កាលពីថ្ងៃទី៣ ខែកុម្ភៈកន្លងទៅនេះ អ្នកចម្រៀងប្រភេទ R&BនិងIndie-Pop លោក M-Fatt បានធ្វើការទំលាក់បទចម្រៀងថ្មីរបស់លោកដែលមានចំណងជើងថា «Meaning of Love» នៅតាមបណ្តាកម្មវិធី Streaming Platform របស់លោក កត់សម្គាល់ឃើញថាក្នុងនោះផងដែរក៏មានការចូលរួមសម្តែងពីអ្នកចម្រៀងឯករាជ្យជាច្រើនរូបទៀតដូចជាលោក Kwan, Juvie Lin, និងលោក Vito ជាដើម។ គួរបញ្ជាក់ផងដែរនេះគឺជាបទចម្រៀងមនោសញ្ចេតនាដែលមានចង្វាក់ Slaphouse ផលិតឡើងដោយក្រុមការងារ Slaphouse ផ្ទាល់ពិតជាសក្តិសមទៅនឹងបរិកាស Theme នៃទិវាក្តីស្រលាញ់នេះពិតមែន។
គួររំលឹកផងដែរថាលោក M-Fatt បានធ្វើការទំលាក់អាល់ប៊ុមចាស់របស់លោក «Sweet &Poison» ដែលមានរហូតទៅដល់១៥បទ ចាប់តាំងពីចុងឆ្នាំ២០២១មកម្ល៉េះ និងរយៈពេល១ឆ្នាំកន្លងមកទៀតនេះលោកបានធ្វើការចេញផ្សាយបទចម្រៀងថ្មីៗមួយចំនួនដូចជា«ពេលនេះអូននៅក្បែរអ្នកណា?»ជាមួយនឹងលោក Vito,«First Love», «Loner»,«Bad Day» និង«You’re My Paradize»ជាដើម។ កាលពីពេលថ្មីៗនេះផងដែរបទចម្រៀង«Comfort Zone» របស់លោករួមគ្នាជាមួយនឹងលោក Vito ដែលបានចេញផ្សាយនៅក្នុងអាល់ប៊ុម «Sweet &Poison» ក៏ទទួលបានចំនួនចូលទស្សនារហូតទៅដល់១លានដងនៅលើយូធូប។ តើទស្សនិកជនពេញចិត្តបទចម្រៀង«Meaning of Live» នេះកម្រិតណា? Let me know in your comment below!
