បទមនុស្សជំនិតដែលទើបនឹងចេញផ្សាយនៅលើយូធូបរបស់កញ្ញានីគីនីគីកំពុងតែឆក់ទាញយកចំណាប់អារម្មណ៍ទស្សនិកជនជាច្រើនព្រេាះថាសាច់រឿងក្នុងបទចំរៀងទាំងមូលហាក់បីដូចជាសបញ្ជាក់រឿងស្នេហាពេញនិយមសំរាប់មនុស្សនាសម័យថ្មី។ ទំនាក់ទំនងចាក់ស្រេះរវាងមិត្តភក្តិ និងមិត្តភក្តិ ក៏ដូចជាមិត្តភក្តិនិងគូស្នេហ៍ ថាតើមានអ្នកណាធ្លាប់ឆ្លងកាត់ខ្លះថាវាអាចចងជាសមីការការស្នេហាដ៏ឈឺផ្សារដូចដែលមានបកស្រាយរៀបរាប់ទំនុកឈឺចាប់ក្នុងMVរបស់កញ្ញានីគីនីគីដូច្នេាះឯង។  ជ្រើសរើសមនុស្សម្នាក់មកស្រឡាញ់គ្មានច្បាប់ណាហាមប្រាមហាមឃាត់បេះដូងឡើយ តែបើមនុស្សពីរនាក់ដែលអ្នកស្រលាញ់ជាមនុស្សក្បែរគ្នា រឺជាមិត្តល្អនឹងគ្នា ទំនាក់ទំនងរបស់ពួកគេនឹងអាចល្អក់កករនឹងគ្នា បង្កើតជាភ្លើងកំហឹងរៀងខ្លួន។ 

យ៉ាងណាមិញបទចំរៀងមួយនេះចូលរួមសហការដោយក្រុមផលិតជាច្រើនរូបមានដូចជាបង្កើតដោយកញ្ញានីគីនីគី និងអ្នកគ្រប់គ្រងធីតាដឹកនាំដោយ SinoraRoath និពន្ធទំនុកច្រៀងដោយកញ្ញានីគីនីគី ចូលរួមសម្តែងដោយលោក Farzam ថតសំលេងដោយលោក EuanGray ធ្វើបទចំរៀងដោយលោក Rob Mcmullan ដឹកនាំថតដោយលោក Sonasereirith Katam។ ពេាះទីតាំងថតនៃបទចំរៀងបានទៅផ្តិតយកសំរស់ធម្មជាតិដ៏ត្រកាលដល់ខេត្តមណ្ឌលគិរីឯណេាះ។ កញ្ញានីគីនីគីក៏បានឆ្លៀតប្រាប់ពីខ្លឹមសារនៃបទចំរៀងទាំងមូលដែលចង់រំលេចប្រាប់ពីការបោកប្រាស់នៃទំនាក់ទំនង មិនថាជារឿងស្នេហា ជារឿងមិត្តភាព ដែលមនុស្សជាច្រើនធ្លាប់ឆ្លងកាត់ និងបាក់ទឹកចិត្ត ប៉ុន្តែកញ្ញាចង់ជំរុញអោយយល់ថាបញ្ហានេះជាផ្នែកមួយនៃជីវិតមនុស្សរាល់គ្នានេាះទេ អ្វីដែលយើងអាចរៀនសូត្រពីវាបានគឺការមិនបេាះបង់ខ្លួនឯង មិនបេាះបង់ការជឿជាក់លើអ្នកដទៃ និងការហ៊ានចាប់ផ្តើមជាថ្មីម្តងទៀត។

អត្ថបទដោយ Vatey