កាលពីថ្ងៃទី០១ ខែតុលាកន្លងទៅនេះ លោកម៉ានិតបានបញ្ចេញបទចំរៀងរបស់លោកដែលទទួលបានប្រជាប្រិយភាពខ្ពស់កាលពី១០ឆ្នាំកន្លងមកគឺបទ«មាននាងក៏ធុញគ្មាននាងក៏ធុញ»។ ដោយបទចំរៀង releaseក្នុងឆ្នាំ២០២២នេះរបស់លោក គឺមានលក្ខណៈខុសប្លែកពីបទចាស់ត្រង់ជាចង្វាក់ Accoustic ហើយក៏មានការរៀបចំឆាក និងការសម្តែងផ្តល់បរិយាកាសថ្មីផងដែរ ដោយមានការប្រគំតន្រ្តីពីក្រុមតន្រ្តីD&M music studio នៅហ៊ុំព័ន្ធជុំវិញឡានមួយពោរពេញដោយបរិកាសស្រងេះស្រងោច។ គួរបញ្ជាក់ផងដែរការផលិតនេះសហការនាំមកជូនឡើងដោយហាង Coffee Cottage ផងដែរ។ លោកម៉ានិតបានសរសេរនៅលើបណ្តាញសង្គមហ្វេសប៊ុករបស់លោកថាបទចម្រៀងនេះគឺជាកាដូពិសេសមួយសំរាប់ចំណងដៃ១០ឆ្នាំនៃខ្ញុំនិងអ្នក ដោយរយៈពេល១០ឆ្នាំនេះវាមានអត្ថន័យខ្លាំងណាស់សំរាប់លោក ហើយលោកក៏គិតថាគួរតែផ្តល់កាដូសំរាប់អ្នកទាំងអស់គ្នាដែលបានគាំទ្រលោកកន្លងមក និងក៏ចង់ផ្តល់កាដូសំរាប់ខ្លួនឯងវិញដែរសំរាប់អបអរសាទរគំរប់ខួប១០ឆ្នាំនៃបទចាស់ៗរបស់លោក​​​ និងអាជីពជាតារាចម្រៀងរបស់លោក។ កត់សំគាល់ឃើញបទចម្រៀងមួយនេះរបស់លោកម៉ានិតទទួលបានចំណាត់ថ្នាក់ទី១៣ សំរាប់បទចម្រៀងមានការពេញនិយមជាងគេនៅលើយូធូបនៅក្នុងប្រទេសកម្ពុជា។ បទចម្រៀងនេះផងដែរធ្វើអោយទស្សនិកជនជាច្រើនយល់ឃើញថាវាហាក់ដូចជាទាញអារម្មណ៍ពួកគេត្រលប់ទៅនឹកឃើញស្នេហាចាស់របស់ពួកគេកន្លងមកដូចជាសម័យនៅរៀនជាដើម។ គួរអោយចាប់អារម្មណ៍ផងដែរ លោកជាវណ្ណារិទ្ធិក៏បានធ្វើការខមមែននៅក្រោមបទចម្រៀងរបស់លោកម៉ានិតផងដែរថា Still the best song។ បើរំលឹកទៅកាន់ពេលសម័យបទចម្រៀងមួយនេះទទួលបានប្រជាប្រិយភាពខ្លាំងវិញនោះចងចាំបានថាលោកជាវណ្ណារិទ្ធិក៏ជាបុគ្គលម្នាក់ដែលបានជ្រើសរើសបទមួយចំនួនរបស់លោកម៉ានិតមកដាក់នៅក្នុងបទចម្រៀងស្នេហារបស់លោកជាមួយនឹងភរិយារបស់លោក​​​អ្នកនាង Bella ផងដែរនៅសម័យដែលពួកគេទើបតែចាប់ផ្តើមកសាងស្នេហាជាមួយនឹងគ្នា។