កាលពីថ្ងៃទី៤ ខែមេសាកន្លងទៅនេះ លោក MC Sey បានធ្វើការទំលាក់បទរួមគ្នាសាជាថ្មីជាមួយនឹងលោក KingChi ក្រោមចំណងជើងថា«កាលនៅរៀន» នៅលើកម្មវិធីបណ្តាញសង្គមនានា រួមទាំងកម្មវិធីចាក់ចំរៀង Pleng ផងដែរ។ បទចំរៀងនេះផងដែរត្រូវបានចេញផ្សាយ Premiered ឡើងកាលពីម៉ោង៨យប់នៅលើឆាណែលយូធូបផ្លូវការរបស់ក្រុម CG Movement ដោយមកទល់ពេលនេះត្រឹមរយៈពេល១២ម៉ោងប៉ុណ្ណោះ មានចំនួនអ្នកចូលទស្សនាលើសពី៧មឺុនដងទៅហើយ។ គួររំលឹកផងដែរថា លោក MC Sey និងលោក KingChi គឺជាអតីតដៃគូចំរៀងរួមគ្នានៅលើបទដ៏ល្បីកក្រើករបស់លោកមានចំណងជើងថា«កាលុងឃុង» ដែលបានចេញផ្សាយកាលពីខែសីហា ឆ្នាំ២០២២កន្លងទៅនេះ។ កាលពីថ្ងៃទី១៨ ខែមីនាកន្លងទៅនេះ បទចំរៀងមួយបទនេះរបស់ពួកគេក៏ទទួលបានពានរង្វាន់ផ្នែក«បទចម្រៀងរួមគ្នាប្រចាំឆ្នាំ» នៅក្នុងកម្មវិធី Pleng Music Awards ផងដែរ។ ចំណែកកាលពីពេលថ្មីៗនេះ អ្នកទាំងពីររួមទាំងលោក 1NE ក៏ទើបតែបានចូលរួមសម្តែងនៅក្នុងការប្រគំតន្រ្តីបុណ្យភូមិមានជើងនៅក្នុងថ្ងៃទី១ នៃសប្តាហ៍ទី១ផងដែរ។ បន្ទាប់ពីដំណើរការកម្មវិធីរបស់ពួកគេរួចរាល់ លោក Mc Sey ក៏បានធ្វើការទំលាក់បទមួយនេះឡើង ដោយអមនូវសារមួយចំនួននៅមុននៃថ្ងៃចេញផ្សាយ។ ភ្ជាប់ជាមួយរូបភាពមួយសន្លឹករួមគ្នាជាមួយនឹងលោក 4t5 និងលោកធឿន ធារ៉ា កាលពីថ្ងៃទី៣០ ខែមីនាកន្លងទៅនេះ លោកបានសរសេរខេបសិនដោយបង្ហើបប៉ារ៉ូលចំរៀងឡើងថា«នេះគឺឈាមខ្មែរពិត មិនមែនទឹកសារូ»។ ជាងនេះទៅទៀតនេះតាមរយៈបទនេះផងដែរសង្កេតឃើញមានការចូលរួមសហការពីសិល្បករគួរអោយកត់សម្គាល់មួយចំនួនដូចជា Beat Produce ដោយលោក M-Fatt និងលោក Vito និងមានBeat ត្រូវគ្នានឹងបរិយាកាសបុណ្យចូលឆ្នាំទៀតនៅប្រហែលជាពាក់កណ្តាលនៃបទចម្រៀង។ គួរបញ្ជាក់ផងដែរថាមកទល់ពេលនេះឆាណែលយូធូបផ្លូវការរបស់ក្រុម CGMovementមានចំនួន Subscribers១លាននាក់ជាងហើយរាប់ចាប់តាំងពីការបង្កើតនៅក្នុងឆ្នាំ២០១១មក។ តើទស្សនិកជនបានស្តាប់បទថ្មីរបស់ពួកគេហើយរឺនៅ?
