សមាជិក Top Hip Hop Group La Cima Cartel មួយរូបទៀតហើយ លោក Meezy24k ទើបតែបានបង្ហើបបទថ្មីរបស់លោកខ្លះៗនៅលើបណ្តាញទំនាក់ទំនងសង្គមហ្វេសប៊ុក។ គួររំលឹកផងដែរថា កាលពីពេលមុននេះបន្តិច សមាជិក២រូបនៃក្រុមចំរៀងមួយនេះ ទើបតែបានបង្ហើបបទថ្មីរបស់ពួកគេខ្លះៗរួចមកហើយនោះទេ ដែលជាការបកស្រាយរួមគ្នារបស់លោកមុតភារិន និងលោក Allergy។ 

យ៉ាងណាមិញផងដែរកាលពីយប់ថ្ងៃទី២៩ ខែសីហាកន្លងទៅនេះ លោក Meezy24k ដែលជាសមាជិកមួយរូបទៀតរបស់ក្រុម La Cima Cartel ដែលប្រើគណនី Meezy Mezz ក៏បានធ្វើការចែករំលែក និងបង្ហើបបទថ្មីមួយបទរបស់លោកផងដែរ។ គួរបញ្ជាក់ផងដែរថានេះគឺជាបទថ្មីទី២​​​របស់លោកហើយដែលបានបង្ហើបឡើងនៅលើហ្វេសប៊ុក បន្ទាប់ពីការបង្ហើបបទថ្មីទី១របស់លោកនៅមិនទាន់បានចេញផ្សាយជាផ្លូវការនៅឡើយ។​​​ ជាមួយនឹងបទថ្មីទី២នេះ លោក Meezy បានប្រើឡើងអមជាមួយនឹងខេបសិនថា«You used to call me on my cellphone» និងចាប់អារម្មណ៍ឃើញថាជាប្រភេទបទមនោសញ្ចេតនាយ៉ាង Sad MoodieVibe តែម្តង។ 

ចំណែកសមាជិករួមក្រុមរបស់លោកផ្សេងទៀតដូចជា លោក Tomie  និងលោក Hashaក៏បានធ្វើការចែករំលែកបទនោះដោយផ្ទាល់នៅលើគណនីហ្វេសប៊ុករបស់លោក។កត់សម្គាល់ឃើញថាថ្វីបើមានការបង្ហើបបទថ្មីជារឿយៗពីក្រុម La Cima Cartel ប៉ុន្តែក្រុម La Cima Cartel តែងតែបញ្ចេញបទចម្រៀងរបស់ពួកគេលុះត្រាណាតែបញ្ចប់ជា Albumតែម្តង។ គួររំលឹកផងដែរថាកាលពីថ្ងៃទី១៩ ខែសីហាកន្លងទៅនេះ ក្រុម La Cima Cartel ទើបតែបានចូលរួមសម្តែងនៅក្នុងកម្មវិធីសម្ពោធជាផ្លូវការនូវទីលានប្រណាំងឡាន Multi-level Indoor Go-Kart នៅឯ Neo Game Oasis ក្នុងផ្សារទំនើប ជីបម៉ុង២៧១​​​ មេហ្គាម៉ល។