NASA មិនបានប្រកាន់ខ្ជាប់នឹងការកំណត់ពេលវេលា ដែលបានដាក់ចេញក្នុងអំឡុងពេល Trump កាន់តំណែងនោះទេ សម្រាប់កម្មវិធី Artemis របស់ខ្លួន ដែលដំបូងឡើយមានគោលបំណងបញ្ជូនអវកាសយានិកត្រឡប់ទៅផ្ទៃឋានព្រះច័ន្ទនៅឆ្នាំ 2024។
អ្នកគ្រប់គ្រង NASA លោក Bill Nelson បាននិយាយនៅក្នុងការហៅទូរស័ព្ទជាមួយអ្នកយកព័ត៌មានថា បេសកកម្ម Artemis II នឹងដឹកអ្នកអវកាសយានិកទៅជុំវិញឋានព្រះច័ន្ទដោយមិនមានការប៉ុនប៉ងចុះចត ត្រូវបានកំណត់គោលដៅថា នឹងបើកដំណើរការបង្ហោះមិនយូរជាងខែឧសភា ឆ្នាំ 2024 ឡើយ។ ហើយ Artemis III នឹងក្លាយជានាវិកដំបូងចុះចតលើផ្ទៃឋានព្រះច័ន្ទ ទំនងជានឹងកើតឡើងមិនលឿនជាងឆ្នាំ 2025 ទេ។
ប្រធានទីភ្នាក់ងារអវកាសបានកត់សម្គាល់ថា NASA "បានបាត់បង់រយៈពេលប្រាំពីរខែនៅក្នុងវិវាទ" ដោយសំដៅលើការប្រឆាំង និងពាក្យបណ្តឹងដែលបានប្តឹងដោយ Blue Origin និង Dynetics បន្ទាប់ពីយានអវកាស Starship របស់ SpaceX ត្រូវបានជ្រើសរើសឱ្យជាអ្នកចុះចតនៅលើឋានព្រះច័ន្ទសម្រាប់កម្មវិធី Artemis ។ លោក Nelson ក៏បានលើកឡើងផងដែរ នូវពេលវេលាដែលបានរាំងស្ទះដោយសារជំងឺរាតត្បាត COVID-19 និងរដ្ឋបាលចាស់របស់ Trump ដោយបន្ថែមគោលដៅនៃការបោះជំហាននៅលើឋានព្រះច័ន្ទម្តងទៀតនៅឆ្នាំ 2024 គឺ "មិនមានមូលដ្ឋានច្បាស់លាស់លើលទ្ធភាពបច្ចេកទេសនោះទេ" ។
ទោះបីជា NASA បានផ្អាកការងារជាមួយ SpaceX លើយានអវកាស Starship និងពាក្យបណ្ដឹងរបស់ Blue Origin កំពុងរង់ចាំការសម្រេចរបស់តុលាការក៏ដោយ ក៏ក្រុមហ៊ុនរបស់ Elon Musk បានបន្តការអភិវឌ្ឍន៍យានអវកាសជំនាន់ចុងក្រោយនៅឯរោងចក្ររបស់ខ្លួនក្នុងរដ្ឋ Texas ។
បណ្តឹងនេះត្រូវបានច្រានចោលកាលពីថ្ងៃព្រហស្បតិ៍សប្តាហ៍មុន ហើយ NASA បានប្រកាសថា ខ្លួននឹងបន្តការងារជាមួយ SpaceX ។ វាមានរយៈពេលជិតកន្លះសតវត្សមកហើយ ចាប់តាំងពីមានមនុស្សបានឈានជើងនៅលើឋានព្រះច័ន្ទចុងក្រោយគេក្នុងឆ្នាំ 1972 ។ NASA បានប្តេជ្ញាចិត្តបញ្ជូនអវកាសយានិកស្ត្រីដំបូង ទៅកាន់ផ្ទៃឋានព្រះច័ន្ទតាមរយៈ Artemis និងការផ្តួចផ្តើមគំនិតដើម្បីបង្កើតវត្តមាននៅលើឋានព្រះច័ន្ទ។ NASA ក៏កំពុងធ្វើការឆ្ពោះទៅរកការចុះចតដំបូងរបស់មនុស្សនៅលើភពព្រះអង្គារផងដែរ។
Starship បច្ចុប្បន្នកំពុងរង់ចាំការបោសសំអាតបរិស្ថាន និងអាជ្ញាប័ណ្ណការដំណើរការបង្ហោះអវកាសរបស់ខ្លួនពី Federal Aviation Administration សម្រាប់ការហោះហើរឆ្លងគន្លងអាកាសចរដំបូងរបស់ខ្លួន ដែលគ្រោងនឹងបង្ហោះពីរដ្ឋ Texas និងធ្វើការចុះចតនៅឆ្នេរសមុទ្រហាវ៉ៃ៕
អត្តបទដកស្រង់ពី Eric Mack
បកប្រែនិងកែសម្រួលដោយ Mr. Blue
