កាលពីថ្ងៃទី៨ ខែសីហាកន្លងទៅនេះ តារាចំរៀងមួយរូបរួមទាំងមានអាជីពក្រៅជាអ្នកនិពន្ធឆ្នើមម្នាក់ផង លោកម៉ានីតបានសំរេចចិត្តបញ្ចេញ Trailer សៀវភៅរឿងថ្មីរបស់លោកដែលមាននៅលើហ្វេសប៊ុកផេករបស់លោក និងឆាណែលយូធូបរបស់លោកដែលមានឈ្មេាះថា Manith Jupiter។ នេះជា Trailer នៃរឿងផ្ទះកណ្តាលបឹងភាគ២ដែលនឹងចេញផ្សាយឆាប់ៗដោយរោងពុម្ពស្រលាញ់សៀវភៅក្នុងតំលៃ៦៦០០០រៀល។ យ៉ាងណាមិញនៅក្នុងTrailerនៃរឿងមួយនេះលោកម៉ានីតបានធ្វើការបញ្ជាក់ថាវាជាការផ្សាយចេញទៅគំរប់ខួប៥ឆ្នាំនៃសៀវភៅរឿងផ្ទះកណ្តាលបឹងដែលទទួលបានប្រជាប្រិយភាពខ្លាំងកាលពី៥ឆ្នាំមុន ហើយសៀវភៅមួយក្បាលនេះផងដែរជាចំណងដៃពិសេសមួយដែលមានបកស្រាយរាល់ចម្ងល់ទាំងឡាយបានបន្សល់ទុកនៅក្នុងសៀវភៅផ្ទះកណ្តាលបឹងភាគ១នេាះផងដែរ។ គួរបញ្ជាក់ផងដែរ រឿងផ្ទះកណ្តាលបឹងនេះចូលរួមសរសេរដោយអ្នកនិពន្ធ៣នាក់រួមមាន ម៉ានីត ម៉ូលីនណា និងម៉ុង ម៉ានុត។

ផ្អែកទៅតាម Trailer នៃរឿងដែលចូលរួមសម្តែងដោយកញ្ញាសាន កុសមៈ និងលោកខាត់វ៉ៃហាំង បានបង្ហាញផ្ទៃរឿងក្នុងរូបភាពអាថ៌កំបាំងមួយជុំវិញបញ្ហាពេលតួស្រីបានចូលទៅដល់វិមានមួយនៅកណ្តាលបឹង ដែលលេចលឺពត៌មានចចាមអារាមថាជាវិមានឃុំគ្រងដោយវិញ្ញាណខ្មៅងងឹតនៃការផិតក្បត់ ហើយនៅចំកណ្តាលបឹងនេាះជាទីកន្លែងដែលភពពីរអាចជួបគ្នាបាន ពេាលបានសេចក្តីថាព្រលឹងខ្មោចអាចរស់រានបានដូចជាមនុស្សលោក។ អ្នកគាំទ្ររឿងភាគរបស់លោកម៉ានីតបានសម្តែងមតិនៅក្រោម Trailer នេាះថាពួកគេពិតជាមិនអាចរង់ចាំអានសៀវភៅភាគ២នេាះបានទេ ហើយថែមទាំងចង់អោយរឿងមួយនេះក្លាយជាខ្សែភាពយន្តខ្លាំងណាស់។

អ្នកដែលធ្លាប់បានអានភាគ១រួច   ហើយក៏បានធ្វើការបញ្ចេញគាំទ្រខ្លាំងផងដែរនូវការត្រលប់មកវិញជាមួយស្នាដៃមួយទៀតនេះ ពួកគេសរសើរភាគ១ថាពិតជាល្អមើល ព្រមទាំងសរសេរស្នាដៃផលិតវិឌីអូTrailer រួមទាំងទេពកោសល្យរបស់កំពូលតារាដែលបានចូលរួមសម្តែង។ យ៉ាងណាផងដែរ យើងទាំងអស់គ្នានៅមិនទាន់អាចដឹងបានទេថាលោកម៉ានិតមានគំរោងបង្កើតវាទៅជាខ្សែភាគយន្តរឺអត់ វាត្រូវការរយៈពេលយូរបន្ថែមទៀតដើម្បីបំបែកទៅជា Screenplay និងចំណាយពេលផលិត ប៉ុន្តែនាពេលបច្ចុប្បន្នលោកម៉ានីតត្រឹមតែមានគំរោងបង្កើតពិភពស្រមើស្រម៉ៃរបស់លោកហើយចែករំលែកទៅកាន់អ្នកអានតាមរយៈស្នាដៃប្រលោមលោកតែប៉ុណ្ណេាះ។