ត្រឹមរយៈពេលមួយខែគត់ នៅថ្ងៃទី២៧ដដែលនៃខែថ្មី លោក MC Bull អ្នកចម្រៀងរ៉េបផ័រប្រចាំប្រទេសកម្ពុជា និងជាទូតសុឆន្ទៈនៃក្រុមហ៊ុមអនឡាញហ្គេម FAFA 800ផងនោះ បានធ្វើការទម្លាក់បទចម្រៀងថ្មីរបស់លោកដែលមានចំណងជើងថា«ម៉េចចឹង»នៅចុងខែមករានេះ និងត្រឹមតែរយៈពេល៣ថ្ងៃប៉ុណ្ណោះបទចម្រៀងមួយនេះក៏ទទួលបានការគាំទ្រមិនធម្មតា និងក្លាយទៅបទជាប់ Trendingចំណាត់ថ្នាក់ទី១២ នៅលើតារាងយូធូបកម្ពុជា។ នៅលើបទចម្រៀងនេះដែរ លោក MCBull បានសរសេរខេបសិនឡើងនៅលើការបង្ហោះរបស់លោកនៅលើបណ្តាញសង្គមថា««ម៉េចអ៊ីចឹងបង? លេងគេបាន ពេលគេលេងវិញ ម៉េចបានជាក៏ខឹងបង» ដែលជាអត្ថន័យសង្កត់ធ្ងន់ស៊កសៀតនៅលើបទចម្រៀងទាំងមូលនេះរបស់លោក។
មានសាធារណជនជាច្រើននិយាយឡើងថា MC Bull បានប្រើសំលេងទាបបន្តិចទៅលើបទចម្រៀងមួយនេះ បើលោកប្រើសំលេងខ្លាំងនិងធ្ងន់ជាងនេះនឹងធ្វើអោយបទចម្រៀងមួយនេះកាន់តែពិរោះ។ ប៉ុន្តែនេះប្រហែលជាចេតនាផ្លាស់ប្តូរស្ទាយល៍ច្រៀងរបស់លោក MCBullហើយ។ ម្យ៉ាងវិញទៀតក៏មានមនុស្សមួយចំនួនទៀតពេញចិត្តនូវសំលេងរបស់លោកនៅក្នុងបទចម្រៀងប្រភេទគុណខ្មែរ។
គួររំលឹកផងដែរទាក់ទងនឹងបទចម្រៀងគុណខ្មែរនេះ អាចវិលត្រលប់ទៅមើលចំនុចចាប់ផ្តើមនៃការសិល្បៈរបស់លោកបាន។ ថ្វីបើសាធារណជនជាច្រើនបានស្គាល់ពីភាពល្បីល្បាញរបស់លោក MC Bullរួចមកហើយ ប៉ុន្តែកិច្ចសម្ភាសន៍ស៊ីជំរៅអំពីជីវិតផ្ទាល់ខ្លួនរបស់លោកក៏ទើបតែមានលាតត្រដាងជាផ្លូវការនៅដើមឆ្នាំ២០២៣នេះទេនៅក្នុងថ្ងៃទី២៤ ខែមករាកន្លងទៅនេះ។ ជាក់ស្តែងនៅក្នុងកិច្ចសម្ភាសន៍ Artist Stories នៅលើឆាណែលយូធូបផ្លូវការរបស់លោក MC Bull នេះផ្ទាល់ រូបលោកបានរៀបរាប់ប្រាប់ពីដំណើរការងារសិល្បៈរបស់លោកដែលមានចាប់តាំងពីឆ្នាំ២០១១ នោះមក នឹងអ្វីដែលគួរអោយកត់សម្គាល់មួយផងដែរ បទចម្រៀងដំបូងរបស់លោកពីរបទដែលបានចេញផ្សាយនៅក្នុងឆ្នាំ២០១៣ គឺបទ«សិល្បៈគុណខ្មែរ» នេះ និងបទ«ជីវិតពិត»។
