Manila-

លោកប្រធានាធិបតី Ferdinand Marcos jr. នឹងធ្វើដំណើរទៅកាន់ប្រទេសឥណ្ឌូណេស៊ីនិងសឹង្ហបុរីដែលជាការធ្វើទស្សនកិច្ចជាលើកទី១ទៅកាន់បរទេសក្នុងនាមជាមេដឹកនាំប្រទេសក្នុងខែកញ្ញា Malacariang បានប្រកាសកាលពីថ្ងៃសុក្រ។ Marcos នឹងស្ថិតនៅក្នុងប្រទេសឥណ្ឌូណេស៊ីពីថ្ងៃទី៤-៦ ខែកញ្ញានិងនៅក្នុងសឹង្ហបុរីពី ថ្ងៃទី៦ដល់ទី៧ ខែកញ្ញា រដ្ឋមន្ត្រីក្រសួងព័ត៌មាន Tricia Cruz Angela’s បាននិយាយ ក្នុងការរក្សារទុកជាមួយនឹងប្រពៃណីក្នុងចំណោមប្រធានាធិបតីហ្វីលីពីន ក្នុងការជ្រើសរើសប្រជាជាតិមួយក្នុងអាស៊ីអគ្នេយ៍ជាការធ្វើដំណើរលើកទី១ទៅកាន់បរទេស។

ឯកអគ្គរដ្ឋទូតហ្វីលីពីនប្រចាំទីក្រុងវ៉ាស៊ីនតោន Jose Manuel Romualdez បាននិយាយថាសឹង្ហបុរីត្រូវបានពិចារណា ពីព្រោះគេបានបន្តផងដែរនូវការអញ្ជើញសំរាប់ Marcos ដើម្បីធ្វើទស្សនកិច្ចជាផ្លូវរដ្ឋ។ ផែនការនៃការធ្វើទស្សនកិច្ចនឹងអនុវត្តិន៍នូវការធ្វើដំណើរដែលអាចធ្វើទៅបាន ទៅកាន់សហរដ្ឋអាមេរិក ក្នុងការទៅចូលរួមនៅក្នុងមហាសន្និបាត អ.ស.ប. Romualdez បាននិយាយ។ ប៉ុន្តែ Cruz Algeles បាននិយាយថាទស្សនកិច្ចរបស់ Marcos ទៅកាន់សហរដ្ឋអាមេរិក ស្ថិតនៅក្នុងការពិចារណា បើទោះបីលោកប្រធានាធិបតីបាននិយាយថាលោកនឹងធ្វើដំណើរទៅ។ ក្រសួងការបរទេស បានរៀបចំនូវកាលវិភាគសំរាប់ទស្សនកិច្ចរបស់ Marcos រួចរាល់ហើយ បើយោលទៅតាម Romualdez។

មហាសន្និបាតនៃអ.ស.ប.គឺជាអង្គការដែលរៀបចំគោលនយោបាយដ៏សំខាន់នៃអ.ស.ប.។ សេចក្តីសម្រេចដែលគេបានធ្វើគឺរួមបញ្ចូលទាំង ការតែងតាំងអគ្គលេខាធិការ ជ្រើសរើសសមាជិកដែលមិនអចិន្ត្រៃយ៍នៃក្រុមប្រឹក្សារសន្តិសុខនិងអនុមត្តិថវិការអ.ស.ប. បើយោលទៅតាមវ៉ែបសាយរបស់អ.ស.ប.។ ការជួបប្រជុំនៃមហាសន្និបាតគឺជាការប្រជុំជាប្រក្រតីពីខែកញ្ញាដល់ខែវិច្ឆិកា ក្នុងឆ្នាំនិមួយៗ។ យើងបានបញ្ជាក់ ការចូលរួមនៅឯអ.ស.ប.ហើយើងក៏បានរៀបចំនូវកាលវិភាគរបស់លោកប្រធានាធិបតី ព្រោះលោកមានការអញ្ជើញដើម្បីឲ្យទៅធ្វើទស្សនកិច្ចនៅក្នុងប្រទេសជាច្រើន។

ទន្ទឹមគ្នានោះដែរ អនុរដ្ឋមន្ត្រីក្រសួងការបរទេស សហរដ្ឋអាមេរិក Wendy Sherman កាលពីពេលថ្មីៗនេះបានកត់សំគាល់ថា Marcos អាចធ្វើដំណើរទៅកាន់សហរដ្ឋអាមេរិកដោយគ្មានការចាប់ខ្លួននៅលើរឿងលុយ ៣៥៣លានដុល្លារសហរដ្ឋអាមេរិកក្នុងការប្រមាថនិងមិនគោរពតាមបទបញ្ជាតុលាការនោះទេ។ប្រមុខរដ្ឋនិមួយៗមានអភ័យឯកសិទ្ធិតាមផ្លូវច្បាប់នៃការទូត ដែលជារឿងមួយដ៏ច្បាស់លាស់នៅក្នុងបទបញ្ជានៃពិភពលោក ក្នុងការនិយាយស្តី ឬធ្វើដំណើរ ក្នុងនាមជាប្រមុខរដ្ឋនៃប្រទេស លុះត្រាណាតែបុគ្គលនោះជាមនុស្ស ដែប្រព្រឹត្តិនូវបទឧក្រឹដ្ឋ និងជាបុគ្គលដែលគេមិនទទួលស្គាល់៕