នៅខណៈពេលលោកជីដេវីតបានឆ្លើយតប Diss Track ទៅកាន់លោកវណ្ណដាវិញហើយកាលពីយប់ថ្ងៃទី១ ខែវិច្ឆិកាកន្លងទៅនេះ ដោយបទចំរៀងមានចំណងជើងថា «ចុម!អាអូនអត់ដេក» អ្នកគាំទ្ររបស់លោកវណ្ណដា និងលោកជីដេវីតទាំងសងខាងបានមានប្រតិកម្មរៀងខ្លួនទៅលើការចេញចំរៀងមួយនេះ។ អ្នកគាំទ្ររបស់លោកជីដេវីតមួយចំនួននៅតែបន្តការគាំទ្ររូបលោក និងបានយល់ថាការឆ្លើយតបរបស់លោកពិតជាឃ្យូតមែនទែន ដែលផ្ទុយពីលោកវណ្ណដាដែលមកទាំងខេខឹង។ រីឯអ្នកគាំទ្ររបស់លោកវណ្ណដាវិញក៏បានទៅត្រៀមគ្រាប់របស់ខ្លួនយកមកបាញ់តទល់នឹងអ្នកគាំទ្ររបស់លោកជីដេវីតផងដែរ ដោយពួកគេខ្លះបានទៅជីកគាស់កកាយរកមើលថាតើលោកជីដេវីតចេញបទ Diss Track បានវិញត្រឹមរយៈពេល៣ថ្ងៃលឿនដូច្នេះទៅលួចបទភ្លេងយូធូបខាងណាវិញ។ បន្ទាន់ៗគ្នានោះពួកគេក៏ចាប់បានថាលោកជីដេវីតបានយក Loop នៃបទភ្លេងពីយូធូបមកមែន និងបានចែកចាញបន្តគ្នានៅលើបណ្តាញសង្គម។
ចំនែកឯអ្នកគាំទ្ររបស់លោកជីដេវីតវិញក៏បង្ហាញប្រតិកម្មមិនសុខចេញទៅវិញដែលគ្រប់គ្នាតែងតែចាប់កំហុសអាយដលរបស់ខ្លួន ទើបទីបំផុតក៏មានអ្នកមួយចំនួនបានផ្ចាញ់ផ្ចាល់រក Loop បទចម្រៀងដែលលោកវណ្ណដាក៏ធ្លាប់បានប្រើប្រាស់ធ្វើជាបទរបស់ខ្លួនពីក្នងយូធូបមកវិញផងដែរ។ សង្គ្រាមផ្ចាញ់ផ្ចាលគ្នាកាន់តែក្តៅគគុក ខណៈពេលដែលបែកធ្លាយ Loop នៃបទចម្រៀងរៀងខ្លួនយកមកប្រើប្រាស់។ ជាក់ស្តែងការសើរើម្តងនេះ បានទាក់ទាញមនុស្សជាច្រើនចូលទៅមើលបទភ្លេងរបស់ម្ចាស់ដើម និងធ្វើការខមមែនសួរនាំទាក់ទងជាច្រើនទៅកាន់ម្ចាស់បទ Loop នៃបទចម្រៀង«Catch me if you can» របស់លោកវណ្ណដា ដែលមានឆាណែលយូធូបឈ្មោះថាSAMUDAI រហូតដល់មានការឆ្លើយតបពីខាងរបស់លោកមកវិញ។ គួរបញ្ជាក់ផងដែរ Loop បទចម្រៀងរបស់លោកSAMUDAI ត្រូវបានបង្ហោះឡើងជាអាល់ប៊ុម Pack និងត្រង់បទភ្លេងដែលលោកវណ្ណដាបានដកស្រង់យកមកប្រើប្រាស់ធ្វើជាបទភ្លេងរបស់ខ្លួននោះមានឈ្មោះថា«ICE CREAM» ។លោកSAMUDAI បានសរសេរបញ្ជាក់ឡើងនៅក្នុងខមមែនក្រោមអាល់ប៊ុម Loop Sample Pack របស់លោកថា អ្នកទាំងអស់គ្នាខ្លះនិយាយថាលោកបាន Copy បទចម្រៀងរបស់លោកវណ្ណដាមានចំណងជើងថា«Catch me if you can» ប៉ុន្តែជាការពិតទៅបទភ្លេងនេះលោកធ្វើដោយខ្លួនឯង ហើយពួកគេបានប្រើប្រាស់បទភ្លេងទី១របស់លោក និងមិនបានអោយ Credit លោកថែមទៀត ជាក់ស្តែងអាចពិនិត្យមើលទៅលើថ្ងៃកាលបរិច្ឆេទចេញបទចម្រៀងបាន។
