Europe-

Emmanuel Macron បានយកជ័យជំនះលើបេក្ខជនប្រធានាធិបតីស្ត្តាំនិយម Marine Le Pen បានដោយស្រួលកាលពីថ្ងៃអាទិត្យ បំបាត់ចោលនូវការរញ្ជួយផែនដីនៃនយោបាយសំរាប់អឺរ៉ុប ប៉ុន្តែបានទទួលស្គាល់នូវភាពមិនទាន់ស្កប់ចិត្តនៅក្នុងអាណត្តិទី១ របស់លោកនិងបាននិយាយថាលោកនឹងស្វែងរកការធ្វើវិសោធនកម្ម។ អ្នកគាំទ្ររបស់លោក បានផ្ទុះឡើងនូវការសប្បាយរីករាយដែលជាលទ្ធផលបានបង្ហាញនៅលើផ្ទាំងទស្សនីយភាពយក្សដ៏ធំនៅទីលាន Champ de Mars នៅក្បែរ Tour Eiffel។

មេដឹកនាំទាំងឡាយ នៅទីក្រុង Berlin, Brussels, London និងលើសពីនោះទៅទៀត បានស្វាគមន៍នូវការផ្តួលរបស់លោកចំពោះបេក្ខជនអ្នកជាតិនិយម Le Pen ។ ជាមួយនឹងសន្លឹកឆ្នោតចំនួន៩៧% ដែលបានរាប់ Macron បានទទួលជ័យជំនះដ៏រឹងមាំជាមួយនឹងសន្លឹកឆ្នោតចំនួន ៥៨,២% តួរលេខរបស់ក្រសួងមហាផ្ទៃបានបង្ហាញ។ ប៉ុន្តែនៅសុន្ទរកថាដែលបង្ហាញពីជ័យជំនះ លោកបានទទួលស្គាល់ថាភាគច្រើន ដែលបានបោះឆ្នោតឲ្យលោកគឺគ្រាន់តែមិនចង់ឲ្យ Le Pen ចូលមកកាន់អំណាច ហើយលោកបានសន្យាថានឹងដោះស្រាយនូវជីវភាពរបស់ពលរដ្ឋបារាំងជាច្រើនដែលជីវភាពរបស់ពួកគេបានរអិលចុះ។

ភាគច្រើននៃអ្នកបោះឆ្នោតនៅក្នុងប្រទេសនេះបានបោះឲ្យខ្ញុំមិនមែនដោយសារគេគាំទ្រគំនិតរបស់ខ្ញុំ ប៉ុន្តែគឺដើម្បីទប់ស្កាត់ពួកស្តាំនិយមជ្រុល។ "ខ្ញុំចង់ថ្លែងអំណរគុណចំពោះពួកគេ ហើយខ្ញុំដឹងច្បាស់ថាខ្ញុំជំពាក់បំណុលបងប្អូននៅក្នុងរយៈពេលប៉ុន្មានឆ្នាំទៀតដែលនឹងមកដល់" លោកបាននិយាយ។ “គ្មានអ្នកណាម្នាក់នៅក្នុងប្រទេសបារាំងនឹងត្រូវបានទុកចោលនោះទេ”លោកបាននិយាយនៅក្នុងសារដែលបានពង្រាយដោយរដ្ឋមន្ត្រីជាន់ខ្ពស់ដែលបានថ្លែងឡើងនៅក្នុងនៅលើស្ថានីយ៍ទូរទស្សន៍បារាំង។

"លោកត្រូវការនៅជិតជាមួយបងប្អូនប្រជាពលរដ្ឋនិងស្តាប់ពួកគេ" អ្នកធ្វើការផ្នែកខាងលក់ អាយុ៥១ឆ្នាំបាននិយាយនៅក្នុងការជួបជុំមួយដើម្បី Macron,ដោយបានបន្ថែមថា លោកត្រូវការយកឈ្នះនូវភាពរឹងរូសនិងភាពទន់ភ្លន់ក្នុងនាមជាអ្នកដឹកនាំដែលប្រកបទៅដោយកិត្យានុភាព ដែល Macron ខ្លួនឯងបានហៅថាជា ផ្កាយព្រឹក។ Le Pen ដែលនៅក្នុងឆាកមួយនៃយុទ្ធនាការ បានតាមពីក្រោយយ៉ាងប្រកិត Macron ដោយខុសគ្នាតែប៉ុន្មានពិន្ទុនៅក្នុងការស្ទាបស្ទង់មតិ បានប្រញ៉ាប់ប្រញ៉ាល់ទទួលស្គាល់នូវការចុះចាញ់ ប៉ុន្តែអ្នកស្រីបានប្តេជ្ញារថានឹងបន្តនូវការប្រយុទ្ធក្នុងការបោះឆ្នោតសភាដែលនឹងប្រព្រឹត្តិទៅនៅក្នុងខែមិថុនា។