Paris- 

ប្រធានាធិបតីបារាំង Emmanuel Macron កាលពីថ្ងៃច័ន្ទបានបាត់បង់សម្លេងភាគច្រើននៅក្នុងសភា បន្ទាប់ពីការបោះឆ្នោតដ៏ធំដែលមានសម្លេងកើនឡើងដោយសម្ព័ន្ធមិត្តដែលរៀបចំថ្មីដោយក្រុមនិយមឆ្វេងនិងស្តាំនិយមជ្រុល ដែលជាការបរាជ័យរបស់លោកដ៏ស្រឡាំងកាំងចំពោះផែនការក្នុងការកែរទម្រង់ក្នុងអាណត្តិទី២​ របស់លោក។ លទ្ធផលដែលចេញពីការបោះឆ្នោតជុំទី២ កាលពីថ្ងៃអាទិត្យបានធ្វើឲ្យនយោបាយរបស់បារាំងចូលទៅក្នុងភាពច្របូកច្របល់ និងបង្កើននូវទិដ្ឋភាពជាប់គាំងនៃស្ថាប័ន្រនិតិបញ្ញតិ្ត ឬក៏នាំឲ្យក្រុមចម្រុះជាមួយ Macron បានចូលទៅនៅជាមួយសម្ព័ន្ធមិត្តថ្មី។

Macron ដែលមានអាយុ៤៤ឆ្នាំ ឥឡូវនេះកំពុងតែប្រឈមនឹងហានិភ័យដោយសារបញ្ហានៅក្នុងស្រុក ខណៈដែលលោកបានស្វែងរកដើរតួនាទីដ៏សំខាន់នៅក្នុងការបញ្ចប់សង្រ្គាមឈ្លានពានរបស់រុស្សីទៅលើអ៊ុយក្រែននិងជាសេចក្តីថ្លែងការណ៍គន្លឹះមួយនៅក្នុងសហគមន៍អឺរ៉ុប។ Macron រួមគ្នាជាមួយក្រុមចម្រុះនៅតែជាគណបក្សមួយដ៏ធំនៅក្នុងការបោះឆ្នោតលើកក្រោយនៅក្នុងសភា។ ប៉ុន្តែជាមួយនឹងចំនួន២៤៥កៅអី, បើយោលទៅតាមលទ្ធផលដែលប្រកាសដោយក្រសួងមហាផ្ទៃនៅក្នុងរយៈពេលប៉ុន្មានម៉ោងកាលពីថ្ងៃច័ន្ទ,គឺវានៅមិនទាន់គ្រប់សម្លេងភាគច្រើននៅក្នុងសភាដែលលោកត្រូវការ២៨៩កៅអីលើ៥៧៧នៃសមាជិកសភាទាំងមូល។

“ស្ថានការណ៍បានបង្កើតឲ្យមានហានិភ័យសំរាប់ប្រទេសរបស់យើង ដែលបានផ្តល់ឲ្យមានការប្រកួតប្រជែងដែលយើងត្រូវប្រឈម” នាយករដ្ឋមន្ត្រី Elisabeth Borne បាននិយាយនៅក្នុងសេចក្តីថ្លែងការណ៍តាមទូរទស្សន៍ ដោយបានប្តេជ្ញាចិត្តថា “យើងនឹងធ្វើការចាប់តាំងពីថ្ងៃស្អែក ដើម្បីកសាងនូវការងារសម្លេងភាគច្រើន”។ លទ្ធផលឆ្នោតនៅក្នុងសភា បានធ្វើឲ្យមានភាពស្រអាប់យ៉ាងខ្លាំងទៅដល់ជ័យជំនះប្រធានាធិបតីរបស់លោក Macron កាលពីខែមេសា ដែលលោកបានផ្តួលពួកក្រុមនិយមស្តាំនិងបានក្លាយទៅជាប្រធានាធិបតីបារាំងទី១ដែលបានឈ្នះការបោះឆ្នោតអាណត្តិទី២ ក្នុងរយៈពេលជាង២ទសវត្សរ៍។

“នេះជាចំណុចនៃការវិលត្រឡប់នៃរូបភាពរបស់លោកក្នុងការមិនអាចផ្ចាញ់បាន”​​ Bruno Cautres អ្នកស្រាវជ្រាវនៅមជ្ឈមណ្ឌលនៃវិទ្យាស្ថានស្រាវជ្រាវវិទ្យាសាស្ត្រនយោបាយ Po។ ចំណងជើងកាសែត Le Monde Daily នៅលើវ៉ែបសាយរបស់ខ្លួនបានសរសេរថា “ Macron បានប្រឈមទៅនឹងហានិភ័យនៃពិការភាពនយោបាយ” ខណៈដែលកាសែត Le Figaro បាននិយាយថា លទ្ធផលឆ្នោតបានបង្កើតនូវស្រមោលនៃ “អាណត្តិថ្មីដែលមិនទាន់កើតនៅឡើយ”។សមាជិកសភាម្នាក់មកពីគណបក្ស Melenchon លោក Alexis Corbiere  បាននិយាយថាលទ្ធផលឆ្នោតមានន័យថាផែនការរបស់ Macron ក្នុងការតម្លើងអាយុអ្នកត្រូវចូលនិវត្តិន៍ទៅដល់អាយុ៦៥ឆ្នាំ ត្រូវបរាជ័យ”។