ការប្រគំតន្រ្តី Passion The Album របស់លោកជីដេវីតនឹងដំណើរការឆាប់ៗនៅថ្ងៃទី២៩ ខែតុលាខាងមុខនេះហើយនៅឯអគារពាណិជ្ជកម្ម Elysee កោះពេជ្រចាប់ពីវេលាម៉ោង៤រសៀលតទៅ! ចំណែកឯលោកជីដេវីតហាក់ដូចជាបានត្រៀមខ្លួនរួចរាល់រួចជាស្រេចសំរាប់ការសម្តែងដែលនឹងមកដល់ឆាប់ៗដោយលោកបានបង្ហាញរូបភាពជាច្រើនសន្លឹកនៅខាងមុខឆាកតន្រ្តីធំដ៏អស្ចារ្យជាមួយស្នាមញញឹមដ៏ជឿជាក់របស់លោកនៅលើបណ្តាញសង្គមហ្វេសប៊ុក។ ជាមួយគ្នានេះផងដែរ បន្ថែមតៅលើនេះក្រុមហ៊ុន Sting ក៏បានប្រកាសស្វែងរកអ្នកគាំទ្ររបស់លោកជីដេវីតចំនួន១០នាក់មកចូលរួមទស្សនាការសម្តែងហាត់សមឆាកមុននៅក្នុងមួយថ្ងៃមុននៃការប្រគំតន្រ្តីផងដែរដោយពួកគេត្រូវបានជ្រើសរើសចេញពីការចូលរួមលេងហ្គេមខមមែនបទចំរៀងរបស់លោកជីដេវីតនៅលើផេក។ ទាក់ទងនឹងឈ្មោះបទចម្រៀង កាលពីពេលថ្មីៗនេះផងដែរលោកជីដេវីតក៏បានបង្ហាញតារាង Tracklist ឈ្មោះបទចំរៀងរបស់លោកដែលនឹងសម្តែងនៅក្នុងការប្រគំតន្រ្តីខាងមុខនេះដែលសម្រិតសម្រាំងចេញពីក្នុងអាល់ប៊ុមផាសិន​​​ និងខ្លះទៀតត្រូវបានដកស្រង់ចេញពីបទល្បីៗរបស់លោក។ ដោយនៅក្នុងនោះមានដូចជាបទGoblin, My Brother, Once Upon a Time, Anh Thunh Nas, Broken Promises, Fxxk With Me, How About Now, Body, ជីវិតខ្ញុំ, Dead Inside, ចុមអានេះអត់ដេក, Mamacita, Live Fast Die Young, How About Now(Remix អាចាតែថេះ), មោទនភាពនឹងស្រីបោក, No Smoke, រាំពាក់ម៉ាស់​​​ និងញីកែងជើង។