បើយោងតាមប្រភព Facebook នៅលើ Page: Live by WonderPass កាលពីរសៀលថ្ងៃទី០៦នេះ យើងបានឃើញថាបានបង្ហាញអំពីវត្តមាន Jessi ដែលជាម្ចាស់បទ Zoom នឹងមកដែលប្រទេសខ្មែរឆាប់ៗនេះ !! បើមើលតាម Poster របស់ពួកគេបានបញ្ជាក់ថា កញ្ញា Jessi នឹងមកដល់ខែធ្នូ ឆ្នាំ២០២២ ខាងមុខនេះ ហើយនៅលើ Caption បានបង្ហើបដល់អ្នកគាំទ្រថា “រាំ! ច្រៀង! រ៉េប ! ប្រាប់បានថា មានឈ្មោះ ៥ អក្សរ” ផងដែរ។ ជាការពិតណាស់កញ្ញាJessiដែលជាតារាចម្រៀងវ័យក្មេងមួយរូបនេះមានទេពកោសល្យគួរឲ្យមានការកោតសរសើរខ្លាំង ក្នុងការរាំ ច្រៀង និងរ៉េបផងដែរ និយាយឲ្យខ្លីគឺមានដុងសិល្យៈទាំងស្រុងតែម្តង។

គួរបញ្ជាក់ថាកញ្ញា Jessi មានឈ្មោះពេញថា Jessica Hyun Ju Ho ដែលត្រូវគេគ្រប់គ្នាបានស្គាល់ថា ជាតារាចម្រៀង និង Rapper របស់ប្រទេសអាមេរិក កូរ៉េ ហើយការឲ្យជាសញ្ញាមួយនេះ អ្នកគាំទ្រសន្មត់ថា គឺជាសញ្ញាបទ Zoom ដែលជាកម្មសិទ្ធរបស់កញ្ញា Jessi ពីព្រោះសញ្ញា + - នេះសំដៅលើ Lyrics  មួយឃ្លាដែលមាននៅក្នុងបទរបស់នាង Zoom in Zoom out។ គួរបញ្ជាក់ផងដែរថាបទចម្រៀង Zoom នេះទើបតែចេញកាលពីថ្ងៃទី ១៣ ខែមេសា ពាក់កណ្តាលឆ្នាំ ២០២២នេះ ក៏ប៉ុន្តែបទចម្រៀងមួយនេះមានការគាំទ្រជាច្រើនពី Fan Fan ទូទាំងពិភពលោក។