Kyiv- 

មនុស្សជាច្រើនពាន់នាក់បានស្វែងរកការភៀសខ្លួនចេញពីទីក្រុងដែលត្រូវឡោមព័ទ្ធ Mariupol កាលពីថ្ងៃអង្គារ៍ ខណៈដែលរុស្សីបានកំទេចទីក្រុងជាមួយនឹងគ្រាប់បែក ហើយលោកអគ្គលេខាធិការអ.ស.ប. Antonio Gutierres បានអំពាវនាវទៅកាន់ទីក្រុងមូស្គូ ដើម្បីបញ្ចប់សង្រ្គាមដែលមិនអាចឈ្នះបាន។ កំពង់ផែយុទ្ធសាស្ត្រនៅសមុទ្ទខ្មៅបានរងគ្រោះដោយឥតស្រាកស្រាន ដោយគ្រាប់ផ្លោង ប៉ុន្តែមន្ត្រីអ៊ុយក្រែននិយាយថា មិនទាន់បានកាន់កាប់នៅឡើយទេ ខណៈដែលការឈ្លានពានរបស់រុស្សី បានចាប់ផ្តើមជិតមួយខែមកហើយ។

ប្រជាពលរដ្ឋដែលបានរៀបចំភៀសខ្លួនចេញពីក្រុង Mariupol បានពីពណ៌នាថា “វាដូចជាស្ថានរក ដែលពោរពេញទៅដោយសាកសព និងគំនរអគារបាក់បែក បើយោលទៅតាមក្រុមឃ្លាំមើលសិទ្ធមនុស្ស។ លោកប្រធានាធិបតីអ៊ុយក្រែន Volodymyr Zelensky បាននិយាយនៅក្នុងសុន្ទរកថា រៀងរាល់ល្ងាចជាប្រចាំថា មនុស្សមួយក្រុងដែលបានរត់ចេញតាមផ្លូវមនុស្សធម៌ ដែលបានព្រមព្រៀងគ្នា ត្រូវបានចាប់ខ្លួនដោយពួកឈ្លានពាន។ "មានប្រជាពលរដ្ឋប្រហែល១សែននាក់នៅក្នុងទីក្រុង ដែលរស់នៅក្នុងលក្ខ័ណមិនមែនជាមនុស្ស ស្ថិតនៅជាប់មិនអាចចេញទៅណាបាន គ្មានម្ហូបអាហារ ទឹក ថ្នាំសង្កូវ នៅក្រោមការផ្លោងជាប្រចាំ" លោកនិយាយ។

ខណៈដែលលោកប្រធានាធិបតី Joe-Biden បានរៀបចំចេញដំណើរទៅកាន់អឺរ៉ុបក្នុងសប្តាហ៍នេះ ដើម្បីដោះស្រាយវិបត្តិដែលនឹងអាចរីករាលដាលទៅជាទំនាស់ពិភពលោក, លោកអគ្គលេខាធិការអ.ស.ប. Antonio Gutierrez បានអំពាវនាវទៅកាន់រុស្សីឲ្យបញ្ចប់សង្រ្គាមដែលមិនសមហេតុផលនេះ។ ទោះបីជាទីក្រុង Mariupol ត្រូវបានធ្លាក់ទៅក្នុងកណ្តាប់ដៃកងទ័ពរុស្សីក៏ដោយ អ៊ុយក្រែននឹងបន្តការតស៊ូពីទីក្រុងមួយទៅទីក្រុងមួយ ពីផ្លូវមួយទៅផ្លូវមួយ ពីផ្ទះមួយទៅផ្ទះមួយ។

សង្រ្គាមនេះនឹងមិនអាចឈ្នះបានទេ មិនយូរមិនឆាប់ វានឹងត្រូវធ្វើដំណើរចេញពីសមរភូមិទៅដល់តុចរចាស្វែងរកសន្តិភាព ដែលមិនអាចប្រកែកបាន។ជាមួយនឹងការវាយលុករបស់រុស្សីបាននៅទ្រឹង លោកប្រធានាធិបតី Joe- Biden បានកំពុងពិចារណាថា លោកប្រធានាធិបតី Vladimir Putin កំពុងពិចារណាថា តើនឹងត្រូវប្រើអាវុធគីមី ឬជីវសាស្ត្រ៕