ម្ចាស់បទរួមគ្នា«សុំចូលបេះដូង»កាលពីឆ្នាំ២០២១របស់លោកVan Chesda និង Meezy បានត្រលប់មកបញ្ចេញបទចម្រៀងថ្មីរបស់ពួកគេហើយតាមរយៈអាល់ប៊ុម BAD BOi និងបទស៊ូតសេដ។ ដោយលោក Van Chesda បានទំលាក់អាល់ប៊ុមរបស់លោកមុនកាលកំឡុងខែវិច្ឆិកាកន្លងទៅនេះ ដោយមិនចោលស្ទីលចាស់របស់លោកជាសេដប៊យអាជីពនោះទេ ខណៈពេលដែលលោក Meezy ក៏តាមពីក្រោយដោយទំលាក់នូវបទចម្រៀងមួយបទចំណងជើង«ស៊ូតសេដ» យ៉ាងស្ទាវតែម្តង ជាមួយនឹងការបង្ហាញអវតាព្រះម្យ៉ាងដែលគ្រប់គ្នាស្គាល់ថាឈ្មោះ«ស៊ូត»។ អ្វីដែលគួរអោយចាប់អារម្មណ៍ថែមទៀតផងនោះ នៅក្នុងបទចម្រៀង«ស៊ូតសេដ»របស់លោក Meezy ទៀតនោះក៏បាន Mention ឈ្មោះដៃគូចម្រៀងចាស់របស់លោកនៅក្នុងបទចម្រៀងថែមទៀតដោយហៅកាត់ថា VCD ត្រង់ប៉ារ៉ូលចម្រៀងថា«ពីមុនផូរផង់ឥលូវ pain អូននិយាយលេងឥលូវមែនទឹកចិត្តដែលខំស្មោះអោយទៅអូនអស់ទុកវាដូចជារបស់លេង VCD (Van Chesda) ឈឺបេះដូងខាងឆ្វេង យកបេះដូង me មកទាត់លេង ពេលនេះ so sad ចង់ផឹកដល់ព្រឹកឯងនៅឯណា bank»។ ចម្រៀងរបស់លោកនេះហាក់ដូចជាបបួលមិត្តរបស់លោកមកឈឺចាប់ជាមួយគ្នាអ៊ីចឹង ដែលមិនខុសពីបទមុនៗរបស់ពួកគេទាំងពីរនាក់ទេដែលជាបុរសខូចចិត្តអាជីព។ គួរបញ្ជាក់ផងដែរលោក Meezy គឺជាតារាចម្រៀងម្នាក់ប្រចាំក្រុមសមាជិកក្រុម La Cima Cartel ហើយបទចម្រៀងមួយនេះផងដែរទើបតែបានចេញផ្សាយកាលពីថ្ងៃទី០៧ ខែធ្នូ កន្លងមកថ្មីៗនេះទេ។