មានទស្សនិកជនជាច្រើនបានដឹងរួចមកហើយ កាលពីថ្ងៃទី០២ ខែកុម្ភៈកន្លងទៅនេះ លោកវណ្ណដា និងលោកមេសាបានអញ្ជើញចូលរួមសម្តែងនៅក្នុងការប្រគំតន្រ្តីមួយហៅថា Zinvo x វណ្ណដា Party ដែលធ្វើឡើងនៅឯ Central X Club។ ខណៈនៅពេលដែលអ្នកទាំងពីរបានចូលរួមសម្តែងនោះផងដែរ លោកវណ្ណដា និងលោកមេសាបានធ្វើការរួមគ្នាសម្តែង Collab បទថ្មីរបស់ពួកគេនៅលើឆាកតន្រ្តីនោះផងដែរ ដែលធ្វើអោយផ្ទុះឡើងការចែករំលែកមួយចំនួនទាំងនៅលើបណ្តាញសង្គម Tik Tok និងបណ្តាញសង្គមយូធូប។ កាលពីពេលថ្មីៗនេះផងដែរ បទថ្មីរបស់ពួកគេ ដែលមានចំណងជើងថា«ដូចមេ»នេះ កំពុងត្រូវបានលោកវណ្ណដាលាតត្រដាងកាលពីម្សិលមិញ ថាពួកគេនឹងត្រូវចេញផ្សាយនៅក្នុងថ្ងៃទី២២ ខែកុម្ភៈខាងមុខនេះហើយ។ 

គួរបញ្ជាក់ផងដែរថា លោកមេសាក៏ជារ៉េបផ័រមួយរូបដែរ ដែលមាននិម្មិតសម្គាល់នូវពាក្យ«420»​​​ ដែលដូចគ្នានឹងលោកយូហៃ និងលោក Zoombie ផងដែរនៅក្នុងបទចម្រៀងចុងក្រោយមួយរបស់លោក។ តើអត្ថន័យនៃលេខ«420» នេះមានន័យដូចម្តេចសំរាប់ពួកគេ?ទស្សនិកជនណាបានដឹង ​​​កុំភ្លេចប្រាប់អេដមីនផង! ចំណែកឯទស្សនិកជនដែលបានស្តាប់បទ«ដូចមេ» របស់លោកមេសាហើយ កុំភ្លេចប្រាប់អេដមីនផង តើអ្នកទាំងអស់គ្នាយល់ឃើញយ៉ាងណាដែរ? និងកុំភ្លេចទស្សនាវិដេអូពេញចេញជាផ្លូវការនៅថ្ងៃទី២២ ខែកុម្ភៈ​​​ ម៉ោង៦ល្ងាចខាងមុខនេះ។