CG Movement ដែលជា Hip Hop Record Label ដ៏ធំមួយប្រចាំប្រទេសកម្ពុជាបាន Come back ជាមួយបទចំរៀងថ្មីបន្ទាប់ពីបែកគ្នាមួយរយៈ ដែលបទចំរៀងនោះមានចំណងជើងថា«កាលុងឃុង» ជាការបកស្រាយរួមគ្នារវាងលោក MC Seyនិង Kingchi។ 
បទចំរៀងមួយនេះដែរត្រូវបានចេញផ្សាយនៅក្នុងថ្ងៃទី១៩ ខែសីហាកន្លងទៅនេះ និងមានចំនួនអ្នកចូលទស្សនារហូតទៅដល់ 1.2លានដងត្រឹមរយៈពេល២សប្តាហ៍ប៉ុណ្ណោះ។ លោក MC Sey បានបញ្ជាក់ថាបទចំរៀងមួយនេះលោកបានសំរេចវាយកមកហើយ 
ប៉ុន្តែនៅមិនទាន់អាចចេញបានភ្លាម ហើយក៏សូមអរគុណសំរាប់ការរង់ចាំផងដែរ។ បទរបស់លោក MC Sey សុទ្ធតែទទួលបានសន្ទុះការគាំទ្រជាច្រើនដូចជាបទមុនៗរបស់លោករួមមាន អាម៉ាក មកពីព្រៃ  Loyalty ឈាមរាវ ចិញ្ចើមចង Young Boy ធនញ្ជ័យ
ជាដើម។

ចំនែកឯបទ«កាលុងឃុង»នេះផងដែរជាបទដែលរង់ចាំដោយមានន័យ ព្រោះនៅពេលចេញភ្លាមទទួលបានការចាប់អារម្មណ៍ជាច្រើនពីសំណាក់អ្នកលេងនៅលើបណ្តាញសង្គម Tik Tok។ សិល្បករនៅក្នុង CG Movement សុទ្ធតែមានស្ទាយល៍ចំរៀងប្លែកៗរបស់ខ្លួន ដែលអាចងាយទាក់ទាញចំណាប់អារម្មណ៍ពីទស្សនិកជនបាន។ គួរអោយចាប់អារម្មណ៍ផងដែរកាលពី២ឆ្នាំកន្លងទៅ CG Movement បានធ្វើអោយផ្ទុះកក្រើកបទចំរៀងមួយបទចំណងជើងថា«បទឆ្វេង CG Side» របស់លោក Seav Jks ដែលមានការចូលរួមថតសម្តែងទាំងអស់ពីក្រុមសិល្បកររ៉េបនៅក្នុង CG Movement។ សំរាប់ឯបទចំរៀង«កាលុងឃុង»នេះផងដែរ លោក MC Sey ក៏មិនចោលស្ទាយល៍ផ្ទាល់ខ្លួនរបស់លោកក្នុងការរ៉េប ដែលធ្វើអោយបទចំរៀងទាំងមូលមានភាព Gang Gang គួរអោយចាប់អារម្មណ៍មែនទែន។