កាលពីយប់ថ្ងៃទី៤ ខែកក្កដាកន្លងទៅនេះ សមាជិកក្រុម La Cima Cartel ដែលមានមន្តស្នេហ៍ជា Play Boy ជាប់ចិត្ត លោក Meezy24 បានបង្ហើបឡើងនូវបទចម្រៀងថ្មីមួយរបស់លោកតាមរយៈការបង្ហោះជា Clip Audio ខ្លីនៅលើគណនីហ្វេសប៊ុកផ្លូវការដែលមានឈ្មោះថា Meezy Mezz និងនៅលើ Story គណនី Tik Tok របស់លោកដែលមានឈ្មោះថា Golden Boy។
សង្កេតឃើញផងដែរថា ភ្ជាប់ជាមួយនឹង Clip Audio ចម្រៀងនៅលើហ្វេសប៊ុកនោះ លោក Meezy24k ក៏បានសរសេរឡើងនូវអត្ថន័យខ្លឹមសារតាមប៉ារ៉ូលចំរៀងថា «បើជាទេសភាព បងប្រៀបអូនដូចជាថ្ងៃលិច» ហាក់ដូចជាបានលាតត្រដាងពីមនោសញ្ចេតនាយ៉ាងកប់ជ្រៅនិងរ៉ូមែនទិចរបស់លោក ដែលធ្វើអោយបណ្តាអ្នកគាំទ្រស្រីៗកាន់តែពេញចិត្តបទចម្រៀងនោះជាខ្លាំង។
យ៉ាងណាមិញ លោក Meezy24k ដែលមានរហ័សនាមជា Golden Boy ក៏បានភ្ជាប់ឡើងជាមួយនឹង Link ចូលទៅកាន់គណនី Tik Tok របស់លោកផងដែរ ដែលមានបង្ហោះឡើងនូវវិដេអូចម្រៀងនេះកាលពីមួយសប្តាហ៍មុននៅក្នុងថ្ងៃកំណើតរបស់លោក តែត្រូវបានកែច្នៃសំលេងច្រៀងយ៉ាងប្លែកមួយ។
ទោះបីជាយ៉ាងណាក៏ដោយ យើងនៅមិនទាន់បានដឹងនៅឡើយទេ ថាបទចម្រៀងមួយនេះមានចំណងជើងអ្វី ហើយគ្រោងនឹងចេញផ្សាយនៅពេលណានោះទេ។ ប៉ុន្តែផ្អែកតាមរយៈការបង្ហោះ Story នៅលើ Clip Audio ចំរៀងនោះ លោក Meezy24k បានសរសេរឡើងថា «កំពុងផលិត» ដែលហាក់បង្ហាញពីដំណើរការផលិតនៅឡើយ។ តើទស្សនិកជនយល់ឃើញយ៉ាងណាដែរ?
