កាលពីថ្ងៃទី១៤ ខែសីហាកន្លងទៅនេះ សមាជិកសំលេងផ្អែមមុតពីររូបនៃក្រុមចំរៀងប្រុស La Cima Cartel លោកAll3rgy និងលោកមុតភារិនបាននាំគ្នាធ្វើការបង្ហោះឡើងនូវវិដេអូ Featuring អ្នកទាំងពីររួមគ្នាច្រៀងចម្រៀង Original Audio មួយបទនៅលើកម្មវិធីបណ្តាញសង្គម។
ដោយនៅក្នុងនោះលោក All3rgy បានធ្វើការបង្ហោះឡើងដោយភ្ជាប់ជាមួយនឹងខេបសិនថា«ជួយដាក់ចំណងជើងអោយបានអត់@Mut_Phearin» នៅលើទំព័រហ្វេសប៊ុក និងគណនី Instagram របស់លោក។ ខណៈនោះផងដែរ ក៏បានធ្វើអោយបណ្តាអ្នកគាំទ្ររបស់លោក ជាពិសេសអ្នកគាំទ្រស្រីៗតែម្តង បាននាំគ្នាជួយដាក់ចំណងជើងបទចម្រៀងអ្នកទាំងពីរយ៉ាងច្រើនហូរហែ។
ទន្ទឹមនឹងនេះផងដែរ លោកមុតភារិនវិញ ក៏បានធ្វើការចែករំលែកបន្តការបង្ហោះរបស់លោក All3rgy រួមជាមួយនឹងសារឡើងថា«មិនងាយនឹងរក មនុស្សស្រីដែលកម្រល្អដូចជាអូននោះទេ» នៅលើគណនីហ្វេសប៊ុករបស់លោក។ គួរបញ្ជាក់ផងដែរ នេះគឺជាប៉ារ៉ូលមួយឃ្លាប្រកបដោយខ្លឹមសារទាក់ចិត្តពីក្នុងបទចម្រៀងរបស់លោកផ្ទាល់។
ចំណែកនៅលើគណនី Instagram របស់លោកវិញ លោកក៏បានធ្វើការ Add Story ឡើងនូវវិដេអូមួយនោះផងដែរដោយភ្ជាប់ជាមួយនឹង Tag ឈ្មោះលោក All3rgy។ នេះកត់សម្គាល់អោយឃើញថាបទចម្រៀងមួយនេះនឹងក្លាយទៅជាបទដ៏ផ្អែមល្ហែមទី២ ដែលនឹងត្រូវចេញផ្សាយក្នុងពេលឆាប់ៗនេះ បន្ទាប់ពីបទ «កំរ» ដ៏ជោគជ័យ និងល្បីល្បាញរបស់លោកមុតភារិន និងលោក Tomie Garcia ផងដែរ។
គួរអោយចាប់អារម្មណ៍ផងដែរ នេះក៏ជាការសហការលើកដំបូងរវាងអ្នកទាំងពីរនៅក្នុង Featuring Song រួមគ្នាផងដែរ។ ចុះតើទស្សនិកជនយល់ឃើញយ៉ាងណាដែរចំពោះបទថ្មីរបស់អ្នកទាំងពីរមួយបទនេះ?