ប្រធានបទរវាងលោកជីដេវីតនិងវណ្ណដាក្លាយជា Top Trend មួយហើយនៅលើបណ្តាញសង្គមហ្វេសប៊ុក ដែលមហាជនជាច្រើន បុគ្គលសាធារណៈមួយចំនួន និងផេក Trollធំៗខ្លះៗផងដែរលើកមកជជែកវែកញែកជាហូរហែ។ ឃើញថាបន្ទាប់ពីចាប់ផ្តើមមានការផ្ទុះសង្គ្រាម Diss Track មួយនេះហើយ ដោយមានរឹសគល់ទាំងអស់ផ្តើមឡើងបកស្រាយនៅក្នុងបទចំរៀង«JO 2»របស់លោកវណ្ណដាផ្ទាល់។ 

រឿងហេតុ និងការពិតចាស់ៗត្រូវបានគាស់កកាយទាំងអស់ ធ្វើអោយមហាជននាំគ្នាចាប់ផ្តើមវិភាគ និងការពារអាយដលរបស់ខ្លួន។ លោកវណ្ណដាបានទំលាយឡើងនៅលើគណនី Instagram របស់លោកថា បទចំរៀង«JO 2»របស់លោកត្រូវបានសមាជិកក្នុងក្រុមរបស់ខ្លួនលក់ក្បាលទៅអោយអ្នកដទៃ ទើបមានការចែកចាយបែកធ្លាយបទចម្រៀងមុនថ្ងៃកំណត់ ហើយបទចំរៀងមួយនោះក៏ត្រូវលោកជីដេវីតលួចយកប៉ារ៉ូលដែល Leaked ចេញមកលេងសើចលែបខាយអោយលោកវណ្ណដាវិញ និងធ្វើអាល់ប៊ុមក្នុងបំណងឌឺដងទៅកាន់លោកដែលហាក់ដូចជាមានរឿងរ៉ាវពាក់ព័ន្ធថាបទចំរៀង«JO 2» របស់លោកវណ្ណដាមានបំណង Diss Track លោកជីដេវីតហើយ ទើបលោកជីដេវីតដែលបានស្តាប់មុនដឹងហើយខឹងទើបធ្វើអាល់ប៊ុម Disstrack លោកវណ្ណដាបានមុន។ 

យ៉ាងណាផងដែរម្តងនេះលោកវណ្ណដាលេងធ្ងន់បន្តិច ជះពាក្យសំដីខ្លាំងៗនិងត្រង់ៗថាអោយលោកជីដេវីតនៅក្នុងបទចម្រៀង ទើបធ្វើអោយអ្នកគាំទ្រលោកជីដេវីតចេញមុខការពារជាច្រើនផងដែរ។ ដោយមានបុគ្គលសាធារណៈម្នាក់ជា Make Up Artist រ​​​បស់លោកជីដេវីតផ្ទាល់ ដែលមានឈ្មោះថា Skyler ploy បានផ្ទុះកំហឹងចែករំលែក Status មួយភ្លាមៗវាយប្រហារទៅកាន់លោកវណ្ណដាថា«អត់លុយធ្វើ Concert ខ្លួនឯងមកខឹងគេ» ធ្វើអោយអ្នកគាំទ្រលោកវណ្ណដាខឹងសម្បារផ្តឺផងទៅកាន់លោកវិញមិនចាញ់គ្នាថាបើលោកវណ្ណដាអត់លុយ ខនសឺតកន្លងមករបស់លោកវណ្ណដាគឺជាការហែលកឋិនមែន? រឿងរ៉ាវទំនាស់នៅតែបន្តមិនមានចប់មិនមានហើយឡើយ បន្តទៅទៀតនឹងទៅជាយ៉ាងណាមានតែត្រូវរង់ចាំមើលសភាពការណ៍នៅក្នុងរយៈពេលប៉ុន្មានថ្ងៃនេះទៀតទេ។