យោងតាម DB Business មូលហេតុដែលចម្បងគឺក្រុមហ៊ុនេះកំពុងប្រឈមនឹងការបាត់បង់អ្នកប្រើប្រាស់សកម្មប្រចាំខែ។ គេរំពឹងថានៅចុងឆ្នាំនេះ គណនីអ្នកប្រើប្រាស់របស់ Facebook នឹងមានប្រហែល ១៧៨,៣ លាន ដែលទាបជាងចំនួន ១.៤ លានកាលពីឆ្នាំមុន ហើយគួរឱ្យចាប់អារម្មណ៍ដែលអ្នកប្រើប្រាស់បាត់បង់ទាំងអស់ត្រូវបានគេរាយការណ៍ថាជាអ្នកដែលមានអាយុក្រោម ២៥ ឆ្នាំ ឬត្រូវបានគេស្គាល់ថា Gen Z ។

បន្ថែមពីនេះការបាត់បង់នៃចំនួនអ្នកប្រើប្រាស់គឺដោយសារតែការដាក់បម្រាមហាមប្រើប្រាស់ដោយប្រទេសមួយចំនួនដោយសារភ្លើងសង្គ្រាមដែលមានដូចជារុស្ស៊ីនិងអ៊ុយក្រែនជាដើម។ ទាំងនេះគឺជាមូលហេតុដែលបណ្តាលឲ្យFacebookនិងInstagramបាត់បង់ចំនួនអ្នកប្រើប្រាស់អស់មួយចំនួនធំ។ ហេតុផលមួយទៀតសម្រាប់ការធ្លាក់ចុះរបស់ facebook គឺជាសកម្មភាពដែល Apple កំពុងចាត់វិធានការប្រឆាំងនឹង facebook នាពេលថ្មីៗនេះ ជាពិសេសកម្មវិធីតាមដានកម្មវិធីរបស់Facebookដែលតម្រូវឱ្យកម្មវិធីសុំការអនុញ្ញាតពីអ្នកប្រើប្រាស់Apple មុនពេលFacebookអាចតាមដានពួកគេតាមកម្មវិធី និងគេហទំព័រផ្សេងទៀត។

ជាក់ស្តែងតាំងពីមានកម្មវិធីនេះមក Facebookមិនអាចតាមដានអ្នកប្រើប្រាស់ទៀតឡើយ ហើយការផ្លាស់ប្តូរដ៏សាមញ្ញមួយរបស់ Apple បានជះឥទ្ធិពលអវិជ្ជមានយ៉ាងខ្លាំងដល់អាជីវកម្មរបស់ facebook ដូចជាការផ្សាយពាណិជ្ជកម្មជាដើម Facebookមិនអាចធ្វើការផ្សព្វផ្សាយទៅកាន់អ្នកប្រើប្រាស់បានដោយសារពួកគេមិនអាចតាមដាននិងទាញយកព័ត៌មានពីអ្នកប្រើប្រាស់ប្រព័ន្ធហ្វេសបុកដូចមុនទៀតទេ។ យោងទៅតាមប្រធានផ្នែកហិរញ្ញវត្ថុរបស់ Facebook កាលពីដើមខែកុម្ភៈ ឆ្នាំ ២០២២ ក្រុមហ៊ុនហ្វេសបុកខាតបង់ប្រាក់ចំណូលយ៉ាងហោចណាស់ ១០ ពាន់លានដុល្លារក្នុងមួយឆ្នាំ។