BBC-

អ៊ុយក្រែនបានិយាយថាកងកម្លាំងរបស់ខ្លួនបន្តរងទទួលនូវការផ្លោងយ៉ាងខ្លាំងពីសំណាក់កងទ័ពរុស្សីនៅទីនោះ ប៉ុន្តែនៅទទូចថាទីក្រុង Lysychansk មិនត្រូវបានរុស្សីចាប់យកនោះទេ។ ទោះជាយ៉ាងណាក៏ដោយ ក្រមបំបែករដ្ឋដែលគាំទ្រដោយរុស្សីនិយាយថាពួកគេបានចូលទៅកាន់ទីក្រុងដោយជោគជ័យនិងបានចូលទៅដល់កណ្តាលទីក្រុង។ ប្រព័ន្ធផ្សព្វផ្សាយរុស្សីបានបង្ហាញរូបភាពវីឌីអូនៃក្រុមបំបែករដ្ឋឬក៏កងទ័ពរុស្សីដែលមើលទៅហាក់ដូចជាបានដើរជាក្បួននៅតាមដងផ្លូវ។ ប្រភពរុស្សីបាន Tweeted ផងដែរតាមវីឌីអូ នៃរូបភាពទង់ជាតិរុស្សីដែលបានដោតនៅចំកណ្តាលនៃមជ្ឍមណ្ឌលរដ្ឋបាលរបស់ទីក្រុងដែលបាក់បែក ប៉ុន្តែមិនមានប្រភពណាបានបញ្ជាក់ការពិតនៅឡើយទេ។

Lysychansk គឺជាទីក្រុងជាចុងក្រោយដែលកាន់កាប់ដោយអ៊ុយក្រែននៅ Luhansk  ដែលជាផ្នែកមួយនៃតំបន់ឧស្សាហកម្មនៅ Donbas។ រុស្សីបានចូលកាន់កាប់ទីក្រុងដែលនៅក្បែរនោះកាលពីខែមុន គឺ Sievierodonetsk។ អភិបាលនៃតំបន់ Luhansk លោក Serhiy Haidai បាននិយាយថាមិនមានការថមថយចុះក្នុងការវាយប្រហារលើទីក្រុង Lysychanskទេ កងទ័ពរុស្សីបានខិតចូលមកជិតនិងធ្វើការឡោមព័ទ្ធទីក្រុងគ្រប់ទិស។ Rodin Miroshnik អគ្គរដ្ឋទូតប្រចាំរុស្សីនៃសាធារណរដ្ឋប្រជាមានិតុបំបែករដ្ឋ Luhansk ដែលនិយមរុស្សី បានប្រាប់ទូរទស្សន៍រុស្សីថា Lysychansk បានស្ថិតនៅក្រោមការកាន់កាប់ ប៉ុន្តែមិនទាន់បានរំដោះនៅឡើយទេ។

រូបភាពទាហាន Chechen រុស្សីនៅក្នុងទីក្រុងត្រូវបានចែករំលែកដោយវ៉ែបសាយក្រសួងការពារជាតិរុស្សី។ ចាប់តាំងពីរុស្សីបានចូលឈ្លានពាននៅថ្ងៃទី២៤ខែកុម្ភះ ដែលបានអះអាងថាដើម្បីដកអាវុធ និងកំចាត់ពួក NAZI អ៊ុយក្រែន បន្ទាប់ពីបានខិតកាន់តែចូលទៅជិត NATO ។ ប្រជាពលរដ្ឋជាច្រើនពាន់បានស្លាប់បាតបង់ជីវិតឬរងរបួស និងមានយ៉ាងហោចណាស់ ១២លាននាក់ បានរត់ចាកចេញពីផ្ទះសម្បែង។ ប្រជាជាតិនៃប្រទេសលោកខាងលិចបានឆ្លើយតបវិញ ដោយផ្តល់អាវុធឲ្យអ៊ុយក្រែននិងបានដាក់ទណ្ឌកម្មដែលពុំដែលមានពីមុនមកទៅលើរុស្សី ដែលជាប្រទេសមហាអំណាចនុយគ្លេអ៊ែរនិងជាអ្នកផ្គត់ផ្គង់ថាមពលពិភពលោក ។

ក្នុងការវិវត្តិន៍ផ្សេងទៀត ផ្លូវរថភ្លើង ចរន្តអគ្គីសនី នៅប៉ែកខាងជើងទីក្រុង Kharkiv ត្រូវបានរងការខូចខាតក្នុងការវាយប្រហារជាបន្តបន្ទាប់ តែមិនមានអ្នករងរបួសត្រូវបានរាយការណ៍នោះទេ។ ទីក្រុងខាងត្បូងនៃ Mykolaiv ដែលជាផ្លូវសំខាន់ទៅកាន់ទីក្រុងកំពង់ផែ Odessa ត្រូវបានរង្គើរញាប់ញ័រដោយសារការផ្ទុះជាច្រើនកន្លែង ដោយក្រសួងការពារជាតិរុស្សីបាននិយាយថា "កងទ័ពអាកាសរបស់គេបានបំផ្លាញទីបញ្ជាការរបស់អ៊ុយក្រែន៥កន្លែង និងឃ្លាំងគ្រាប់ជាច្រើនកន្លែងទៀត ប៉ុន្តែមិនមានប្រភពឯករាជ្យណាអះអាងនៅឡើយទេ"។ ការផ្ទុះបានកើតឡើងមួយថ្ងៃបន្ទាប់ពីរុស្សីបានត្រូវគេចោទប្រកាន់ថាបានសម្លាប់មនុស្សជាង២០នាក់ នៅក្នុងការវាយប្រហារដោយមីស៊ីលទៅលើប្លុកនៃផ្ទះល្វែងនៅជិត Odessa។