បន្ទាប់ពីខ្សែភាពយន្ត Avengers: Endgame (ក្នុងឆ្នាំ២០១៩) នៅក្នុងសាច់រឿងមានសោកនាដកម្មដែលមិននឹកស្មានដល់បានបង្ខំឱ្យ Eternals មនុស្សក្រៅភពបុរាណដែលបានរស់នៅលើផែនដីដោយអាថ៌កំបាំងរាប់ពាន់ឆ្នាំចេញពីការលាក់ខ្លួន ដើម្បីជួបជុំគ្នាប្រឆាំងនឹងសត្រូវបុរាណរបស់មនុស្សគឺ Deviants ។

យើងធ្លាប់បានស្គាល់ខ្សែភាពយន្ត Avengers និង Guardians of the Galaxy តែឥឡូវនេះយើងថែមទាំងស្គាល់ខ្សែភាពយន្ត Ten Rings ទៀតផង។ ប៉ុន្តែក្រុមវីរបុរសចុងក្រោយរបស់ Marvel ដែលធំជាងក្រុមទាំងអស់ដែលបានបញ្ចូលគ្នានោះគឺ Eternals។

អ្នកដឹកនាំរឿងដែលឈ្នះពានរង្វាន់អូស្ការ កញ្ញា Chloé Zhao នឹងនាំយកខ្សែភាពយន្ត Eternals មកបញ្ចាំងនៅរោងភាពយន្ត និង Marvel Cinematic Universe នៅថ្ងៃទី៥ ខែវិច្ឆិកា ខាងមុខនេះ។ វានិយាយពីរឿងរ៉ាវនៃក្រុមមនុស្សផ្សេងៗគ្នាដែលបានការពារផែនដីរាប់ពាន់ឆ្នាំជាយូរមកហើយ តាំងពីមិនទាន់មានតួអង្គ Tony Stark, Peter Quill ឬ អាណាចក្រ Wakanda ។ ទោះយ៉ាងណាក៏ដោយ ពេលនេះពួកគេត្រូវបង្ខំឱ្យមកការពារផែនដីម្តងទៀតនៅពេលសត្រូវរបស់ពួកគេ Deviants ត្រឡប់មកម្តងហើយម្តងទៀត។ នៅក្នុងបទសម្ភាសន៍ជាមួយក្រុមហ៊ុនលក់សំបុត្រភាពយន្ត Fandago កញ្ញា Zhao បានបញ្ជាក់ពីរឿង Eternals ដែលមានរយៈពេលតិចជាង ៣ម៉ោង និងមានឈុតឆាកបញ្ចប់ដែលទាក់ទងនឹងខ្សែភាពយន្តពីរទៀត។ “កុំរង់ចាំតែខ្សែភាពយន្តបន្តទីមួយ - ចាំខ្សែភាពយន្តបន្តទី២ តែម្តងទៅ។ ខ្សែភាពយន្តពីរទៀតនេះ នឹងមានភាពសំខាន់ដូចគ្នា ហើយទាំងពីរមានការភ្ញាក់ផ្អើលយ៉ាងខ្លាំងចំពោះអ្នក” នេះជាការលើកឡើងរបស់នាង។

ដូច្នេះតើអ្នកណាជាក្រុម Eternals? មែនហើយ Mavel បានចេញនូវផ្ទាំងរូបភាពរបស់តួអង្គក្នុងខ្សែភាពយន្ត ដើម្បីឱ្យអ្នកទស្សនាបានស្គាល់ជាមុន ដូច្នេះ តោះពិនិត្យមើលទាំងអស់គ្នា។

Gemma Chan សម្តែងជាតួអង្គ Sersi

Sersi គឺជាអ្នកដឹកនាំភាពយន្តម្នាក់ដែលពិពណ៌នាថាជាមនុស្សស្រឡាញ់មនុស្សជាតិ។ ចំពោះកញ្ញា Chan ធ្លាប់បានបង្ហាញខ្លួននៅក្នុង MCU ជា Minn-Erva ក្នុងរឿង Captain Marvel ម្តងរួចទៅហើយ ប៉ុន្តែយើងជឿថា ទស្សនិកជននឹងភ្លេចថា នាងធ្លាប់បានសម្តែងក្នុងរឿង Captain Marvel ព្រោះតែការសម្តែងនៅក្នុងរឿងថ្មីនេះ។

Richard Madden សម្តែងជាតួអង្គ Ikaris

តួអង្គ Ikaris បានមានទំនាក់ទំនងស្នេហាជាមួយ តួអង្គSersi ទោះបីជាវាមិនជារឿងងាយស្រួលក្នុងការរក្សាទំនាក់ទំនងនេះជាច្រើនសតវត្សក៏ដោយ។ Richard Madden ត្រូវបានគេស្គាល់ច្បាស់ដោយសារការសម្តែងរបស់គាត់ក្នុងតួអង្គជាស្តេចនៅភាគខាងជើង​ Robb Stark នៅក្នុងរឿង Game of Thrones ។​

Angelina Jolie សម្តែងជាតួអង្គ Thena

ម្ចាស់ពានរង្វាន់អូស្ការ Angelina Jolie ពិតជាមិនត្រូវការការណែនាំច្រើនទេ ហើយបានជ្រើសរើសចូលរួមក្នុង Marvel Cinematic Universe ជាតួអង្គ Thena ក៏គួរតែប្រាប់អ្នកនូវអ្វីគ្រប់យ៉ាងដែលអ្នកត្រូវដឹងអំពីចរិតលក្ខណៈរបស់តួអង្គបានហើយ។ នាងមានថាមពលខ្លាំងណាស់។

Kumail Nanjiani សម្តែងជាតួអង្គ Kingo

Kingo គឺជាតួនាទីរបស់លោក Kumail Nanjiani ដែលទទួលបានភាពល្បីល្បាញដោយសារតួអង្គរបស់លោកនៅក្នុងរឿង Silicon Valley។ អ្នកប្រហែលធ្លាប់បានឃើញរូបថតរបស់លោកពីមុនមក។ នៅក្នុងខ្សែភាពយន្ត គាត់គឺជាវីរបុរសដែលរស់នៅក្នុងនាមជាតារាភាពយន្តបូលីវូដដ៏ល្បីល្បាញ។

Salma Hayek សម្តែងជាតួអង្គ Ajak

Ajak គឺជាមេដឹកនាំនៃក្រុម Eternals ដែលមានន័យថានាងប្រហែលជាឆ្លាតបំផុតនិងមានអំណាចបំផុត។ អ្នកនាង Hayek ក៏ដូចជា Angelina Jolie ដែរ ដែលមិនត្រូវការការណែនាំច្រើនទេ ប៉ុន្តែនាងពិតជារំភើបដែលបានសម្តែងក្នុងខ្សែភាពយន្តនេះ។ នាងបានប្រាប់ io9 កាលពីឆ្នាំមុនថា “ខ្សែភាពយន្តនេះ នឹងធ្វើឱ្យអ្នកទស្សនាមានអារម្មណ៍ថា ខុសប្លែកជាងអ្វីៗទាំងអស់ដែលអ្នកធ្លាប់បានឃើញនៅក្នុង Marvel Universe” ។

Lia McHugh សម្តែងជាតួអង្គ Sprite

Sprite អាចមើលទៅដូចជាកូនក្មេង ប៉ុន្តែនាងគឺនៅក្នុងក្រុម Eternals ដូចអ្នកដទៃទៀតផងដែរ។ មានការពិពណ៌នាតួអង្គនេះថា “មានវ័យក្មេងរហូត​ តែមានអត្តចរិកជាមនុស្សចាស់” នាងត្រូវបានសម្តែងដោយ Lia McHugh ដែលធ្លាប់បានលេចមុខក្នុងរឿង The Lodge ឆ្នាំ ២០១៩ ។

Bryan Tyree Henry សម្តែងជាតួអង្គ Phastos

អ្នកណាដែលធ្លាប់បានមើលរឿង Atlanta ប្រហែលជាគិតដូចគ្នាថា “នេះគឺជា Paper Boi!” ខណៈពេលដែលលោក Tyree Henry ដើរតួជាអ្នករ៉េបដ៏ល្បីល្បាញម្នាក់នៅលើកម្មវិធី FX show ប៉ុន្តែតួអង្គ Phastos នឹងទទួលបានភាពល្បីល្បាញជាងនេះទៅទៀត។ លោកគឺជាតួអង្គទីមួយរបស់ Marvel ដែលសំខាន់បំផុត ព្រោះតួអង្គនេះបានបង្ហាញពីការស្រលាញ់ភេទដូចគ្នាដោយបើកចំហ ហើយអាចច្នៃប្រឌិតអ្វីៗដោយគំនិតរបស់គាត់។

Lauren Ridloff សម្តែងតួអង្គ Makkari

Lauren Ridloff ដែលត្រូវបានគេស្គាល់ច្បាស់ថាសម្តែងជា Connie ក្នុងរឿង The Walking Dead នៅពេលនេះត្រូវបានដើរតួជា Makkari ដែលជាវីរនារីដែលមានល្បឿនលឿន។ តួអង្គនេះក៏ជាវីរនារីគថ្លង់ដំបូងនៅក្នុង MCU ផងដែរ។

Barry Keoghan សម្តែងជាតួអង្គ Druig

Druig នឹងចូលក្នុងការគិតរបស់អ្នក ហើយធ្វើឱ្យអ្នកមានភាពច្របូកច្របល់មិនខាន។ ដោយតួអង្គនេះត្រូវបានសម្តែងដោយលោក Barry Keoghan ។ លោកបានស្ថិតនៅក្នុងខ្សែភាពយន្តជាច្រើន (Dunkirk, The Killing of a Sacred Deer, The Green Knight, The Batman) ហើយនៅពេលណាដែលគាត់បង្ហាញខ្លួន អ្នកច្បាស់ជាមានអារម្មណ៍ស្មុគស្មាញ។

Don Lee សម្តែងជាតួអង្គ Gilgamesh

Gilgamesh គឺជាសមាជិក Eternals ដែលខ្លាំងបំផុត ហើយក៏ជាតារាសម្តែងជាតួអង្គ ដុនលី ក្នុងរឿង រថភ្លើងទៅប៊ូសាន (Train to Busan’s Don Lee) ដែលសម្តែងបានល្អឥតខ្ចោះសម្រាប់រឿងនោះ។ គាត់មានប្រជាប្រិយភាពខ្លាំងនៅកូរ៉េខាងត្បូង ហើយនេះគឺជាការសម្តែងហូលីវូដដំបូងរបស់គាត់។

ក្នុងករណីដែលអ្នកខកខានមិនបានមើលផ្ទាំងរូបភាព (Poster) នីមួយៗ អ្នកអាចទស្សនានៅរោងភាពយន្តក្នុងថ្ងៃទី ៥ ខែវិច្ឆិកានេះ៕

Admin ថាយ៉ាងយូរ នៅស្រុកយើងប្រហែលដើមឆ្នាំក្រោយអាចបានទស្សនារឿងនេះ។ I can not wait to see this movie ^-^ a lot of my idols >o<