CNA- Kyiv-
លោកប្រធានាធិបតី អ៊ុយក្រែន Volodymyr Zelensky កាលពីថ្ងៃអាទិត្យបានទទួលស្គាល់ថាកងកម្លាំងទីក្រុង Kyiv បានដកចេញពីក្រុង Lysychansk នៅក្នុងផ្នែកខាងកើតនៃតំបន់ Donbas បន្ទាន់ពីបានទប់ទល់ជាមួយការវាយលុករបស់រុស្សី ប៉ុន្តែបានប្តេជ្ញាចិត្តថានឹងវាយយកមកកាន់កាប់វិញនូវទីកន្លែងនោះជាមួយនឹងការជួយនៃអាវុធដែលបាញ់បានរយៈឆ្ងាយរបស់លោកខាងលិច។ រុស្សីបាននិយាយថាខ្លួនបានកាន់កាប់ទីក្រុង Lysychansk មិនដល់មួយសប្តាហ៍ផងបន្ទាប់ពីបានចូលកាន់កាប់ទីក្រុងដែលនៅក្បែរនោះ Sievierodonetsk ដែលនាំឲ្យគេបានកាន់កាប់ទាំងស្រុងនូវតំបន់ខាងកើតនៃខេត្ត Luhansk ។
នេះជាជ័យជំនះនៃនយោបាយមួយរបស់គោលបំណងនៃសង្រ្គាមរបស់វិមានក្រឹមឡាំង។ សមរភូមិបច្ចុប្បន្ននេះបានផ្តោតទៅលើតំបន់ជិតខាង ភាគខាងកើតគឺ Donetsk ដែលទីក្រុង Kyiv បានកាន់កាប់ផ្នែកខ្លះនៃទឹកដីនោះ។ “ប្រសិនបើមេបញ្ជាការនៃកងទ័ពរបស់យើង បានដកប្រជាពលរដ្ឋចេញពីចំណុចទាំងអស់នោះនៅសមរភូមិមុខ ជាកន្លែងដែលសត្រូវមានការរុលមកមុខយ៉ាងខ្លាំងដោយកំលាំងអាវុធ ហើយរឿងដូចនេះកើតមានផងដែរក្នុងក្រុង Lysychansk វាមានន័យតែមួយគត់ ថាយើងនឹងវិលត្រឡប់ទៅវិញ ដោយផ្អែកទៅលើយុទ្ធសាស្ត្រ ដោយសារមានការបន្ថែមនូវគ្រឿងអាវុធយុទ្ធភ័ណ្ឌទំនើបដែលផ្តល់ឲ្យដោយលោកខាងលិច”។ Zelensky បានថ្លែងនៅក្នុងសុន្ទរកថាមួយតាមវីឌីអូនៅពេលយប់។
Zelensky បាននិយាយថារុស្សីបានផ្តោតកងកម្លាំងរបស់គេទៅលើសមរភូមិ Donbas ប៉ុន្តែអ៊ុយក្រែននឹងវាយប្រហារត្រឡប់ទៅវិញ ជាមួយនឹងកាំភ្លើងផ្លោងដែលមានរយៈចម្ងាយឆ្ងាយដែលផ្តល់ដោយសហរដ្ឋអាមេរិកនិងសម្ព័ន្ធមិត្ត គឺ HIMARS។ ”ការពិតគឺយើងការពារជីវិតកងទ័ពរបស់យើង ប្រជាពលរដ្ឋរបស់យើង ដើរតួរនាទីដ៏សំខាន់ដើម្បីឲ្យមានសមភាព។ យើងនឹងកសាងជញ្ជាំង យើងនឹងយកទឹកដីរបស់យើងមកវិញ ហើយប្រជាពលរដ្ឋគឺជារឿងសំខាន់ដែលយើងត្រូវការពារមុនអ្វឺៗទាំងអស់” Zelensky និយាយ។ ចាប់តាំងពីបានបោះបង់ចោលនូវការវាយលុកទៅលើទីក្រុង Kyiv រុស្សីបានផ្តោតការយកចិត្តទុកដាក់នៃប្រតិបត្តិការយោធារបស់គេទៅលើតំបន់ឧស្សហកម្ម Donbas។
រុស្សីនិយាយថាខ្លួនបានកាន់កាប់តំបន់ Luhansk ដើម្បីផ្តល់វាទៅឲ្យសាធារណរដ្ឋប្រជាមានិត Luhansk ដែលគាំទ្រដោយរុស្សីហើយដែលប្រកាសខ្លួនឯងថាឯករាជ្យនៅមុនពេលដែលរុស្សីចូលឈ្លានពានអ៊ុយក្រែន។ រដ្ឋមន្ត្រីក្រសួងការពារជាតិរុស្សី Sergei Shoigu បានរាយការណ៍ឲ្យលោកប្រធានាធិបតី Vladimir Putin ថា Luhansk បានរំដោះហើយ ក្រសួងការពារជាតិរុស្សីបាននិយាយ បន្ទាប់ពីរុស្សីពេលថ្មីៗនេះបាននិយាយថា កងកម្លាំងរបស់ខ្លួនចូលកាន់កាប់ភូមិនៅជុំវិញ Lysychansk និងឡោមព័ទ្ធទីក្រុង។ ទីបញ្ជាការយោធាអ៊ុយក្រែនបាននិយាយថា កងកម្លាំងរបស់ខ្លួនត្រូវបានបង្ខំឲ្យដកចេញពីទីក្រុង។
