Fifty shades of grey ជាសាច់រឿង Erotic Romance មួយរបស់អាមេរិចដែលមានប្រជាប្រិយភាពខ្លាំងរហូតមកដល់សាយភាយជុំវិញពិភពលោក និងតែងតែត្រូវបានប្រភេទរឿង ​​​និងសិល្បៈកំសាន្តជាច្រើនយកទៅប្រៀបធៀបនឹងសាច់រឿងរសជាតិមួយនេះដូចជារឿងរបស់កូរ៉េមួយដែលមានចំណងជើងថា«Love and Leashes» ឆ្នាំ២០២២។ យ៉ាងណាមិញថ្មីៗនេះក៏មានផ្ទុះចំណាប់អារម្មណ៍ជាច្រើនទៅលើបទចម្រៀងមួយទៀតរបស់អាស៊ីដែលមានចំណងជើងថា​​​«Mind Games» របស់លោក Jackson Wang និងកញ្ញា Milli ជាការរួមបញ្ចូលគ្នានៃសិល្បករថៃ និងកូរ៉េក៏មានរសជាតិប្រភេទ Fifty shades of Grey ផងដែរ។ កាលពីថ្ងៃទី០៦ ខែមករាកន្លងទៅនេះ ក្រុមហ៊ុនតន្រ្តី 88 Rising បានធ្វើការទំលាក់បទចម្រៀងថ្មីដែលមានចំណងជើងថា«Mind Games» នៅលើឆាណែលយូធូបផ្លូវការរបស់ពួកគេដែលនេះគឺជាបទរួមសហការមួយរវាងតារារ៉េបស្រីថៃ Milli និងតារារ៉េបប្រុសកូរ៉ Jackson Wang ផងដែរ។ 

គួរបញ្ជាក់ផងដែរក្រុមហ៊ុន 88 Rising គឺជាក្រុមហ៊ុនតន្រ្តីអាមេរិចមួយដែលទទួលបានប្រជាប្រិយភាពក្នុងការផលិតនិងនាំយកសិល្បករអាស៊ីផ្សព្វផ្សាយទៅកាន់ទីផ្សារអាមេរិចផងដែរ។ ចំណែកលោក Jackson Wang គឺជាអតីតសមាជិកនៃក្រុម GOT7 របស់កូរ៉េដែលពេលនេះបានចាប់ផ្តើមជីវិតការងារ Solo របស់លោក និងមួយផ្នែកធំគឺមានការសហការនៅក្រៅប្រទេសផងដែរ។ បទចម្រៀងរបស់កញ្ញា Milli និង​​​លោក Jackson Wang «Mind Games»មួយបទនេះបានក្លាយជា Top Trend ទី២ មួយនៅលើយូធូបប្រទេសថៃ ដោយមានអ្នកចូលទស្សនារហូតទៅដល់ជិត២លាននៅក្នុងរយៈពេល៣ថ្ងៃប៉ុណ្ណោះ។ មានមនុស្សជាយល់ឃើញថាអ្នកទាំងពីរពិតជាសក្តិសមនឹងគ្នាណាស់ ទាំងអាជីព Solo ប្រឡូកនៅក្នុងអន្តរជាតិ សំលេងក៏ស៊ីគ្នា និងមានគីមីចូលគ្នាបានល្អ។ 

សំរាប់មួយបទនេះផងដែរ ក៏នាំយករសជាតិមួយស្រដៀងគ្នាទៅនឹងសាច់រឿង«Fifty shades of Grey» ដ៏ល្បីល្បាញនៅជុំវិញពិភពលោកផងដែរនៅត្រង់ឈុតខ្លះៗដួចជាលោក Jackson Wang ក្នុងឈុតក្រហមរឹបខ្លួនព្យាយាមស្វែងរកតួស្រីនៅក្នុងបន្ទប់ Maze មួយដ៏លំបាកជាដើម ដែលអាចចាត់ទុកបានថាជាបទអាស៊ីមួយដែលផ្តល់បរិយាកាសបែបលោកខាងលិចដ៏ប្លែកទាំងMelogy និង Vibe គួរអោយចាប់អារម្មណ៍។ 88.Rising ហាក់ដូចជាមានការពេញនិយមនៅក្នុងការផលិតចម្រៀងប្រភេទនេះ។បទ«Mind Games» របស់ 88. Rising បាននាំយករសជាតិថ្មីទៅកាន់ពិភពលោកទាំងមូល និងគួររំលឹកផងដែរព្រោះជាពិសេសបំផុតនោះគឺវាសក្តិសមបំផុតសំរាប់ទីផ្សារអាមេរិច មិនសំខាន់លើតែទីផ្សារអាស៊ីប៉ុណ្ណោះទេ ដូចនេះការចំរាញ់សម្រិតសម្រាំងអាចនិយាយបានថាប្លែកថ្មីមួយសំរាប់អ្នកគាំទ្រអាស៊ីផងដែរ។