កម្មវិធីប្រគល់ពានរង្វាន់កំរិតថ្នាក់ពិភពលោក MTV VMAs 2022 បានត្រលប់មកជាថ្មីហើយនៅក្នុងយប់ថ្ងៃអាទិត្យ ទី២៨ ខែសីហានេះ។សិល្បករនៅទូទាំងសកលលោកត្រូវបានអញ្ជើញមកចូលរួមនៅក្នុងកម្មវិធី ព្រមទាំងខ្លះទៀតបានសម្តែងនូវទស្សនីយភាពយ៉ាងអស្ចារ្យសំរាប់ដល់បណ្តាអ្នកចូលរួមទស្សនា។ ដោយក្នុងនោះដែរមានការសម្តែងធំៗពី Lizzo, BLACKPINK, Harlow និង Måneskin ហើយក៏មានការសម្តែងពីសិល្បករមួយចំនួនទៀតដូចជា Anitta, Marshmello x Khalid, J Balvin, Minaj និង Panic! at the Discoជាដើម។
វត្តមានរបស់សិល្បករចូលរួមទាំងអស់បានមកបង្ហាញខ្លួននៅលើកំរាលព្រំពណ៌ខ្មៅដ៏ស្រស់ស្អាតជាមួយនឹងការផ្តិតយករូបភាពកំរិតស្តង់ដាពីលំដាប់កាមេរ៉ាមេនរបស់កម្មវិធីផ្ទាល់។ សិល្បករដែលទទួលបានពានរង្វាន់មានដូចជាកញ្ញា Taylor Swift សំរាប់ពានរង្វាន់ Video of the year សំរាប់បទចំរៀងភាពយន្តខ្លីរបស់នាងផ្ទាល់នូវបទ All too Well។ សំរាប់បានរង្វាន់ Artist of the year បានទៅលើលោក Bad Bunny។
ចំនែកពានរង្វាន់ Song of the year បានទៅលើកញ្ញា Billie Eilish សំរាប់បទ Happier than ever។ ពានរង្វាន់ Best New Artistផងដែរបានទៅលើកញ្ញា Dove Cameron។ រីឯពានរង្វាន់ Push Performance of the year បានទៅលើក្រុមចំរៀងកូរ៉េ Seventeenនូវបទចំរៀង Rock with you។ ម្យ៉ាងវិញទៀតផងដែរ ពានរង្វាន់Best Collaboration បានទៅលើក្រុមរបស់លោក Lil Nas X និងJack Harlow នូវបទចំរៀង Industry Baby។ បន្តចូលមកកាន់ពានរង្វាន់ Best pop វិញគឺបានទៅលើលោក Harry Style សមាជិកក្រុមចំរៀង One direction ហើយបទរបស់លោកដែលទទួលបានពានរង្វាន់ផងនេះគឺបទ As it was។ មិនទាន់អស់នោះទេ ម្ចាស់ពានរង្វាន់ Best Hip-hop គឺបានទៅលើកញ្ញា Nicki Minaj ft. Lil Baby នូវបទ Do we have a problem?។
ក្រៅពីនេះផងដែរនៅមានពានរង្វាន់ Best Rock ទៀតដែលបានទៅលើក្រុមតន្រ្តីប្រភេទរ៉ុក Red Hot Chili peppersនូវបទ Black Summer។ សំរាប់ពានរង្វាន់ Best Alternative វិញគឺបានទៅក្រុម Maneskin នូវបទចំរៀង I wanna be your slave។
អ្នកឈ្នះបន្តគឺកញ្ញា Anitta ទទួលបានពានរង្វាន់ Best Latin ទៅលើបទចំរៀង Envolver។ ចំនែកពានរង្វាន់ Best R&B វិញគឺបានទៅលើលោក The weeknd នូវបទ Out of time។ ចំនែកចូលមកដល់ពានរង្វាន់ Best K-popគឺបានទៅលើកញ្ញា Lisa សមាជិកក្រុមចំរៀងBlackPink ជាប់នៅលើបទ Lalisa។
ពានរង្វាន់ Video for good វិញបានទៅលើកញ្ញា Lizzo តាមរយៈបទចំរៀង About Damn Time។ សំរាប់ពានរង្វាន់ Best Metaverse performance ក្រុមចំរៀង Blackpinkទាំងមូលធ្វើបានសំរេចដោយទទួលបានការបោះឆ្នោតជាប់នូវបទចំរៀង Blackpink The Virtual PUBG Mobile។
ជាថ្មីម្តងទៀតកញ្ញា Taylor Swift ក៏រក្សាបានពានរង្វាន់មួយទៀតសំរាប់បទ All too well ដែលជាពានរង្វាន់ Best longform video។
ពានរង្វាន់ Group of the yearក៏មិនអាចផ្តួលផ្តាច់ក្រុមចំរៀង BTS បានដែរ ដែលធ្វើអោយមហាជនទទួលបាន Team Spirit ខ្លាំងណាស់ពីពួកគេ។ ចូលមកដល់ពានរង្វាន់ចំរៀងប្រចាំរដូវកាលវិញសំរាប់ Song of Summer គឺបានទៅលើ Jack Harlow នូវបទ First Class។ ក៏មិនអាចភ្លេចដែរចំពោះពានរង្វាន់ Album of the year ដែលបានទៅលើលោក Harry Styles ជាថ្មីម្តងទៀតនូវបទ Harry’s House។
មួយវិញទៀតផងដែរក៏នៅមានពានរង្វាន់ជាច្រើនធ្វើឡើងដោយការដាក់ពិន្ទុផ្ទាល់ មិនមានសំរាប់អោយបោះឆ្នោតនោះទេជូនសំរាប់សិល្បករឆ្នើម ហើយក្នុងនោះដែរអ្នកឈ្នះមានលោក Harry Styles, កញ្ញា Taylor Swift, ក្រុមលោក Lil NasX និង jackharlow ទទួលបានពានរង្វាន់២, កញ្ញា Doja Cat, និងកញ្ញា Rosalia។