កាលពីថ្ងៃទី២៨ ខែកក្កដា កន្លងទៅនេះ Republic Recordsបានបញ្ចេញឈ្មេាះបេក្ខភាពតារាចំរៀងដែលត្រូវជ្រើសរើសសំរាប់ការបេាះឆ្នោតរើសក្នុងរដូវការថ្មី។ គួរបញ្ជាក់ផងដែរ Republic Records គឺផ្នែកមួយរបស់ក្រុមហ៊ុនតន្រ្តីឈានមុខគេ Universal Music Group ដែលវាជាសមាគមន៍គាំទ្រតារាមកពីគ្រប់មជ្ឈដ្ឋានដូចជាតាមរយៈការបណ្តុះបណ្តាល រឺធ្វើកម្មវិធីចែកពានរង្វាន់តារា។ ក្រៅពីនេះក៏ជាសមាគមន៍មានគោលដៅជំរុញអោយមានការធ្វើសកម្មភាពផ្សេងៗដោយការប្រើប្រាស់សំលេងផ្ទាល់ខ្លួនរបស់យើងម្នាក់ៗ។

នៅឆ្នាំ២០២២នេះដែរ Republic Records ក៏ធ្វើកម្មវិធីបេាះឆ្នោតជ្រើសរើសប្រគល់ពានរង្វាន់ទៅកាន់បណ្តាសិល្បករនានានៅលើសកលលោក។ ស្នូលរបស់តន្រ្តីតែងតែមានអ្នកចំរៀងជាអ្នកនាំសារ ជាអ្នកបញ្ចេញសំលេងតំណាងអោយមនុស្សរាប់លាននាក់នៅលើផែនដី។ ដូចនេះគុណសម្បត្តិរបស់អ្នកសិល្បៈគឺមានតំលៃដ៏អស្ចារ្យមួយ។ យ៉ាងណាមិញចំនួនបេក្ខភាពដែលត្រូវបានជ្រើសរើសចូលទៅបេាះឆ្នោតប្រកួតនៅក្នុងកម្មវិធី MTV VMAឆ្នាំ2022នេះឃើញថារួមមាន Ariana Frande, Daddy Yankee, Drake, Itzy, NickiMinaj, StrayKids, PostMalone, TaylorSwift, The Weekend និង Twice។ 

គួរអោយចាប់អារម្មណ៍ផងដែរតារាអាស៊ីអាចឆ្លងកាត់ទ្វីបទំលុះភពជាប់ទៅក្នុងតារាងបានមានតែក្រុមចំរៀងតារា K-Pop Twice និង Itzy ប៉ុណ្ណេាះ។​​​ ចំនែកតារាស្រី Ariana Frandeនៅតែជាបេក្ខភាពក្មេងវ័យទាក់ទាញដ៏ស្រស់ស្អាតឆក់ទាញយកបេះដូងអ្នកគាំទ្របានជានិច្ចជាមួយនឹងបទពេញនិយម fortnite ដែលបង្ហាញ Concept Metaverse មានការច្នៃប្រឌិតខ្ពស់។ និងមាននៅជើងចាស់ជាច្រើនរូបទៀតដូចជាលោក TheWeekend,កញ្ញា TaylorSwift​ និង NickiMinaj គ្រងដណ្តែងជានិមិត្តរូបដែលមនុស្សជាច្រើននាក់ចូលចិត្ត និងគាំទ្របទចំរៀងរបស់ពួកគេ។សំរាប់ការបេាះឆ្នោតគាំទ្រវិញទស្សនិកជនអាចចូលទៅកាន់កម្មវិធី Ballotpedia​​​ និងធ្វើការស្វែងរកបេក្ខជនលោកអ្នកពេញចិត្តរួចធ្វើការបេាះឆ្នោតជាការស្រេច។

អត្ថបទដោយ វត្តី