កាលពីថ្ងៃទី១០ ខែមេសាកន្លងទៅនេះ លោក Meezy24k នៃក្រុម La Cima Cartel បានធ្វើការបញ្ចេញបទចំរៀងថ្មីចំនួនពីរបទជាលក្ខណៈ Official Visualizer ពីក្នុងអាល់ប៊ុមទី៣ Cartel Meeting Vol3.ដែលមានចំណងជើងថា «អូនសីតា» និង«មួយខ្សឺត» នៅលើឆាណែលយូធូបផ្លូវការរបស់ក្រុម La Cima Cartel។ គួរបញ្ជាក់ផងដែរថាកាលពីពេលថ្មីៗនេះ លោក Meezy24k ក៏ទើបតែបានបញ្ចេញបទចម្រៀងរួមគ្នាជាមួយនឹងក្រុមរបស់លោកផងដែរ ដែលជាបទដំបូងគេពីក្នុងអាល់ប៊ុម Cartel Meeting Vol3.នេះ មានចំណងជើងថា«ធ្មេញមាស» កាលពីថ្ងៃទី២៣ ខែមីនាកន្លងទៅនេះ និងត្រូវបានជាប់ចំណាត់ថ្នាក់ Trending នៅលើតារាងយូធូបកម្ពុជារយៈពេល២សប្តាហ៍ទៀតផង។ មិនតែប៉ុណ្ណោះបទចម្រៀងមួយនេះក៏ត្រូវបានទស្សនាវដ្តី HipHopDX Asia ចុះផ្សាយនៅលើទំព័រហ្វេសប៊ុករបស់ខ្លួនឡើងថា«Cambodian Rappers YCN Tomie, All3rgy, YCN Dizzy, Hasha, Meezy24k & YCN Rakhie of La Cima Cartel team up for “ធ្មេញមាស”»។ យ៉ាងណាមិញផងដែរ នៅលើអាល់ប៊ុមចំរៀង

ទាំងមូលរបស់ក្រុម La Cima Cartel ក៏ទើបបានតែចេញផ្សាយជាផ្លូវការកាលពីម្សិលមិញនេះទេ ដែលមានសរុបទាំងអស់ចំនួន៧បទ រួមមាន«ណយអឿយ» «ស្រាមួយកែវ» «អូនសីតា» «មួយខ្សឺត»​​​ «កំរ» «១០» និង«ធ្មេញមាស» នេះឯង។ នៅលើទាំងពីរបទរបស់លោក Meezy24k ដែលមានបទ«អូនសីតា» គឺជាការបកស្រាយរួមគ្នារបស់លោកជាមួយនឹងលោក Hasha និងបទ«មួយខ្សឺត»វិញគឺជាការបកស្រាយរបស់លោករួមគ្នាជាមួយនឹងលោក All3rgy និងលោក YCN Dizzy។ តើទស្សនិកជនពេញចិត្តទាំងពីរបទនេះរបស់លោក Meezy24k កំរិតណា? តោះខមមែនប្រាប់អេដមីនម្នាក់មួយផងណា!