កាលពីថ្ងៃទី៦ ខែកុម្ភៈកន្លងទៅនេះ លោកម៉ានុតដែលជាអ្នកសហនិពន្ធមួយរូបនៅក្នុងស្នាដៃសៀវភៅរឿងដ៏ល្បីល្បាញ«ផ្ទះកណ្តាលបឹង» បានធ្វើការផ្សាយបទចម្រៀងថ្មីរបស់លោកពីក្នុងប្រលោមលោកបែបរូបភាពដែលមានចំណងជើងថា«តើមានអារម្មណ៍អ្វី» ផលិតឡើងដោយ SKKINNS។ គួរបញ្ជាក់ផងដែរបទចម្រៀងនេះក៏មានចំណងជើងដូចគ្នាទៅនឹងចំណងជើងនៃប្រលោមលោកបែបរូបភាពនេះផងដែរ និងទទួលបានចំណាប់អារម្មណ៍យ៉ាងខ្លាំងដែលមានចំនួនអ្នកចូលទស្សនារហូតទៅដល់ជាង៦ម៉ឺុននាក់ហើយនៅលើយូធូប និងជាប់ចំណាត់ថ្នាក់ Trending ទី៣០ នៅលើតារាងយូធូបកម្ពុជា។ 

កត់សម្គាល់ឃើញថាលោកនុតបានលើកឡើងទាក់ទងនឹងអត្ថន័យនៃសាច់រឿងបទចម្រៀងនេះថាបានយកចំណងជើងនៃបទនេះធ្វើជា concept នៃ video ដោយពួកយើងចង់បង្ហាញថាគ្មាននរណាអាចដឹងចម្លើយច្បាស់លាស់មួយដោយត្រឹមតែកាយវិការនោះទេហើយសំនួរថាតើមានអាម្មណ៍អ្វី ជាសំណួរធម្មតាៗតែយើងពិបាកនឹងសួរមនុស្សដែលយើងស្រលាញ់ ហើយពេលខ្លះយើងក៏ត្រូវសួរខ្លួនឯងដែរពីព្រោះការចង់បានវាមិនដូចពីការត្រូវការនោះទេ។ យ៉ាងណាមិញផងដែរគួររំលឹកផងថានេះគឺជាបទចម្រៀងទី២របស់លោកហើយពីក្នុងប្រលោមលោក ដោយបទចម្រៀងទី១របស់លោកគឺបទ«ការពិតដែលមិនបានប្រាប់» នៅក្នុងប្រលោមលោក«ផ្ទះកណ្តាលបឹងភាគ២»ផងដែរ ជាមួយនឹងអ្នកនាង Fiyata នូវបទ«មិនថាជាអ្វី» នៅក្នុងប្រលោមលោកតែមួយនេះ។ ចំណែកបទចម្រៀងផ្សេងៗទៀតរបស់លោកមានដូចជា«ដើម្បីអី?» «ចង់ដឹងណាស់» និង«ខ្ញុំពូកែពេលហើយ»។ ចុះទស្សនិកពេញចិត្តបទថ្មីរបស់លោកម៉ានុតដែររឺទេ? Let me know in your comment below!