Washington-

លោកប្រធានាធិបតី Volodymyr Zelensky បាននិយាយថាលោកនឹងមិនទទូចសុំចូលជាសមាជិក NATO ទៀតទេ វាជារឿងដែលត្រូវលះបង់ ដែលរុស្សីបានបញ្ជាក់ថាជាហេតុផលដែលរុស្សីឈ្លានពានប្រទេសជិតខាងដែលនិយម NATO។ នៅក្នុងការយល់ព្រមមួយទៀតដែលទំនងជាធ្វើឲ្យរុស្សីស្ងប់ចិត្ត Zelensky បាននិយាយថា លោកបានបើកចំហរក្នុងការសម្របសម្រួលចំពោះរដ្ឋដែលបំបែកខ្លួនទាំង២ដែលជាទឹកដីនិយមរុស្សី ដែលលោកប្រធានាធិបតីរុស្សី Vladimir Putin បានទទួលស្គាល់ថាជារដ្ឋឯករាជ្យមុនពេលដែលមានការឈ្លានពានកាលពីថ្ងៃទី២៤ខែកុម្ភះ។

"ខ្ញុំបានរៀបចំនូវការបញ្ចុះកំដៅ ដោយយល់ពីបញ្ហានេះជាយូរមកហើយ បន្ទាប់ពីយើងយល់ថា NATO មិនបានយល់ព្រមនឹងទទួលយកអ៊ុយក្រែននោះទេ" Zelensky បាននិយាយនៅក្នុងកិច្ចសម្ភាសន៍ដែលផ្សាយតាមទូរទស្សន៍ ABC។ សម្ព័ន្ធមិត្តមានការខ្លាចអំពីរឿងចម្រូងចម្រាស់និងការប្រឈមជាមួយរុស្សី "លោកប្រធានាធិបតីបានបន្ថែម"។ និយាយាយោងទៅដល់សមាជិកភាពនៃរបស់ NATO, Zelensky បាននិយាយតាមរយៈអ្នកបកប្រែថា "លោកមិនចង់ធ្វើជាប្រធានាធិបតីសំរាប់ប្រទេសដែលត្រូវលុតជង្គង់សុំទានអ្វីមួយពីគេនោះទេ"។

រុស្សីបាននិយាយថា គេមិនចង់ឲ្យប្រទេសជិតខាង ដូចអ៊ុយក្រែនចូលជាសមាជិក NATO ទេ, NATO បានបង្កើតឡើងនៅក្នុងឆ្នាំដែលដែលមានសង្រ្គាមត្រជាក់ដើម្បីការពារអឺរ៉ុបពីសហភាពសូវៀត។ នៅក្នុងប៉ុន្មានឆ្នាំថ្មីៗនេះ សម្ព័ន្ធមិត្តបានពង្រីកបន្ថែមហើយបន្ថែមទៀតមកទិសខាងកើតចូលមកក្នុងអតីតប្រទសសហភាពសូវៀត ដែលធ្វើឲ្យវិមានក្រឹមឡាំងមានការខឹងសម្បារ។ រុស្សីឃើញការពង្រីករបស់ NATO ថាជាការគំរាមកំហែងខណៈដែលរូបភាពយោធារបស់សម្ព័ន្ធមិត្តលោកខាងលិចនៅជាប់នឹងសំយ៉ាបផ្ទះរបស់ខ្លួន។

មុនពេលដ៏ខ្លីដែលលោកបានធ្វើឲ្យពិភពលោកមានការតក់ស្លុត ដោយបានបញ្ជាឲ្យកងទ័ពឈ្លានពានចូលមកក្នុងអ៊ុយក្រែន  Putin បានទទួលស្គាល់រដ្ឋបំបែកខ្លួន២ដែលនិយមរុស្សី នៅផ្នែកខាងកើតអ៊ុយក្រែនគឺ Donetsk និង Luhansk is ដែលមានសង្រ្គាមជាមួយអ៊ុយក្រែនចាប់តាំងពីឆ្នាំ២០១៤។ Putin បច្ចុប្បន្ននេះ បានទទួលស្គាល់រដ្ឋទាំង២នោះថាជារដ្ឋអធិបតេយ្យនងឯករាជ្យ។ នៅពេលដែល ABC បានសួរលោកអំពីការទាមទាររបស់រុស្សី លោកបាននិយាយថាលោកបើកចំហរចំពោះការចរចារ “ខ្ញុំកំពុងនិយាយអំពីការធានានូវសន្តិសុខ”។