក្យសំដីរបស់លោកស្រីបានលេចចេញមកបន្ទាប់ពីមូស្គូបានផ្តល់នូវបញ្ជីមួយទាមទារផ្នែកយោធាទៅកាន់សហរដ្ឋអាមេរិកនិងសម្ព័ន្ធមិត្តកាលពីថ្ងៃសុក្រ។ ការទាមទារទាំងនេះ រួមមានការដកចេញនូវវត្តមាននៃកងវរសេនារបស់ NATO ចេញពីរដ្ឋបាល់ទិក Estonia ,Latvia,Lithuania ដែលកាពីពេលមុនកាន់កាប់ដោយរុស្សីក្នុងសករាជរបស់សហភាពសូវៀត ក៏ដូចជាប៉ូឡូញផងដែរ ដែលមូស្គូមានឥទ្ធិពលក្នុងពេលដែលទីក្រុងវ៉ាសូវីនៅជាកុម្មុយនិស្តដែលជារដ្ឋរណប។

បន្ថែមលើនេះទៀត ទីក្រុងមូស្គូបានស្វែងរកការធានាដោយស្របច្បាប់ថាឲ្យ NATO នឹងបោះបង់ចោលនូវការខិតខំខ្នះខ្នែងផ្នែកយោធានៅក្នុងអឺរ៉ុបខាងកើតនិងអ៊ុយក្រែន។ ដែលជាមូលដ្ឋានគឺផ្តល់សិទ្ធវេតូលើរឿងអ៊ុយក្រែនជាសមាជិក NATO។ ក្នុងពេលបច្ចុប្បន្ននេះ NATO បានដាក់អ៊ុយក្រែនជាសមាជិកភាពជិតពេញលេញហើយដោយបានផ្តល់នូវជំនួយសន្តិសុខនិងទីប្រឹក្សារយោធា។ “យើងត្រូវតែនិយាយជាមួយគ្នា ដែលមានន័យថាត្រូវជជែកពីសំណើររបស់រុស្សីដែលបានដាក់មក Lambrechបាននិយាយនៅ Rukla, ប្រទេស Lithuania នៅក្នុងទស្សនកិច្ចជាលើកដំបូងក្នុងនាមជារដ្ឋមន្ត្រីក្រសួងការពារជាតិ។

“ប៉ុន្តែមិនមែនរុស្សីត្រូវមកបង្គាប់បញ្ជា ដៃគូររបស់ NATO ថាតើពួកគេត្រូវឈរនៅកន្លែងណានោះទេ”យើងត្រូវដោះស្រាយនូវភាពតានតឹងក្នុងពេលបច្ចុប្បន្ននៅក្នុងកំរិតការទូត ដោយដាក់ចេញផងដែរនូវការរួញរាដែលគួរឲ្យជឿជាក់បាន។ រដ្ឋមន្ត្រីក្រសួងការពារជាតិ Lithuania  Arvydas Anusauska បាននិយាយថា NATO ត្រូវតែទប់ទល់ជាមួយការប្រឹងប្រែងរបស់មូស្គូក្នុងការបំបែកអឺរ៉ុបជាថ្មីម្តងទៀតដើម្បីឲ្យធ្លាក់ចូលទៅក្នុងនៃរង្វង់ឥទ្ធិពលរបស់ខ្លួន។ "យើងត្រូវតែគាំទ្រអ៊ុយក្រែនតាមគ្រប់មធ្យោបាយ ដែរួមបញ្ចូលទាំងការបញ្ជូនសព្វាវុធ" លោកនិយាយ ។