Foxnews- 

ប្រធានសេនាធិការចម្រុះសហរដ្ឋអាមេរិកលោក ឧត្តមសេនីយ៍ Mark Miller បានប្រាប់សមាជិកសភាថាទីក្រុង Kyiv នឹងដួលរលំក្នុងរយៈពេល៧២ម៉ោង បើសិនជាការឈ្លានពានរបស់រុស្សីទៅលើអ៊ុយក្រែនបានកើតឡើង ប្រភពជាច្រើននៃសភាបានប្រាប់ Fox News។ Iller បានប្រាប់សមាជិកសភាក្នុងសម័យប្រជុំបិទទ្វា កាលពីថ្ងៃទី២និង៣កុម្ភះថា ការវាយលុកក្នុងទ្រង់ទ្រាយធំរបស់រុស្សីទៅលើអ៊ុយក្រែនអាចផ្តល់លទ្ធផលនៃការដួលរលំទីក្រុង Kyiv តែក្នុងរយៈពេល៧២ម៉ោង និងអាចធ្វើឲ្យទាហ៊ានអ៊ុយក្រែន១៥,០០០នាក់ស្លាប់និងទាហ៊ានរុស្សី៤.,០០០ នាក់ស្លាប់។

សមាជិកសភាជាច្រើនរូបបានបញ្ចេញនូវការខ្វាយខ្វល់ថា រដ្ឋការលោក Biden មិនបានឆ្លើយតបយ៉ាងឆាប់រហ័សដើម្បីផ្តល់ឲ្យអ៊ុយក្រែននូវជំនួយយោធាដ៏សំខាន់ ដូចជាអាវុធប្រឆាំងយន្តហោះនិងប្រព័ន្ធបាញ់រ៉ុក្កែត ដើម្បីការពារប្រឆាំងទៅនឹងការឈ្លានពានរបស់រុស្សី។ មន្ត្រីនៃរដ្ឋការលោកBidenនៅក្នុងការប្រជុំបានឆ្លើយតបទៅនឹងការខ្វាយខ្វល់ ដោយបាននិយាយថាការផ្គត់ផ្គង់អាវុធសំខាន់ៗនៃជំនួយយោធាទៅដល់អ៊ុយក្រែន វាអាចក្លាយទៅជាហេតុផលដែលគេយកទៅប្រើប្រាស់ដើម្បីឈ្លានពានអ៊ុយក្រែន។

ខណៈដែលអ៊ុយក្រែនបានទទួលនូវជំនួយសន្តិសុខពីសហរដ្ឋអាមេរិកតាមរយៈការបែងចែកចំនួន២០០រយលានដុល្លារដែលបានធ្វើកាកពីខែធ្នូ គេក៏បានទទួល៦០០លានដុល្លារដែលជាជំនួយពីអង់គ្លេសនិងរដ្ឋបាល់ទិក ដែលប្រទេសនេះបានពឹងពាក់យ៉ាងខ្លាំងរួមមានទាំង កាំជ្រួចប្រឆាំងរថក្រោះ Javelin និង Stingerដែលអាចស្ពាយបានសំរាប់ប្រឆាំងនឹងយន្តហោះ។

មន្ត្រីជាច្រើនរបស់រដ្ឋការលោកBiden ដែលមានវត្តមាននៅក្នុងអង្គប្រជុំ រួមបញ្ចូលទាំងលោករដ្ឋមន្ត្រីក្រសួងការបរទេស Antony Blinken , រដ្ឋមន្ត្រីក្រសួងការពារជាតិ Lloyd Austin , នាយកចារកម្មជាតិ Avril Haines ,ប្រធានសេនាធិការចម្រុះ ឧត្តមសេនីយ៍ Mark Milley , រដ្ឋមន្ត្រីក្រសួងមហាផ្ទៃ Alejandro Mayorkas ,អនុរដ្ឋមន្ត្រីក្រសួងរតនាគារ  Wally Adeyemo ,អនុរដ្ឋមន្ត្រីក្រសួងពាណិជ្ជកម្ម Don Graves ,និងឯកអគ្គរដ្ឋទូតរងនៃរដ្ឋបាលអង្គការ USAID , Isabel Coleman ។