Newsweek-

ទួរគីហាក់ដូចជាបង្កើននូវស្ថានការណ៍ដែលប្រកបទៅដោយឥទ្ធិពល ដែលជាកត្តាសំរេចចិត្តមួយនៅក្នុងការប៉ុនប៉ងរបស់សម្ព័ន្ធភាពយោធាដែលដឹកនាំដោយសហរដ្ឋអាមេរិកដើម្បីប្រឆាំងនឹងសង្រ្គាមរុស្សីនៅក្នុងអ៊ុយក្រែនដោយរៀបចំផែនការធ្វើប្រតិបត្តិការណ៍ថ្មីនៅភាគខាងជើងស៊ីរី ដែលជាកន្លែងដែលភាគីគាំទ្រដោយសហរដ្ឋអាមេរិកនិងរុស្សីប្រឆាំងទៅនឹងគោលបំណងរបស់ទីក្រុង Ankara ។ ប្រធានាធិបតីទួរគី Recep Tayyip Erdogan បានប្រកាសនូវការប្រឆាំងទៅនឹងគោលបំណងរបស់ហ្វាំងឡង់និងស៊យអែដក្នុងការចូលរួមជាមួយជាមួយ NATO ដោយបានទាញនូវទឡ្ហីករណ៍ថាប្រទេសទាំង២បានផ្តល់នូវជម្រកដ៏មានសុវត្តិភាពចំពោះគណបក្សពលករ Kurdistan(PKK) ។

ខណៈដែល Erdogan ប្រកាន់យកជំហរមិនប្រែប្រួលនៅក្នុងទស្សនៈរបស់ខ្លួន មន្ត្រីទួរគីបានចាប់ផ្តើមនិយាយជាចំហរនូវផែនការដើម្បីរៀបចំការរាតត្បាតជាថ្មីនៅតាមបណ្តោយព្រំប្រទល់ស៊ីរីប្រឆាំងទៅនឹងកងកម្លាំងដែលមានការពាក់ព័ន្ធទៅនឹង PKK ។ នៅក្នុងចំណោមភាគីទាំងនេះ មានកងកម្លាំងប្រជាធិបតេយ្យស៊ីរីដែលដឹកនាំដោយពួក Kurdish ជាក្រុមមួយដែលគាំទ្រដោយទីក្រុងវ៉ាស៊ិនតោន ដែលបំរើការជាទ័ពស្រួចជាក្រុមចម្រុះដែលដឹកនាំដោយអាមេរិកកំពុងតែបន្តការប្រយុទ្ធប្រឆាំងទៅនឹងពួក ISIS ។

អតីតអ្នកការទូតទួរគីបានប្រាប់ Newsweek ថាជាមួយនឹងសហរដ្ឋអាមេរិកដែលមានការពឹងពាក់អាស្រ័យទៅលើទួរគីដើម្បីទ្រទ្រង់ NATO ប្រឆាំងទៅនឹងរុស្សីនៅក្នុងអ៊ុយក្រែន ការប្រឆាំងទៅនឹងផែនការលុកលុយនេះទំនងជាគេមិនមាត់កអ្វីឡើយ។ "ដែលជាគណិតសាស្ត្រជាន់ខ្ពស់ប្រហែលជាវាស្ថិតនៅលើខាងភាគី Ankara ដែលលោកខាងលិចត្រូវការទួរគីដើម្បីពង្រីកអង្គការ NATO" Ulgen បាននិយាយ ហេតុដូច្នេះនៅក្នុងពេលវេលាដ៏សំខាន់ដូចនេះ វានឹងមានការរិះគន់តិចតួចក្នុងការដែលទួរគីធ្វើប្រតិបត្តិការណ៍ឆ្លងដែន។ នៅមានទៀត លោកបាននិយាយជំទាស់ថានៅក្នុងស្ថានភាពបែបនេះ វាអាចធ្វើឲ្យទួរគីនិងសហរដ្ឋអាមេរិកមានការប៉ះទង្គិចគ្នា។

ម្យ៉ាងវិញទៀតរុស្សី ដែលគាំទ្ររដ្ឋាភិបាលស៊ីរី ដែលបានចាត់ទុកទួរគីក៏ដូចជាសហរដ្ឋអាមេរិក ថាជាអ្នកដែលកាន់កាប់ទឹកដីខុសច្បាប់។ ប៉ុន្តែខណៈដែលទួរគីបន្តនូវសកម្មភាពដើម្បីឲ្យមានតុល្យភាពក្នុងការមានទំនាក់ទំនងជាមួយសហរដ្ឋអាមេរិកនិងរុស្សី Ulgen បាននិយាយថា Erdogan ក៏បានមើលឃើញផងដែរនូវឱកាសដើម្បីផ្លោះរំលងការប្រឆាំងរបស់រុស្សីទៅលើគោលបំណងរបស់ទីក្រុង Ankara នៅក្នុងស៊ីរីដែរ។ មានការគណនានៅក្នុងទីក្រុង Ankara ថារុស្សីនឹងមិនប្រឆាំងចំពោះការធ្វើអន្តរាគមន៍ដូចនេះទេ”។