កំពូល Live-streamer របស់ចិនម្នាក់ត្រូវបានផាកពិន័យជាទឹកប្រាក់ 1.34ពាន់លានយន់ (210 លានដុល្លារ) សម្រាប់ការគេចពន្ធ Huang Wei ត្រូវបានគេស្គាល់ថាជា Viya គឺជាតារាល្បីក្នុងប្រព័ន្ធអ៊ីនធឺណិត ដែលមានអ្នកតាមដានរាប់សិបលាននាក់។ នាងបានប្រើវេទិការបស់នាងដើម្បីលក់ផលិតផលជាច្រើនប្រភេទ។ អាជ្ញាធរនៅទីក្រុង Hangzhou បានចោទប្រកាន់នាងពីបទលាក់បាំងប្រាក់ចំណូលផ្ទាល់ខ្លួនរបស់នាង ក៏ដូចជាបទល្មើសហិរញ្ញវត្ថុផ្សេងទៀតនៅចន្លោះឆ្នាំ 2019 និង 2020។
នៅក្នុងការបង្ហោះនៅលើគណនី Weibo របស់នាងបាននិយាយថា នាង "សុំទោសជាខ្លាំង"។ “ខ្ញុំព្រមទទួលយកការដាក់ទណ្ឌកម្ម ដោយអាជ្ញាធរពន្ធដារយ៉ាងហ្មត់ចត់”។ កញ្ញាវ័យ 36 ឆ្នាំរូបនេះ បានក្លាយជាតារាល្បីក្នុងប្រព័ន្ធអ៊ីនធឺណេតនៅក្នុងប្រទេសចិន ដែលត្រូវបានជំរុញដោយការកើនឡើងយ៉ាងខ្លាំងនៃការទិញទំនិញតាមអ៊ីនធឺណិត។ នាងត្រូវបានគេស្គាល់ថាជា "live-streaming queen" ហើយបានលក់អ្វីៗគ្រប់យ៉ាងនៅលើវេទិកាទិញទំនិញអនឡាញ Taobao ។
វីយ៉ា ត្រូវរៀបចំព្រឹត្តិការណ៍លក់គ្រឿងសម្អាងមួយនៅល្ងាចថ្ងៃចន្ទ មុនពេលគណនី stream របស់នាងមិនដំណើរការ បើយោងតាមទីភ្នាក់ងារព័ត៌មាន Reuters ។ វេទិកាដ៏ធំរបស់នាងមានន័យថា នាងត្រូវបានគេដាក់ឈ្មោះនៅក្នុងបញ្ជីនៃ 100 នាក់ដែលមានឥទ្ធិពល ក្នុងឆ្នាំ 2021 របស់ទស្សនាវដ្តី Time ។ការបង្វែរការប្រឆាំងទៅនឹងតារាល្បីៗលើប្រព័ន្ធអ៊ីនធឺណិត Viya គឺជា influencer ដ៏ពេញនិយមបំផុតរបស់ប្រទេសចិន ឬជា vlogger លក់ទំនិញតាមអ៊ីនធឺណិត។ ទោះជាយ៉ាងណាក៏ដោយ ការបង្វែរការប្រឆាំងទៅលើរូបនាងយ៉ាងឆាប់រហ័ស ដោយសារការផាកពិន័យដ៏ធំរបស់នាងចំពោះការគេចពន្ធ។
មួយក្នុងចំណោម hashtag កំពូលនៅលើ Twitter ដូច Sina Weibo របស់ប្រទេសចិនគឺ #ViyaCompletelyBlockedOnline ខណៈដែលហាងនានាស្វែងរកការដកវត្តមានរបស់នាងចេញ។ គណនី Weibo របស់នាង ដែលនាងមានអ្នកតាមដាន 18 លាននាក់នោះ លែងមានទៀតហើយ ហើយរបាយការណ៍ប្រព័ន្ធផ្សព្វផ្សាយបង្ហាញថា គណនីរបស់នាងនៅលើវេទិកាទិញទំនិញ Taobao ដូច eBay ក៏ត្រូវបានផ្អាកផងដែរ។
កាសែត Global Times និយាយថា ការពិន័យរបស់នាងនឹងក្លាយជា "ការព្រមានដល់អ្នកដទៃ" ។ ទោះជាយ៉ាងណាក៏ដោយ មានសញ្ញាជាច្រើនសម្រាប់ខែមុនដែលថា ប្រទេសចិនបាននិងកំពុងស្វែងរកការកែទម្រង់ឧស្សាហកម្មនេះ។ ប្រទេសចិនមានឧស្សាហកម្ម live-streaming ដ៏ធំបំផុតនៅក្នុងពិភពលោក។ មាន vlogger ឬ video bloggers ច្រើនជាង 400 លាននាក់នៅក្នុងប្រទេស។
កាលពីខែមុន influencers លើអ៊ីនធឺណិត ត្រូវបានហាមឃាត់មិនឱ្យណែនាំភាគហ៊ុនតាមអ៊ីនធឺណិត ហើយតារាល្បីចំនួន 88 នាក់ ត្រូវបានផ្តល់ "ការព្រមាន" លើខ្លឹមសារនៃ live-streaming ។ live-streamers ដ៏ល្បីពីរនាក់ទៀតគឺ Zhu Chenhui និង Lin Shanshan ត្រូវ បានគេពិន័យ ១០,២លានដុល្លារ និង ៤,៣លានដុល្លារ ហើយក៏ត្រូវបានលុបគណនី Weibo ចេញដែរ។ កាសែត China Daily បាននិយាយនៅពេលនោះថា "ការស៊ើបអង្កេត និងការដាក់ទណ្ឌកម្មចំពោះអ្នកដែលគេចពន្ធ [នឹង] កាន់តែខ្លាំងឡើង ដើម្បីបង្កើតពន្ធឲ្យស្មើភាពគ្នា" ។
អត្ថបទដកស្រង់ពី BBC
បកប្រែនិងកែសម្រួលដោយ Mr. Blue