ក្រុមប៉ូលីសប្រដាប់អាវុធបានចាប់ខ្លួន កងកំលាំងកុម៉្មង់ដូពិសេសអាហ្វហ្គានីស្ថានម្នាក់ក្នុងសណ្ឋាគារមួយនៅទីក្រុង Manchester បើតាមសេចក្តីរាយការណ៍។

កុម៉្មង់ដូម្នាក់នេៈត្រូវបានគេនិយាយថាកំពុងធ្វើចត្តាឡីស័កជាមួយគ្រួសាររបស់គាត់ បន្ទាប់ពីបានមកដល់អង់គ្លេសតាមយន្តហោះជំលៀសខ្លួនពីក្រុងកាប៊ុល។

គាត់ត្រូវបានចាប់ខ្លួននៅពេលទាបភ្លឹថ្ងៃទី៣១តាមរយៈការលួចឆ្មក់ចូលទៅក្នុងសណ្ឋាគាររបស់ប៉ូលីស ឥឡូវកំពុងស្ថិតនៅក្រោមការឃុំខ្លួនរបស់ប៉ូលីសអន្តោប្រវេសន្ត៍ ដោយយោលទៅតាមប្រព័ន្ធផ្សព្វផ្សាយជាច្រើន។ ប៉ូលីសកំពុងធ្វើការស៊ើបអង្កេតបន្តខណៈដែលបុរសនោះកំពុងនៅក្នុងមន្ទីរឃុំឃាំង។

ប៉ូលីសអាចឃុំខ្លួនរហូតដល់៩៦ម៉ោងបើសិនជាជនសង្ស័យប្រព្រឹត្តបទឧក្រិដ្ឋធ្ងន់ធ្ងរ ដោយមិនបាច់ធ្វើការចោទប្រកាន់ តែនឹងអាចឃុំខ្លួនដល២សប្តាហ៍ បើសិនជាមានការចោទប្រកាន់នៅក្រោមច្បាប់ភេរកម្ម។

បុរសនេះត្រូវបានយកមកដាក់ក្នុងសណ្ឋាគារក្នុងរយៈពេលចត្តាឡីស៍ក ហើយរហូតមកដល់ពេលនេះមិនទាន់មានព័ត៌មានពីមូលហេតុនៃការចាប់ខ្លួននៅឡើយ។